LUKE 13:28 - Edisana ñwed Abasi Ibom

²⁸ Do ke eritua eyet ye erita edet eyedu, ke ini mbufo edikutde Abraham ye Isaac ye Jacob, ye kpukpru mme prophet ke Obio Ubɔŋ Abasi, ndien edisiode mbufo ke idem mbufo eduɔk ke aŋwa.

LUKE 13:28 Referans Kwoze

MATTHEW 25:30

Mbufo enyuŋ eduɔk asaŋutom emi midorike mi udori ke ekim ke esien: do ke eritua eyet ye erita edet eyedu.

MATTHEW 22:13

Ekem edidem ɔdɔhɔ ikɔt esie ete, Ebɔp enye ubɔk ye ukot, enyuŋ etop enye eduɔk ke ekim ke esien; do ke eritua eyet ye erita edet eyedu.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

2 ŊWED THESSALONICA 1:5

emi edide iŋwaŋ-iŋwaŋ idiɔŋɔ edinen ikpe Abasi; man ebat ete mbufo emedot ndiduk ke Obio Ubɔŋ Abasi, emi ekutde ndutuhɔ ebaŋa enye;

ERIYARARE 22:15

Mme ebua edu ke edem obio, ye mme abia idiɔŋ, ye mbon use, ye mme owot owo, ye mme okpono ndem, ye kpukpru owo eke emade nsu, enyuŋ esude nsu.

2 PETER 1:11

koro edi ntem ke edinɔ mbufo ɔyɔhɔ odudu ndibe nduk ke nsinsi Obio Ubɔŋ Ɔbɔŋ ye Andinyaŋa nnyin Jesus Christ.

LUKE 16:23

Ndien ke Hades enye odu ke ndutuhɔ, onyuŋ emenere enyin esie okut Abraham anyan ebiet, ye Lazarus ke ikpanesit esie.

LUKE 14:15

Edi kini owo kiet eke etiede ke itie-udia ye Enye okopde mme ikɔ emi, enye ete, Ɔfɔnfɔn ɔnɔ owo emi edidiade ŋkpɔ ke Obio Ubɔŋ Abasi.

LUKE 10:15

Ndien afo Capernaum, nte eyemenere okoŋ osim ikpa-enyɔŋ? eyesuhɔre fi osim obio ekpo.

MATTHEW 24:51

eyenyuŋ amia enye akamba ufen, onyuŋ ɔnɔ enye udeme ye mbon mbubik: do ke eritua eyet ye erita edet eyedu.

MATTHEW 13:50

Do ke eritua eyet ye erita edet eyedu.

MATTHEW 13:42

eyenyuŋ eduɔk mmɔ ke akwa ikaŋ emi asakde: do ke eritua eyet ye erita edet eyedu.

ŊWED MME PSALM 112:10

Idiɔk owo eyekut, onyuŋ ayat esit; eyeta edet esie, onyuŋ atara: udɔŋ idiɔk owo eyetak.