LUKE 13:21 - Edisana ñwed Abasi Ibom

²¹ Ebiet leaven eke ŋwan emende esin ke udomo ndom-uyo ita, tutu leaven asuana ɔyɔhɔ ofuri ndom-uyo.

LUKE 13:21 Referans Kwoze

MATTHEW 13:33

Enye otop ŋke efen ɔnɔ mmɔ ete, Obio Ubɔŋ Heaven ebiet leaven, eke ŋwan emende esin ke udomo ndom-uyo ita, tutu leaven asuana ɔyɔhɔ ofuri ndom-uyo.

1 ŊWED CORINTH 5:6

Mbure eke mbufo eburede ifɔnke. Nte mbufo ifiɔkke ite ekpri ubak leaven anam ofuri ebok uyo ofut?

JAMES 1:21

Mmɔdo eduɔŋɔ kpukpru ndek-ndek ido ye nyɔhɔ-nsuhɔ udu, enyuŋ ebɔ ikɔ emi etɔde ke esit mbufo ke ododop, kpa ikɔ emi ekemede ndinyaŋa ukpɔŋ mbufo.

ŊWED MBON PHILIPPI 1:6

mmonyuŋ mbure mfiɔk ŋkpɔ emi, nte, Enye emi ɔkɔtɔŋɔde eti utom ke esit mbufo eyenam enye ɔfɔn ama ndien edisim usen Jesus Christ:

JOHN 15:2

Kpukpru ŋkɔk ke idem Mi eke miŋwumke mfri, Enye osibe efep; ndien kpukpru ŋkɔk eke oŋwumde mfri, Enye ɔdiɔŋ, man oŋwum mfri awak akan.

JOHN 4:14

edi owo ekededi eke ɔŋwɔŋde mmɔŋ emi Ami ndinɔde enye idikopke nsat-itɔŋ aba: edi mmɔŋ oro ndinɔde enye eyekabare edi idim mmɔŋ ke esit esie eke otopde akabare ɔwɔrɔ edi nsinsi uwem.

HOSEA 6:3

Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.

MME ŊKE 4:18

Edi usuŋ nti owo ebiet uŋwana eke asiahade, aka iso ayama, tutu osim ufɔt uwemeyo.

ŊWED JOB 17:9

Edi edinen owo eyemum usuŋ esie akama: ndien owo eke ubɔk asanade eyediɔŋ ɔsɔŋ aka iso.

LUKE 13:20

Enye ɔtɔŋɔ ntak ɔdɔhɔ ete, Nso ke ndida ndomo ye Ubɔŋ Abasi?