LUKE 19:28 - Edisana ñwed Abasi Ibom

²⁸ Ndien ke Enye ama eketiŋ mme ikɔ emi ama, Enye ebem mmɔ iso ɔdɔk aka Jerusalem.

LUKE 19:28 Referans Kwoze

LUKE 9:51

Edikem, ke ini nme usen eke edimende Enye edɔk ekperede,

1 PETER 4:1

SIA Christ okokutde ukut ke obukidem, mbufo nde eda ekikere emi esine nte ŋkpɔ-ekɔŋ esɔŋɔ idem mbufo esit; koro enye emi okokutde ukut ke obukidem ama adianare ke idiɔk-ŋkpɔ ama;

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.

LUKE 18:31

Ekem Enye ada mbet duopeba esihere ada ŋkaŋ kiet, onyuŋ ɔdɔhɔ mmɔ ete, Sese, nnyin imɔŋ idɔk ika Jerusalem, ndien kpukpru se mme prophet ekewetde eyewɔrɔ enɔ Eyen Owo.

LUKE 12:50

Edi mmenyene baptism eke edinimde Mi; ndien ndu ke mbaba adaŋa didie tutu enam enye ema!

JOHN 18:11

Jesus ete Peter, Sin ofut ke efɔk; nte ndiŋwɔŋke cup emi Ete Mi ɔkɔnɔde Mi?

LUKE 10:30

Jesus okpobi ikɔ esie, ete, Owo kiet okoto Jerusalem ɔsuhɔre aka Jericho; ndien ɔduɔ ke otu mbon ŋwo, emi ekpɔkde enye edisine-ŋkpɔ ke idem efep, emia enye, enyuŋ edaha ekpɔŋ enye ekpere mkpa.