LUKE 19:17 - Edisana ñwed Abasi Ibom

¹⁷ Ndien ɔbɔŋ esie ɔdɔhɔ enye ete, Omotim anam, afo eti owo: sia afo akanamde akpanikɔ ke ekpri ŋkpɔ, di andikara obio duop.

LUKE 19:17 Referans Kwoze

LUKE 16:10

Owo eke anamde akpanikɔ ke ata ekpri ŋkpɔ onyuŋ anam akpanikɔ ke akamba ŋkpɔ; owo eke akwaŋade ke ata ekpri ŋkpɔ onyuŋ akwaŋa ke akamba ŋkpɔ.

MATTHEW 25:21

Ɔbɔŋ esie ete, Omotim anam, afo eti asaŋutom ye owo akpanikɔ: akanam akpanikɔ ke se miwakke; nyenim fi ekpeme ediwak ŋkpɔ; duk ke idara ɔbɔŋ fo.

1 PETER 1:7

man mbuɔtidem mbufo emi ema edomo ewut, emi ɔsɔŋde urua akan mbiara gold eke edade ikaŋ edomo, ɔkpɔwɔrɔ edi ŋkpɔ itoro ye ubɔŋ ye ukpono ɔnɔ mbufo ke adaŋemi Jesus Christ ediyararede idem.

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

GENESIS 39:4

ke ubɔk esie. Ndien enye enen iso ye Joseph, Joseph anam ŋkpɔ ɔnɔ enye ŋko; enye onyuŋ odori Joseph ete edi andise ŋkpɔ ufɔk esie, onyuŋ ada kpukpru se enye enyenede esin enye ke ubɔk.

1 PETER 5:4

Ndien ke adaŋemi Akwa Andikpemerɔŋ ediyararede idem, mbufo eyebɔ anyanya ubɔŋ eke midibiarake.

2 ŊWED TIMOTHY 2:10

Ntre ke mme ime ye kpukpru ŋkpɔ mbaŋa mmɔ emi Abasi ekemekde, man mmɔ ŋko enyene erinyaŋa emi odude ke Christ Jesus, enyuŋ ebɔ nsinsi ubɔŋ.

ŊWED MBON ROME 2:29

edi ata Jew edi enye edide Jew ke esit-esit; ata mbobi onyuŋ edi ŋkpɔ ɔwɔŋesit, odu ke spirit, iduhe ke item eke ewetde; itoro esie inyuŋ itoho owo, edi oto Abasi.

LUKE 22:30

kpasuk ntre ke Ami nnyuŋ nnim nnɔ mbufo nte edia ŋkpɔ enyuŋ eŋwɔŋ ŋkpɔ ke okpokoro Mi ke Obio Ubɔŋ Mi; mbufo eyenyuŋ etie ke ebekpo ekpe ikpe enɔ mme esien Israel duopeba.

MME ŊKE 27:18

Owo eke ekpemede eto fig eyedia mfri esie: ndien owo eke ebetde ete esie eyenyuŋ ada ukpono.

LUKE 19:16

Akpa owo edi edidɔhɔ enye ete, Ɔbɔŋ okuk duop odoro ke iso-okuk fo.

LUKE 19:18

Udiana edi edidɔhɔ ete, Ɔbɔŋ, okuk ition odoro ke iso-okuk fo.