LUKE 19:21 - Edisana ñwed Abasi Ibom

²¹ koro mfefehe fi, koro afo edide owo nsɔŋ-ido: afo atataŋ se mukonimke, onyuŋ ɔdɔdɔk se mukɔtɔhɔ.

LUKE 19:21 Referans Kwoze

JUDE 1:15

Ndikpe ikpe ye kpukpru owo, ndinyuŋ mbiom kpukpru mmɔ emi mibakke Enye ikpe Mbaŋa kpukpru mbukpo ido eke mmɔ enamde, Ye kpukpru mkpɔsɔŋ ikɔ eke mmɔ emi mibakke Enye eketiŋde edian Enye.

1 JOHN 4:18

Ndik isineke ke ima; edi ima eke ɔfɔnde ama ebin ndik efep; koro ndik asaŋa ye ufen; ndien owo eke efehede ndik, ke ikanamke enye ɔfɔn ama ke ima.

JAMES 2:10

Koro owo ekededi eke edinimde ofuri ibet, edi eduede ke nde kiet kpɔt, amakabare edue isop ke ofuri ibet.

2 ŊWED TIMOTHY 1:7

Koro Abasi ikɔnɔŋɔ nnyin spirit ufep, edi spirit odudu ye ima ye mfara-idem.

ŊWED MBON ROME 8:15

Koro mbufo mikɔbɔhɔ spirit ufin eke esinde mbufo etɔŋɔ ntak enyene ndik; edi mbufo ekɔbɔ spirit eke enyenede mmɔ emi edade esin ke ubon Abasi, emi anamde nnyin ikot Abasi, ite, Abba, Ete.

ŊWED MBON ROME 8:7

koro erikere ŋkpɔ obukidem edi eriŋwana ye Abasi; koro utɔ esit oro misukke ibuot inɔ ibet Abasi, minyuŋ ikemeke ndisuk ibuot.

1 SAMUEL 12:20

Ndien Samuel ɔdɔhɔ kpukpru owo, ete, Mbufo ekudikhe: mbufo emenam kpukpru idiɔk-ŋkpɔ emi: edi ekuwaha ekpɔŋ Jehovah, edi enam ŋkpɔ Jehovah ke ofuri esit mbufo; ekunyuŋ ewaha:

LUKE 19:20

Owo eŋwen edi edidɔhɔ ete, Ɔbɔŋ, sese, okuk fo mi, emi ŋkɔbɔpde ke ɔfɔŋ nnim:

LUKE 19:22

Ɔbɔŋ ɔdɔhɔ owo oro ete, Nyeda ikɔ-inua fo ŋkpe ikpe nnɔ fi, afo idiɔk owo. Ama ɔfiɔk ete ndi owo nsɔŋ-ido, emi ntaŋde se mmeŋkonimke, nnyuŋ ndɔkde se mme ŋkɔtɔhɔ;