LUKE 2:26 - Edisana ñwed Abasi Ibom

²⁶ Edisana Spirit ama onyuŋ ayarare ɔnɔ enye ete enye idikpaha tutu enye okut Christ emi Jehovah ɔdɔŋde.

LUKE 2:26 Referans Kwoze

JOHN 8:51

Ke akpanikɔ ke ndɔhɔ mbufo, Edieke owo onimde ikɔ Mi, enye idikpaha mkpa ke nsinsi.

MME HEBREW 11:5

Oto mbuɔtidem emen Enoch edɔk ke enyɔŋ, man enye okukut mkpa; owo inyuŋ ikwe enye, sia Abasi ekemende enye ɔnyɔŋ; koro ke ini mimenke enye kaŋa idɔk ekedi ntiense ebaŋa enye ete, enye enem Abasi esit:

LUKE 9:27

Edi ntiŋ akpanikɔ nnɔ mbufo, ndusuk owo edu ke otu mmɔ emi edade mi emi miditabike mkpa, tutu mmɔ ekut Ubɔŋ Abasi.

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

UTOM MME APOSTLE 2:36

Mmɔdo yak ofuri ufɔk Israel etim efiɔk ete, Abasi ama anam Enye edi ɔbɔŋ ye Christ, kpa Jesus emi mbufo ekewotde ke cross.

ŊWED MME PSALM 25:14

Jehovah etie ufan ye mmɔ eke ebakde enye, ndien enye eyeteme mmɔ ediomi esie.

UTOM MME APOSTLE 17:3

onyuŋ asian owut mmɔ, ete Christ enyene ndikpa nnyuŋ nset ke mkpa; onyuŋ ɔdɔhɔ mmɔ ete, Jesus, emi ŋkwɔrɔde nnɔ mbufo, edi Christ.

UTOM MME APOSTLE 9:20

Ndien kpa idaha oro enye ɔkwɔrɔ Jesus ke mme synagogue ete, Enye edi Eyen Abasi.

JOHN 20:31

Edi ewet mmɔ emi, man mbufo enim ke akpanikɔ ete Jesus edi Christ, Eyen Abasi; man ke erinim ke akpanikɔ, mbufo ekpenyene uwem ke enyiŋ Esie.

JOHN 4:29

Edi edise owo emi ekemende kpukpru se akananam nnamde etiŋ ɔnɔ mi; ndi Enye edi Christ?

JOHN 1:41

Enye ebem iso okut eyen-eka esiemɔ Simon, onyuŋ ɔdɔhɔ enye ete, Nnyin imokut Messiah (oro ɔwɔrɔ ete, Christ).

AMOS 3:7

Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

ŊWED MME PSALM 2:6

Ndien edi ami mmonim edidem mi ke enyɔŋ Zion edisana obot mi.

ŊWED MME PSALM 2:2

Ndidem ererimbot edaha eda, mbɔŋ enyuŋ ebono eduk odu ebaŋa Jehovah ye Messiah esie, ete,

MATTHEW 2:12

Ndien sia Abasi etemede mmɔ ke ndap, ete, Ekufiak eka ke ɔtɔ Herod, mmɔ esaŋa ke usuŋ efen enyɔŋɔ obio mmɔ.

LUKE 2:29

Ke emi, O; Obɔŋ, Afo ke ayak owo Fo ɔnyɔŋ ke ifure, Nte Afo ɔkɔdɔhɔde;