LUKE 15:4 - Edisana ñwed Abasi Ibom

⁴ Ewe owo ke otu mbufo edinyene erɔŋ ikie, ndien kiet osop, idikpɔŋke anaŋ ye efurenaŋ ke desert, ibine erɔŋ oro osopde, tutu okut.

LUKE 15:4 Referans Kwoze

EZEKIEL 34:16

Nyeyom se isopde, nnyuŋ nda se ekebinde efep mfiak ndi, nnyuŋ mbɔp se ibuŋɔde, nnyuŋ nsɔŋ se idem ememde enye: nnyuŋ nsobo se ikponde ye se isɔŋde; nnyuŋ nda ikpe mbɔk mmɔ.

LUKE 19:10

Koro Eyen Owo ekedi ndiyom ndinyuŋ nnyaŋa se isopde.

1 PETER 2:25

Nde unan Esie enam udɔŋɔ okure mbufo. Koro mbufo ekasasaŋa eyo nte erɔŋ, edi ke emi emafiak etiene Andibɔk ye Andikpeme ukpɔŋ mbufo.

MATTHEW 12:11

Edi Enye ete mmɔ, Anie owo ke otu mbufo, emi enyenede erɔŋ kiet, editre ndimum enye nsio ke obube eke ɔduɔde ke esit ke usen sabbath?

EZEKIEL 34:31

Ndien mbufo ufene mi, ufene emi mbɔkde, edi owo; ami nnyuŋ ndi Abasi mbufo. Uyo Ɔbɔŋ Jehovah edi emi.

ŊWED MME PSALM 119:176

Nsaŋa ndiyo nte erɔŋ eke osopde; yom owo fo; koro mmemfreke mbet fo.

ISAIAH 53:6

Kpukpru nnyin idiyo nte erɔŋ: kpukpru nnyin ikabare iduk ke usuŋ nnyin; ndien Jehovah ada idiɔk ido nnyin kpukpru odori enye ke idem.

JEREMIAH 50:6

Ikɔt mi edi ufene eke esopde: mme ɔbɔk mmɔ enam mmɔ ediyo, enam mmɔ efiak edem ke ikpɔ obot: mmɔ ekpɔŋ akamba obot eka ekpri, emefre ebiet nna mmɔ.

LUKE 13:15

Edi Ɔbɔŋ ɔbɔrɔ enye ete, Mbon mbubik, nte kpukpru mbufo kiet kiet itatke enaŋ ye ass esie ke ufɔk-enaŋ ke sabbath, ida mmɔ iwɔrɔ ika itie uŋwɔŋ-mmɔŋ?

EZEKIEL 34:8

Ɔbɔŋ Jehovah ɔdɔhɔ, ete, Ma uwem mi, koro ufene mi ekabarede edi mbume, ufene mi enyuŋ ekabare edi udia kpukpru mme unam ikɔt, koro owo eke ekpemede miduhe, mme ɔbɔk-ufene mi minyuŋ ibineke ufene mi, mme ɔbɔk enyuŋ ebɔk idem mmɔ ndien ibɔkke ufene mi;

ŊWED MBON ROME 2:1

MMƆDO, O owo ekededi eke ekpede ikpe ɔnɔ owo, afo unyeneke se etiŋde anyaŋa idem; koro ke erikpe emi ekpede owo efen oro ke obobiom idem fo; koro afo emi ekpede ikpe anamde kpa ŋkpɔ oro.

JEREMIAH 33:13

Ke mme obio obot, ye ke mme obio una-isɔŋ edem inyaŋ, ye ke mme obio edem usuk-usuk, ye ke isɔŋ Benjamin, ye ke edem emi akande Jerusalem okuk, ye ke mme obio Judah, ke ufene editɔŋɔ ntak esaŋa ebe ke idak ubɔk enye emi abatde mmɔ. Ke edi Jehovah ɔdɔhɔ ntem.

EZEKIEL 34:4

Mbufo isɔŋke mmɔ emi idem emende mmɔ, inyuŋ ikɔkke mmɔ emi edɔŋɔde, inyuŋ ibɔpke mmɔ emi ebuŋɔde, inyuŋ imenke mmɔ emi ebinde efep ifiak idi, inyuŋ iyomke mmɔ eke esopde; edi ekan mmɔ ke nsɔŋ-ubɔk ye ke nnama.

LUKE 15:3

Edi Enye otop ŋke emi ɔnɔ mmɔ, ete,