LUKE 19:10 - Edisana ñwed Abasi Ibom

¹⁰ Koro Eyen Owo ekedi ndiyom ndinyuŋ nnyaŋa se isopde.

LUKE 19:10 Referans Kwoze

EZEKIEL 34:16

Nyeyom se isopde, nnyuŋ nda se ekebinde efep mfiak ndi, nnyuŋ mbɔp se ibuŋɔde, nnyuŋ nsɔŋ se idem ememde enye: nnyuŋ nsobo se ikponde ye se isɔŋde; nnyuŋ nda ikpe mbɔk mmɔ.

MATTHEW 1:21

Ndien enye eyeman nyen eren; afo eyenyuŋ osio Enye enyiŋ JESUS, koro edi Enye eyenyaŋa ikɔt Esie osio ke mme idiɔk-ŋkpɔ mmɔ.

ŊWED MBON ROME 5:6

Koro ke adaŋemi nnyin ikodude kaŋa ke mmem-idem, ke edikem ini Christ akpa ke ibuot mmɔ emi miteŋeke Abasi.

MATTHEW 15:24

Edi Enye ɔbɔrɔ ete, Ikɔdɔŋke Mi ntiene mmɔ efen, ke mibɔhɔke nsomo erɔŋ ufɔk Israel.

LUKE 15:32

Edi odot nnyin ndidara nnyuŋ nnem esit, koro eyen-eka fo emi ama akpa, onyuŋ odu uwem: ama osop, ndien ikut enye.

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.

MATTHEW 10:6

edi ekam etiene mme erɔŋ ufɔk Israel emi esopde.

MATTHEW 18:10

Etiŋ enyin ekusin kiet ke otu ŋkpri nditɔwɔŋ emi ke ndek: koro ndɔhɔ mbufo nte, mme angel mmɔ ke heaven esuk ekut iso Ete Mi emi odude ke Heaven

EZEKIEL 34:12

Kpa nte ɔbɔk ufene ɔduŋɔde otu ufene esie ke usen eke enye odude ke otu ufene esie emi esuanade; kpasuk ntre ke ndiduŋɔ ufene mi, nnyuŋ nnyaŋa mmɔ nsio ke kpukpru ebiet emi mmɔ esuanade ke esit ke usen obubit enyɔŋ ye ata ekim.

MATTHEW 18:11

koro eyen owo emedi ndinyaŋa mmɔ oro ekesopde.

JOHN 3:17

Koro Abasi ikɔdɔŋke Eyen Esie ke ererimbot ete ekpe ikpe ererimbot, edi ɔkɔdɔŋ, man enyaŋa ererimbot oto ke Enye.

LUKE 15:8

Ŋko ewe ŋwan edinyene mbak silver duop, ndien kiet ɔbɔhɔ enye osop, ididomoke utuenikaŋ ikpɔri ufɔk itim iyom, tutu ɔfiɔhɔ.