LUKE 12:56 - Edisana ñwed Abasi Ibom

⁵⁶ Mme mbubik, mbufo emefiɔk mme idiɔŋɔ eke edude ke iso isɔŋ ye ikpa-enyɔŋ; nsidi ndien ntak eke mbufo midomoke ini emi ifiɔk.

LUKE 12:56 Referans Kwoze

MATTHEW 16:3

Usen eyediɔk, koro enyɔŋ oyibe onyuŋ okpuk. Mbufo emɔfiɔk ndidiɔŋɔ iso ikpa-enyɔŋ, edi mbufo ikemeke ndifiɔk idiɔŋɔ ini.

MATTHEW 11:25

Ke ini oro Jesus ɔbɔrɔ ete, Mmɔkɔm Fi, O Ete, Ɔbɔn enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek nditɔ.

1 CHRONICLES 12:32

Nditɔ Issachar ŋko-ŋko emi efiɔkde ifiɔk ini, ndifiɔk se Israel ekpenamde; mme etubom mmɔ edi ikie iba; ndien kpukpru nditɔ ete mmɔ enam ke uyo mmɔ.

ŊWED MBON GALATIA 4:4

edi ke adaŋemi ekemde uyɔhɔ ini, Abasi osio Eyen Esie ɔdɔŋ ŋwan aman Enye, Enye onyuŋ esine ke idak-ibet

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

HAGGAI 2:7

nyenyuŋ nnyeŋe kpukpru mme idut, ndien se mme idut eyomde eyedi: ndien nyesin ubɔŋ ke ufɔk emi nyɔhɔ, Jehovah mme udim ɔdɔhɔ ntem.

MALACHI 3:1

SESE, ami nyedɔŋ angel mi, ndien enye eyebem mi iso ɔdiɔŋ usuŋ: ndien ɔbɔŋ emi mbufo eyomde, kpa angel ediomi emi enemde mbufo esit, eyebuat mbufo ke temple esie ke idaha kiet. Sese, enye ke edi: Jehovah mme udim ɔdɔhɔ.

MATTHEW 6:2

Mmɔdo ke ini ɔnɔde eyen ubuene ŋkpɔ, kutaŋ ese, nte mbio mbubik enamde ke mme synagogue ye mme efak, ete owo ekpono mme imɔ. Ke akpanikɔ ke ndɔhɔ mbufo, Mmɔ ema ebɔ utip mmɔ.