LUKE 13:27 - Edisana ñwed Abasi Ibom

²⁷ Ndien Enye eyebɔrɔ ete, ndɔhɔ mbufo nte, Mfiɔkke ebiet eke mbufo etode; edianare Mi, kpukpru mbufo mme anam-ukwaŋkpɔ.

LUKE 13:27 Referans Kwoze

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

ŊWED MME PSALM 6:8

Mbufo, kpukpru mme anam idiɔk ido, edianare mi ke idem; koro Jehovah okopde uyo eyet mi.

ŊWED MME PSALM 119:115

Mbufo, mme anam idiɔk, ewɔŋɔre ekpɔŋ mi: ndien nyenim mbet Abasi mi.

LUKE 13:25

Ke adaŋemi ete-ufɔk adahade ke enyɔŋ eberi usuŋ, ndien mbufo etɔŋɔ ndida ke aŋwa ntuak usuŋ, ete, Ɔbɔŋ, sio usuŋ nɔ nnyin; ndien Enye eyebɔrɔ mbufo ete, Mfiɔkke ebiet eke mbufo etode;

ŊWED MME PSALM 1:6

Koro Jehovah ɔfiɔkde usuŋ nti owo: edi usuŋ mme idiɔk owo eyebiara.

2 ŊWED TIMOTHY 2:19

Edi ɔkpɔsɔŋ isɔŋ, eke Abasi okowukde ufɔk Esie ke esit, ɔsɔŋɔ ada; ndien enyene idiɔŋɔ ke esit ntem, ete, Abasi ɔmɔfiɔk mmɔ emi enyenede Enye; Ye, Yak kpukpru owo emi esemede ekot enyiŋ Ɔbɔŋ edianare ekpɔŋ ukwaŋkpɔ.

HOSEA 9:12

Mmɔ ema ekpebɔk nditɔ mmɔ, ŋkpɔbɔ mmɔ nditɔ tutu baba owo kiet isuhɔke: koro osuk ɔdɔdiɔk ɔnɔ mmɔ ke ini ŋkabarede ŋkpɔŋ mmɔ.

ŊWED MME PSALM 125:5

Ndien ama edi mmɔ eke ewahade eduk ke ŋkwaŋa usuŋ mmɔ, Jehovah eyeyak mmɔ eka ye mme anam-idiɔk. Yak emem odu ye Israel.

ŊWED MME PSALM 101:8

Ke usenubɔk ke ndisobo kpukpru mme idiɔk mbio-obio; man nsibe kpukpru mme anam idiɔk ke obio Jehovah mfep.

ŊWED MME PSALM 28:3

Kududi mi ufep ye mme idiɔk owo, ye mme anam idiɔk, emi edɔhɔde ikɔ emem ye mbɔhɔiduŋ mmɔ, ndien idiɔk-ŋkpɔ odude mmɔ ke esit.

ŊWED MME PSALM 5:6

Afo eyesobo mme osu-nsu: Jehovah ese owo afai ye owo abiaŋa ke mbubiam ŋkpɔ.

ŊWED MBON GALATIA 4:9

Edi ke emi mbufo ema ekefiɔk Abasi, ŋkpakam ndɔhɔ nte, ke emi Abasi ama ɔkɔfiɔk mbufo, nsinam mbufo efiakde ebine mmeme nditaha mme odudu oro, enyuŋ eyom nditɔŋɔ ntak nduk ufin nnɔ mmɔ?

1 ŊWED CORINTH 8:3

edi edieke owo amade Abasi, Abasi ɔmɔfiɔk enye.

MATTHEW 25:12

Edi enye ɔbɔrɔ ete, Ke akpanikɔ ke ndɔhɔ mbufo, Ndiɔŋɔke mbufo.