LUKE 15:18 - Edisana ñwed Abasi Ibom

¹⁸ Nyedaha nnyuŋ ntiene ete mi, nnyuŋ ndɔhɔ enye nte, Ete, mmanam idiɔk-ŋkpɔ ndian heaven ye ke iso fo:

LUKE 15:18 Referans Kwoze

ŊWED ESEME 3:40

Yak nnyin iduŋɔre inyuŋ idomo usen nnyin, inyuŋ ifiak edem itiene Jehovah.

LUKE 15:21

Edi eyen ɔdɔhɔ enye ete, Ete, mmanam idiɔk-ŋkpɔ ndian heaven ye ke iso fo: ndotke aba ndikere eyen fo.

LUKE 18:13

Edi publican ada nsan-nsan, inyuŋ inyimeke ndimenere kpa enyin esie nse enyɔŋ, edi amia ubɔk ke ikpanesit esie, ete, Abasi, tua mi, idiɔk owo, mbɔm.

MATTHEW 6:14

Koro edieke mbufo edahadedo enɔ owo ke ndudue mmɔ, Ete mbufo ke heaven eyenyuŋ adahado ɔnɔ mbufo.

JEREMIAH 3:19

Edi ami ndɔhɔ nte, Ndinam didie nsin fi ke otu nditɔ mi, nnyuŋ nnɔ fi isɔŋ inemesit, kpa ata ediye udeme udim mme idut? Ndien ndɔhɔ nte, Kot mi, ete, Ete mi: kunyuŋ ufiak edem ukpɔŋ mi.

ŊWED MME PSALM 25:11

Dahado ntem ke ndudue mi koro okponde, baŋa enyiŋ fo, O Jehovah.

MATTHEW 6:9

Ebɔŋ akam ntem ndien, ete, Ete nnyin emi odude ke heaven: Yak ikpono enyin Fo,

MATTHEW 3:6

ewɔŋɔ etiene enye; enyuŋ ena baptistm ke ubɔk esie ke akpa Jordan, ke eyararede mme idiɔkŋkpɔ mmɔ.

JEREMIAH 31:20

Nte Ephraim edi edima eyen mi? Nte enye edi eyenɔwɔŋ eke enemde owo esit? Koro adaŋa ini nte ndɔhɔde mbaŋa enye, ntreke nditi enye kaŋa: oro esin nsia oyomo mi abaŋa enye; nditreke nditua enye mbɔm: Jehovah ɔdɔhɔ.

ISAIAH 63:16

Koro afo edide ete nnyin; koro Abraham mifiɔkke nnyin, Israel midinyuŋ idiɔŋɔke nnyin. Afo, O Jehovah, edi ete nnyin; andifak nnyin edi enyiŋ fo ke nsinsi.

MME ŊKE 23:13

Kutre nditunɔ eyenɔwɔŋ: ama amiŋa enye ke eto, enye idikpaha.

MATTHEW 7:11

Mmɔdo edieke mbufo emi ediɔkde efiɔkde ndinɔ nditɔ mbufo nti enɔ, adaŋa didie akan oro ke Ete mbufo emi odude ke heaven edimen nti ŋkpɔ ɔnɔ mmɔ emi ebeŋede Enye?

2 CHRONICLES 33:19

Ama edi mkpeubɔk esie ŋko, ye nte Jehovah okopde uyo esie, ye kpukpru mme idiɔk ido esie, ye eridue esie, ye ɔtɔ oro enye ɔkɔbɔpde edikoŋ ebiet ke esit, onyuŋ owukde eto-mkpe, ye edisɔi mbiet, ke ini enye mika-isukke idem; sese, ewet mmɔ esin ke ikɔ mbon-ŋkukut.

LUKE 11:2

Edi Enye ɔdɔhɔ mmɔ ete, Ke ini mbufo ebɔŋde akam, edɔhɔ ete, Ete, yak ikpono enyiŋ Fo. Yak Ubɔŋ Fo edi.

JONAH 3:9

Anie owo ɔfiɔk mme Abasi eyewɔŋɔre onyuŋ akabare esit, onyuŋ adahado ke ikaŋ iyaresit esie, man nnyin ikutak.

JONAH 2:4

Ndien ami ndɔhɔ, nte, Ememen mi efep ke iso fo eduɔk; edi nyesuk nse edisana temple fo.

DANIEL 4:26

Ndien emi mmɔ ekedɔhɔde, ete ekpɔŋ etak oruŋ eto oro, ubɔŋ fo eyena ɔnɔ fi, adaŋemi afo edifiɔkde ete ke heaven ada ubɔŋ.

ŊWED ESEME 3:29

Enye okubi inua esie ke ntan, ete mme idori-enyin odu.

LUKE 15:17

Edi ke ini enyin aŋwaŋade enye, enye okut idem sie, ete, Sese, adaŋa ediwak mbio-utom ete mi enyene udia eke awakde akan mmɔ ndidia edi se mi mi, mmɔŋ ndikpa ye biɔŋ.

LUKE 15:19

ndotke aba ndikere eyen fo: da mi nte owo-utom fo kiet.