LUKE 17:2 - Edisana ñwed Abasi Ibom

² Ɔkpɔfɔn ye enye owo ndikpada itiat-ɔkɔk ibo-kpot ŋkɔŋɔ enye ke itɔŋ, ndien eduɔk enye ke inyaŋ, akan enye ndinam ŋkpri nditɔ emi kiet ɔduɔ.

LUKE 17:2 Referans Kwoze

MARK 9:42

Ndien owo ekededi eke edisinde kiet ke otu ŋkpri nditɔwɔŋ emi enimde ke akpanikɔ ɔduɔ, ɔfɔn akan ye enye nte ekpadade akwa itiat ukɔk-ŋkpɔ ekɔŋɔ enye ke itɔŋ, enyuŋ etop enye eduɔk ke inyaŋ.

MATTHEW 18:14

Kpasuk ntre idige uduak Ete mbufo ke heaven ete kiet ke otu ŋkpri nditɔwɔŋ emi akpatak.

MATTHEW 18:10

Etiŋ enyin ekusin kiet ke otu ŋkpri nditɔwɔŋ emi ke ndek: koro ndɔhɔ mbufo nte, mme angel mmɔ ke heaven esuk ekut iso Ete Mi emi odude ke Heaven

1 ŊWED CORINTH 9:22

Mmakabare ntie ye mbon mmemidem nte owo mmemidem, man nduri mbon mmemidem nda. Mmakabare ndi kpukpru ŋkpɔ nnɔ kpukpru owo, man nte ededi ŋkpekeme ndinyaŋa ndusuk mmɔ.

MATTHEW 26:24

Eyen Owo ɔmɔŋ ɔnyɔŋ, kpa nte ekewetde ebaŋa Enye; edi eyedɔdiɔk ɔnɔ owo oro edidade Eyen Owo ɔnɔ.Ɔkpɔfɔn ye owo oro nte enye mikamanake.

1 ŊWED CORINTH 9:15

Edi ami ŋkadaha mme ŋkpɔ emi baba kiet ŋkama idem; nnyuŋ ŋwetke mme ikɔ emi man ekpeda mmɔ enam ntre ye ami: koro ɔfɔn ye ami ndikpa, akan ndiyak baba owo kiet anam mbure mi akabare ɔwɔrɔ ikpikpu.

JOHN 21:15

Ntre ke mmɔ ekedia ŋkpɔ, Jesus obup Simon Peter ete, Simon, eyen John, nte ama Mi akan mmɔ emi? Peter ɔdɔhɔ Enye ete, Edi ntre, Ɔbɔŋ. Afo ɔmɔfiɔk ete mmama fi. Jesus ete enye, Bɔk nditɔ-erɔŋ Mi.

ZECHARIAH 13:7

Jehovah mme udim ɔdɔhɔ, ete, Ofut, demere yom ekpemerɔŋ mi, yom owo emi edide nsaŋa mi: kpi ekpemerɔŋ, ndien erɔŋ eyesuana: ndien nyekabare ubɔk mi nnam ŋkpri nditɔwɔŋ.

ISAIAH 40:11

Enye eyebɔk ikɔt esiemɔ nte ɔbɔk ufene: eyetaŋ nditɔ erɔŋ ke ubɔk esie, akama ke ikpanesit esie, onyuŋ ada mme ɔnɔ-mmɔŋeba usuŋ.

MATTHEW 17:27

Edi mbak nnyin idiyat mmɔ esit, ka ke inyaŋ kɔduɔk uwam, nyuŋ men akpa iyak eke omumde; ndien ke ama atat enye inua eyekut okuk; da oro, nɔ mmɔ ke udeme Mi ye okuo.