LUKE 13:16 - Edisana ñwed Abasi Ibom

¹⁶ Edi ama edi ŋwan emi, emi edide eyen Abraham, emi Satan ɔkɔbɔpde ofuri isua efureta emi, nte ikpatatke enye uruk ke usen sabbath?

LUKE 13:16 Referans Kwoze

MARK 2:27

Ndien Jesus ɔdɔhɔ mmɔ ete, Ekanam usen sabbath enɔ owo, inamke owo inɔ usen sabbath;

2 ŊWED TIMOTHY 2:26

enyuŋ enyaŋa idem esio ke afia eke Satan akadade omum mmɔ, ke owo Abasi ama akada mmɔ nte mbuot-ekɔŋ, man mmɔ edu uwem esaŋa nte Enye amade.

UTOM MME APOSTLE 13:26

Nditɔ-ete, mbufo nditɔ emi etode ke ubon Abraham, ye mmɔ emi ebakde Abasi ke otu mbufo, ema enɔ ikɔ erinyaŋa emi esɔk nnyin.

JOHN 8:44

Mbufo edi nditɔ ete mbufo, kpa Satan, enyuŋ eyom ndinam obukpo udɔŋ ete mbufo. Enye edi owot-owo toto ke eritɔŋɔ, ikonyuŋ isɔŋɔke ida ke akpanikɔ, koro enye minyeneke akpanikɔ ke esit esie. Ke ini enye osude nsu, enye osio se idude ke esit etiŋ: koro enye edi osunsu, ye ete nsu.

LUKE 19:9

Edi Jesus ɔdɔhɔ enye ete, Erinyaŋa ama oduk ke ufɔk emi mfin emi, koro enye ŋko edide eyen Abraham.

LUKE 3:8

Esioŋo naŋa ndien mfri eke odotde erikabare esit; ekunyuŋ etɔŋɔ ndidɔhɔ ke esit mbufo ete, Ŋkɔm imenyene Abraham ke ete: koro ndɔhɔ mbufo nte, Abasi emekeme ndinam mme itiat emi edaha eda edi nditɔ Abraham.

MATTHEW 4:10

Ekem Jesus ɔdɔhɔ enye ete, Daha Mi ke usuŋ, Satan: koro ema ewet ete, Tuak ibuot nɔ Jehovah Abasi fo, nyuŋ nam ŋkpɔ nɔ Enye ikpɔŋ-ikpɔŋ.

LUKE 16:24

Enye onyuŋ ofiori ete, Ete Abraham, tua mi mbɔm, nyuŋ dɔŋ Lazarus ekedebi iso nnuen ubɔk esie ke mmɔŋ, edibit edeme mi; koro ndude ke ndutuhɔ ke ikaŋ emi.

ŊWED MME PSALM 107:14

Osio mmɔ ke ekim ye mfut mkpa, onyuŋ obuŋ ŋkpɔkɔbi mmɔ.