LUKE 15:22 - Edisana ñwed Abasi Ibom

²² Edi Ete ɔdɔhɔ ikɔt esie ete, Ewara eda ata eti ɔfɔŋidem oro edisine enye; enyuŋ esine enye mkpanuen ke ubɔk ye ikpa-ukot ke ukot:

LUKE 15:22 Referans Kwoze

ERIYARARE 6:11

Ndien enɔ mmɔ kiet kiet afia edisine-ŋkpɔ, enyuŋ edɔhɔ mmɔ ete, ebet kaŋa ke ekpri ibio ini, tutu ibat nsaŋa-utom mmɔ ye nditɔ-ete mmɔ, eke ediwotde nte mmɔ, ɔyɔhɔ.

ESTHER 8:2

Ndien edidem osio mkpanuen esie, emi enye ɔkɔbɔde Haman, ada ɔnɔ Mordecai. Esther onyuŋ onim Mordecai ke ete ufɔk Haman.

GENESIS 41:42

Pharaoh onyuŋ ɔfɔrɔde mkpanuen esie ke ubɔk esie efep, ada enye ɔfɔri ke ubɔk Joseph, onyuŋ ɔnɔ enye edisine-ŋkpɔ eti linen esine, onyuŋ ɔkɔŋɔ enye ŋkpɔkɔbi gold ke itɔŋ;

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

ESTHER 3:10

Ndien edidem osio mkpanuen esie ke ubɔk esie efep, ada ɔnɔ Haman, eyen Hammedatha Agagite, usua mme Jew.

ERIYARARE 19:8

Enyuŋ enɔ enye ndisine ediye linen eke asanade onyuŋ esemde; Koro ediye linen oro edi edinen ido nti ikɔt Abasi.

ERIYARARE 7:9

Ke ŋkpɔ emi ema ekebe, ŋkut, ndien sese, akwa otu owo, eke baba owo kiet mikemeke ndibat, eke etode ke kpukpru obio ye esien ye idut ye usem eda ke iso ebekpo ye ke iso Eyen-erɔŋ, esine mfia ɔfɔŋidem, enyuŋ ekama ndak eyop ke ubɔk;

ŊWED MBON ROME 8:15

Koro mbufo mikɔbɔhɔ spirit ufin eke esinde mbufo etɔŋɔ ntak enyene ndik; edi mbufo ekɔbɔ spirit eke enyenede mmɔ emi edade esin ke ubon Abasi, emi anamde nnyin ikot Abasi, ite, Abba, Ete.

ERIYARARE 2:17

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyesio ndibe manna nnɔ enye adia, nyenyuŋ nnɔ enye afia itiat, emi ewetde obufa enyiŋ ke esit, eke baba owo kiet mifiɔkke, ke mibɔhɔke andibɔ.

ŊWED MBON GALATIA 3:27

Koro kpukpru mbufo emi ekanade baptism ebe eduk ke Christ ememen Christ esine.

ŊWED MBON ROME 13:14

Emen Ɔbɔŋ Jesus Christ esine, ekunyuŋ ebeŋe ŋkpɔ enim enɔ idiɔk udɔŋ obukidem.

IKWƆ SOLOMON 7:1

UKOT fo ke ikpa-ukot fo eye didie, O adiaha ɔbɔŋ! Ekikoi fo ebiet ŋkpɔ mbana eke ubɔk owo-usɔ anamde.

ŊWED MME PSALM 132:9

Yak mme oku fo esine edinen ido ke idem; yak mbon ima fo enyuŋ esio mkpo idara.

ŊWED MME PSALM 45:13

Adiaha edidem edi ubɔŋ-ubɔŋ ke esit: eda gold edɔk edisine-ŋkpɔ esie.

ŊWED MME PSALM 18:33

Enye onim ukot mi nte ukot edop, onyuŋ odori mi ke edikoŋ ebiet mi.

ERIYARARE 3:18

mmɔnɔ fi item nte edep ke ubɔk Mi gold eke etemde asana ke ikaŋ, man enyene inyene; ye afia edisine-ŋkpɔ ada esine ke idem, mbak but iferi fo ediyarare; ye ibɔk enyin ada eyet enyin fo, man okut usuŋ.

ŊWED MBON EPHESUS 6:15

enyuŋ eda mbeŋe-idem ndikwɔrɔ gospel emem esine nte ikpa-ukot;

ŊWED MBON ROME 3:22

edi edinen ido eke Abasi, emi otode ke mbuɔtidem ke Jesus Christ, osim kpukpru owo emi enimde ke akpanikɔ. Koro ubahare iduhe ke otu owo:

ŊWED MME PSALM 132:16

Ndien nyeda erinyaŋa nsine mme oku esie ke idem: ndien mbon ima esie eyesio mkpo idara.

DEUTERONOMY 33:25

Ikpa-ukot fo edi ukwak ye okpoho; yak nduɔk-odudu fo onyuŋ ebigi nte mme usen fo.

LUKE 15:21

Edi eyen ɔdɔhɔ enye ete, Ete, mmanam idiɔk-ŋkpɔ ndian heaven ye ke iso fo: ndotke aba ndikere eyen fo.

LUKE 15:23

enyuŋ eda-enaŋ emi enyenede isek ewot, eyak nnyin idia inyuŋ idat esit: