LUKE 14:11 - Edisana ñwed Abasi Ibom

¹¹ Koro kpukpru owo eke emenerede idem esie, eyesuhɔre enye enim; ndien owo eke ɔsuhɔrede idem esie, eyemenere enye.

LUKE 14:11 Referans Kwoze

LUKE 18:14

Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

MATTHEW 23:12

Edi owo ekededi eke edimenerede idem, eyesuhɔre enye enim; edi owo ekededi eke edisuhɔrede idem, eyemenere enye.

MME ŊKE 29:23

Iseri owo eyesuhɔre enye: edi nsukesit eyeda ukpono.

JAMES 4:6

Edi Enye ɔnɔ mfɔn awak akan. Mmɔdo ewetde ete, Abasi ɔbiɔŋɔ mbon iseri, edi ɔnɔ mbon nsuhɔre-idem mfɔn.

1 PETER 5:5

Kpasuk ntre, mbufo mkparawa, esuk idem enɔ mbiowo. Kpukpru mbufo enyuŋ ebɔbɔ nsukidem ke idem nte mbɔbɔ, enam ŋkpɔ enɔ kiet eken: koro Abasi aŋwaŋwana ye mbon iseri, edi ɔfɔn ido ye mbon nsukidem.

MME ŊKE 18:12

Esit owo okpon, ndien nsobo edi: edi nsukesit ebem ubɔŋ iso.

JAMES 4:10

Esuhɔre idem ke iso Ɔbɔŋ, ndien Enye eyemen mbufo onim ke enyɔŋ.

ŊWED MME PSALM 138:6

Koro Jehovah okoŋde, ndien enye ese mbon nsukidem; edi etie nsan-nsan ɔdiɔŋɔ mbon iseri.

ISAIAH 2:17

Ndien mmenere owo eyesuhɔre, ntaŋ-idem mbɔŋ onyuŋ ɔduɔ: ndien Jehovah ikpɔŋ-ikpɔŋ okoŋ ke usen oro.

ŊWED MME PSALM 18:27

Koro afo eyenyaŋa mbon ukut, eyenyuŋ ɔsuhɔre mmɔ eke enyin mmɔ okoŋde.

ISAIAH 2:11

Mmenere-enyin owo ɔduɔ, ntaŋidem mbɔŋ onyuŋ ɔsuhɔre, ndien Jehovah ikpɔŋ-ikpɔŋ okoŋ ke usen oro.

MME ŊKE 15:33

Uteŋe Jehovah edi item mbufiɔk: nsukidem onyuŋ ebem ubɔŋ iso-

ŊWED JOB 22:29

Ke ini emende owo eduɔk ke isɔŋ, afo eyedɔhɔ, ete, Emenere enim ke enyɔŋ: ndien eyenyaŋa owo eke ɔfuhɔde.

1 SAMUEL 15:17

Ndien Samuel ɔdɔhɔ ete, adaŋoro afo esede idemfo ke ekpri, nte inimke fi ke etubom mme esien Israel? Ndien Jehovah eyet fi aran onim ke edidem Israel.

LUKE 1:51

Enye akada ubɔk Esie ayarare odudu; Enye akasuan mbon ntaŋidem ke ekikere esit mmɔ.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

2 SAMUEL 22:28

Eyenyuŋ anyaŋa mbon-ukut: edi enyin fo ese mbon iseri: afo ɔsuhɔre mmɔ.

MME ŊKE 25:27

Ifɔnke ndidia aran-ɔkwɔk ŋkaha: owo ndiyom ukpono idem-mmɔ inyuŋ idige ukpono.

LUKE 1:52

Enye ekemen mbɔŋ efep ke ebekpo mmɔ, Onyuŋ ofori mmɔ emi ekpride.

LUKE 14:12

Enye onyuŋ ɔdɔhɔ owo emi okokotde Enye udia ete, Ke adaŋemi afo anamde udia uwemeyo mme udia mbubreyo, kukot mme ufan fo mme nditɔ-usɔ, mme imanfo, mme mbɔhiduŋ fo emi edide mme enyene-ŋkpɔ; mbak ndusuk mmɔ edikot fi ŋko, enyuŋ esio usiene enɔ fi.

JAMES 1:9

Yak eyen-ete eke odude ke usuhɔre-itie obure mbure ke akamba itie esie; yak owo inyene onyuŋ obure ke itie erisuhɔre esie;

1 PETER 5:6

Esuhɔre idem ndien ke idak ɔkpɔsɔŋ ubɔk Abasi, man Enye ekpemenere mbufo onim ke enyɔŋ ke edikem ini.

ESTHER 6:10

Ndien edidem ɔdɔhɔ Haman, ete, Wara da edisine-ŋkpɔ, ye horse, kpa nte afo ɔdɔhɔde, nyuŋ nam kpa ntre ye Mordecai, Jew emi etiede ke inua-otop edidem: kukpɔŋ baba ŋkpɔ kiet emi afo ɔdɔhɔde.