LUKE 16:3 - Edisana ñwed Abasi Ibom

³ Ekem akama-ukpɔhɔre ɔdɔhɔ ke esit esie ete, Ndinam didie, koro ete ɔbɔde mi itie-akama-ukpɔhɔre? nnyeneke idem ndifuŋ isɔŋ; ndibeŋe ebeŋe edi mi ŋkpɔ but.

LUKE 16:3 Referans Kwoze

2 ŊWED THESSALONICA 3:11

Koro nnyin imokop ibaŋa ndusuk owo eke esaŋade otime-otime ke otu mbufo, minyuŋ inamke utom, edi enɔhɔde ke mbubehe owo eŋwen.

UTOM MME APOSTLE 3:2

Ndien emen owo kiet, emi edide mbuŋɔ toto ke emana esie, edinim ke usen ke usen ke enyin usuŋ temple emi ekotde Ediye, man enye ebeŋe mmɔ emi edukde ke temple ŋkpɔ.

JOHN 9:8

Ntem ke mbɔhiduŋ owo oro, ye mmɔ eke ekebemde iso ekut ete enye edi ebeŋe-ebeŋe, edɔhɔ ete, Nte emi idige owo emi akam etiede ebeŋe ebeŋe? Mmɔ efen ete, Edi enye: mmɔ efen ete, Idige enye, edi ebiet enye.

LUKE 18:4

Edi enye inyimeke ke ndusuk ini: edi ekem enye ɔdɔhɔ ke esit esie ete, okposuk edi nte mmembakke Abasi, mmonyuŋ ŋkereke owo,

LUKE 16:22

Ekem ebeŋe-ebeŋe oro akpa, ndien mme angel emen enye ekonim ke ikpanesit Abraham. Owo inyene oro onyuŋ akpa ŋko, ndien ebuk enye.

LUKE 16:20

Edi esimen ebeŋe-ebeŋe kiet emi ekerede Lazurus, emi inia eyɔhɔde enye ke idem, ekenim ke inua-otop esie;

LUKE 12:17

enye onyuŋ eneni ke esit esie ete, Ndinam nso ŋkpɔ? koro nnyeneke ebiet eke mbonde ŋkpɔ mi.

MARK 10:46

Ekem mmɔ edi ke Jericho: ndien nte Enye ɔwɔrɔde ke Jericho ye mbet Esie ye akamba otu owo, Bartimaeus eyen Timaeus, nnan emi ebeŋede ebeŋe, etie ke mben-usuŋ.

HOSEA 9:5

Mbufo edinam nso ke usen esop, ye ke usen ederi Jehovah?

JEREMIAH 5:31

mme prophet etiŋ prophecy nsunsu, mme oku enyuŋ eda ubɔk mmɔ ekan obio; ikɔt mi enyuŋ ema ntre: ndien mbufo edinam didie ke ukperedem esie?

ISAIAH 10:3

Ndien mbufo edinam nso ke usen ufen, ye ke ini eke nsobo otode ke anyan usuŋ edi? Mbufo edifeŋe etiene anie eyom uŋwam? Ndien ke ebiet ewe ke mbufo edinim ubɔŋ mbufo?

MME ŊKE 29:21

Owo ama akama ofin esie ke mmemido toto ke uyen: amanam, ofin eyekabare edi eyen.

MME ŊKE 20:4

Ini tuep iyakke ifem ofuŋ isɔŋ; enye eyeyom ke ini ukpeŋe, ndien idikwe baba ŋkpɔ kiet.

MME ŊKE 19:15

Ifu anam ɔkpɔsɔŋ idap ɔduɔ owo ke idem: ndien owo nuɔn eyetie biɔŋ.

MME ŊKE 18:9

Owo ŋko eke ɔnuɔnde ubɔk ke utom esie edi eyen-eka owo eke ɔduɔŋɔde ŋkpɔ.

MME ŊKE 15:19

Usuŋ ifem ebiet ɔkɔ ŋkukim: edi ediɔŋ usuŋ mbon edinen ido.

MME ŊKE 13:4

Itɔŋ ɔdɔŋ owo ifu, ndien ŋkpɔ iduhe: edi ukpɔŋ owo nsɔpubɔk eyesehe.

ESTHER 6:6

Ntre ke Haman ebe oduk. Ndien edidem obup enye, ete, Nso ke edinam ye owo emi edidem amade ndikpono? Ndien Haman ekere ke esit esie, ete, Anie ke edidem amama ndikpono ŋkan mi?

UTOM MME APOSTLE 9:6

Edi daha ke enyɔŋ, duk ke obio, ndien eyesian fi se afo enyenede ndinam.

MATTHEW 20:8

Enye ete mmɔ, Mbufo nde eduk ke iŋwaŋ-vine. Ekem ke ini osimde mbubreyo, enyene-iŋwaŋ-vine ɔdɔhɔ akama-ukpɔhɔre esie ete, Kot mbon-utom edi, nyuŋ nɔ mmɔ okuk mmɔ, ɔtɔŋɔde ke ekperedem osim ebe-iso.

LUKE 16:2

Ntre ke enye okot owo oro onyuŋ ɔdɔhɔ enye ete, Nso idi emi ke ŋkop mbaŋa fi? nɔ mi ibat ŋkpɔ eke afo akamade, koro mudukaha iso aba ndikama ukpɔhɔre.

LUKE 16:4

Mmɔfiɔk se ndinamde, man ke adaŋemi edibɔde mi ukpɔhɔre, owo ekpeda mi esin ke ufɔk mmɔ.