LUKE 19:42 - Edisana ñwed Abasi Ibom

⁴² Afo ke idem fo akpakam ɔfiɔk ke usen emi mme ŋkpɔ eke ekpanamde fi odu ke emem! Edi ke emi mmɔ emedibe fi ke enyin.

LUKE 19:42 Referans Kwoze

DEUTERONOMY 32:29

Ema ekpenyene ibuot, mmɔ ekpetim efiɔk emi, ekpekere utit mmɔ!

MME HEBREW 3:15

ke adaŋemi edɔhɔde ete, Mfin, edieke mbufo edikopde uyo Esie, Ekusɔŋ esit mbufo, nte mmɔ ekesɔŋde ke ini mmɔ eyatde Abasi esit.

ISAIAH 48:18

Afo akpakam akpaŋ utɔŋ ke mbet mi! ndien emem fo ekpebiet akpa mmɔŋ, edinen ido fo ekpebiet mbufut inyaŋ.

UTOM MME APOSTLE 10:36

Enye ɔkɔnɔ ikɔ Esie esɔk nditɔ Israel, ke erikwɔrɔ gospel emem emi Jesus Christ ɔkwɔrɔde, emi edide Ɔbɔŋ kpukpru owo;

ISAIAH 55:6

Mbufo eyom Jehovah, ke ini ekemede ndikut enye, eseme ekot enye, ke ini enye ekperede:

MME HEBREW 3:13

Edi enɔ kiet eken item kpukpru usen adaŋa nte ini ekerede mfin mbak, idiɔk-ŋkpɔ edida abiaŋa esie ɔsɔŋ owo ekededi ke otu mbufo esit:

LUKE 19:44

eyenyuŋ esuhɔre fi enim ke isɔŋ, ye nditɔ fo emi eduŋde fi ke esit; ndien idikpɔŋke itiat kiet ke enyɔŋ itiat eken ke esit fo; koro afo mukɔdiɔŋɔke ini eke Abasi edide edise fi.

UTOM MME APOSTLE 13:46

Ndien Paul ye Barnabas edɔhɔ mmɔ uko-uko ete, Ana nte ebem iso etiŋ ikɔ Abasi enɔ mbufo. Sia mbufo esinde ikɔ oro, enyuŋ ebatde ete mmimɔ idotke nsinsi uwem, sese, nnyin ikabare itiene mme Gentile.

EZEKIEL 33:11

Dɔhɔ mmɔ, ete, Ɔbɔŋ Jehovah ɔdɔhɔ, ete, Ma uwem mi, mkpa idiɔk owo inemke mi esit, edi idiɔk owo akam akabare ɔkpɔŋ usuŋ esie, ndien odu uwem: mbufo, O ufɔk Israel, ekabare, ekabare; koro nsinam mbufo ekpekpaŋa?

ISAIAH 44:18

Mmɔ ifiɔkke, inyuŋ inimke ibuot: koro enye emesiri mmɔ enyin, man ekukut; esiri esit mmɔ, man ekudi ɔniɔŋ.

MME HEBREW 3:7

Ntre, kpa nte Edisana Spirit ɔdɔhɔde, Mfin, edieke mbufo edikopde uyo Esie,

ŊWED MME PSALM 81:13

Ikɔt mi ekpekam ekop uyo mi, Israel ekpekam enyuŋ esaŋa ke usuŋ mi!

ŊWED MME PSALM 32:6

Emi eyesin kpukpru mbon-ima fo ekpe fi ubɔk ke ini eke edikutde fi: ŋkɔm ke ini ukwɔ akamba mmɔŋ, mmɔ idisimke enye.

DEUTERONOMY 5:29

Oh, mmɔ ekpekam enyene oruk esit emi ke idem mmɔ, eke ebakde mi, enyuŋ enimde ofuri mbet mi kpukpru ini, kpaŋ ŋkpɔfɔn ye mmɔ, ye nditɔ mmɔ ke nsinsi!

JEREMIAH 13:17

Edi mbufo minyimeke ndikop enye, ukpɔŋ mi eyetua eyet ke ndibe abaŋa ntaŋidem mbufo; eyenyuŋ eseme eti-eti, mmɔŋeyet eyenyuŋ oto mi ke enyin ɔsuhɔre: koro etaŋde otu ufene Jehovah efep.

LUKE 19:41

Ke ini Enye asaŋade ekpere, Enye okut obio, onyuŋ atua eyet abaŋa enye, ete,

LUKE 19:43

Koro mme usen eyesim fi eke mme asua fo edibotde ibombom ekanare fi, ekan fi ekuk, enyuŋ ebaha fi ke kpukpru ŋkaŋ;