LUKE 2:14 - Edisana ñwed Abasi Ibom

¹⁴ Uboŋ enyene Abasi ke ata enyɔŋ. Emem onyuŋ odu ke isɔŋ ke otu owo emi Enye enende iso ye mmɔ.

LUKE 2:14 Referans Kwoze

ŊWED MBON ROME 5:1

MMƆDO sia ema ekeda mbuɔtidem enam ikpe etebe nnyin, nnyin imenyene emem ye Abasi oto ke Ɔbɔŋ nnyin Jesus Christ.

LUKE 19:38

Itoro enyene Edidem emi edide ke enyiŋ Jehovah: Emem odu ke heaven, ubɔŋ odu ke ata enyɔŋ.

ŊWED MBON COLOSSAE 1:20

nnyuŋ nnam kpukpru ŋkpɔ ekabare etie ke emem ye Abasi oto ke Enye (akada iyip cross Esie esin emem) nkɔm oto ke Enye, ye mmɔ edide ŋkpɔ eke edude ke isɔŋ, ye edide ŋkpɔ eke edude ke enyɔŋ.

LUKE 1:79

Ndiyama nnɔ mmɔ eke etiede ke ekim ye mfut mkpa; Nditeme ukot nnyin ndiduk ke usuŋ emem.

ERIYARARE 5:13

Ndien ŋkop kpukpru ŋkpɔ emi ekebotde, emi edude ke heaven, ye ke isɔŋ, ye ke idak isɔŋ, ye ke inyaŋ, ye kpukpru ŋkpɔ eke edude mmɔ ke esit, nte edɔhɔde ete, Yak eridiɔŋ, ye ukpono, ye ubɔŋ, ye erikara ofuri ekondo, enyene Enye emi etiede ke ebekpo, enyuŋ enyene Eyen-erɔŋ ke nsinsi-nsinsi.

ISAIAH 57:19

Jehovah ɔdɔhɔ ete, Mbot mfri mkpɔk-inua; emem, emem, nnɔ owo eke oyomde usuŋ ye owo eke ekperede, ndien nyekɔk enye.

UTOM MME APOSTLE 10:36

Enye ɔkɔnɔ ikɔ Esie esɔk nditɔ Israel, ke erikwɔrɔ gospel emem emi Jesus Christ ɔkwɔrɔde, emi edide Ɔbɔŋ kpukpru owo;

JOHN 17:4

Ami mma nnɔ Fi ubɔŋ ke isɔŋ, ke emi ŋkanamde utom eke Afo ɔkɔnɔde Mi nnam.

2 ŊWED THESSALONICA 2:16

Ndien Ɔbɔŋ nnyin Jesus Christ, ke Idem Esie, ye Abasi Ete nnyin, emi akamade nnyin, onyuŋ ɔnɔde nnyin nsinsi ndɔŋesit ye eti idori-enyin ke mfɔn,

ŊWED MBON PHILIPPI 2:11

kpukpru edeme ekponyuŋ enyime ete Jesus Christ edi Ɔbɔŋ, enɔ Abasi Ete ubɔŋ.

LUKE 3:22

enyɔŋ eberere, ndien Edisana Spirit ɔsuhɔre ke mbiet ibiom edidoro Enye ke idem: ndien uyo oto ke enyɔŋ, ete, Afo edi edima eyen Mi; mmenem esit eti-eti ye Afo.

MATTHEW 21:9

Mme otu owo emi ebemde Enye iso ye mmɔ emi etienede ke edem efiori ete, Hosanna enyene Eyen David; Itoro enyene Enye emi edide ke enyiŋ Jehovah; Hosanna ke ata enyɔŋ.

ISAIAH 49:13

Mbufo enyɔŋ, ekwɔ; isɔŋ, nyuŋ dara; mbufo ikpɔ obot ebumere ekwɔ: koro Jehovah ɔdɔŋde ikɔt esiemɔ esit, eyenyuŋ atua ikɔt esie emi etuhɔde, mbɔm.

ŊWED MBON EPHESUS 1:9

ke erinɔ nnyin kpukpru ɔniɔŋ ye asian, onyuŋ anam nnyin ifiɔk ŋkpɔ eke okodibede ke esit Esie, kpa nte enemde Enye esit ndiduak ke Christ;

ŊWED MBON EPHESUS 1:6

enem Enye esit ndinam emi, man ɔwɔrɔ itoro ɔnɔ ubɔŋ mfɔn Esie, emi Enye ɔkɔfɔnde ye nnyin ke Eyen Ima Esie.

ISAIAH 44:23

O enyɔŋ, mbufo ekwɔ: koro Jehovah amanam: isɔŋ ke idak, sio mkpo: ikpɔ obot, mbufo ebumere ekwɔ; mbufo, akai ye kpukpru eto emi edude ke esit: koro Jehovah afakde Jacob, eyenyuŋ ada ubɔŋ ke Israel.

ŊWED MBON PHILIPPI 2:13

koro edi Abasi esine mbufo ke idem anam mbufo enyime enyuŋ enam, man eti uduak Esie ediwɔrɔ.

ŊWED MBON EPHESUS 2:7

kpaŋ ke mme eyo eke edidide Enye akpada mfɔnido eke Enye ɔfɔnde ido ye nnyin ke Christ Jesus, owut mfɔn Esie emi awakde akan.

ŊWED MBON EPHESUS 2:4

Edi Abasi, emi enyenede uwak mbɔm, oto ke akwa ima eke Enye akamade nnyin,

JOHN 14:27

Ŋkpɔŋ emem ye mbufo; nyak emem Mi nnɔ mbufo: idige nte ererimbot ɔnɔde ke ami nnɔ mbufo. Ekuyak esit etimere mbufo, ekunyuŋ eyak esit mbufo ekop ndik.

JOHN 3:16

Koro Abasi akamama erimbot ntem, tutu Enye osio ikpɔŋ-ikpɔŋ Eyen emi Enye obonde ɔnɔ, man owo ekededi eke ɔbuɔtde idem ye Enye okutak, edi enyene nsinsi uwem.

MICAH 5:5

Ndien emem eyedu ndien. Adaŋemi Assyria edidukde ke edem nnyin; adaŋemi enye onyuŋ edigide ikpɔ ufɔk nnyin, ndien nnyin iyedemere mme ekpemerɔŋ itiaba ye mbɔŋ eke eyetde mmɔ aran itiaita, ete eŋwana ye enye:

LUKE 2:13

Ndien idaha oro udim mbon heaven edu ye angel oro; mmɔ enyuŋ etoro Abasi, ete,

LUKE 2:15

Edikem ke ini mme angel ema ekadaŋa ekpɔŋ mmɔ enyɔŋ ke heaven, mme ekpemerɔŋ edɔhɔ kiet eken ete, Eyak nnyin ika ke Bethlehem ikese ŋkpɔ emi okotibede, emi Jehovah asiande nnyin.