LUKE 13:3 - Edisana ñwed Abasi Ibom

³ Ndɔhɔ mbufo nte, idige ntre: edi ke mbufo mikabakere esit, mbufo kpukpru eyetak kpa ntre.

LUKE 13:3 Referans Kwoze

UTOM MME APOSTLE 3:19

Ekabare esit ndien, enyuŋ efiak edem, man esɔhi mme idiɔk-ŋkpɔ mbufo efep; man oto do ini eridemere edito ke iso Jehovah osim mbufo;

MATTHEW 3:2

Mbufo ekabare esit; koro Ubɔŋ Heaven ke ekpere.

LUKE 13:5

Ndɔhɔ mbufo nte, idige ntre: edi ke mbufo mikabakere esit, mbufo kpukpru eyetak kpa ntre.

MATTHEW 12:45

Ekem enye aka akada spirit itiaba efen eke ediɔkde ekan idem esie adian idem, ndien mmɔ eduk ekoduŋ do: ndien ukperedem itie owo oro akabare ɔdiɔk akan mbemiso. Kpa ntre ke edidi ye idiɔk emana emi.

LUKE 24:47

enyuŋ enyene nditɔŋɔ ke Jerusalem ŋkwɔrɔ erikabare esit ye erifen mme idiɔk-ŋkpɔ ke enyiŋ Esie nnɔ kpukpru mme idut.

MATTHEW 22:7

Edi edidem ayat esit, onyuŋ osio mbon-ekɔŋ esie ɔdɔŋ, ete esobo mbio obio oro, enyuŋ efɔp obio mmɔ ke ikaŋ.

LUKE 13:2

Enye ɔbɔrɔ mmɔ ete, Nte mbufo ese ete mbio Galilee emi ediɔk ekan ofuri mbio Galilee, koro mmɔ ekutde utɔ ukut-ukut ŋkpɔ oro?

LUKE 13:4

Ŋko-ŋko owo efureta emi tower Siloam ɔkɔduɔde ɔtɔ mmɔ owot, nte mbufo ese ete mmɔ edi mme abiat-ibet ekan kpukpru mme andiduŋ ke Jerusalem?