LUKE 12:5 - Edisana ñwed Abasi Ibom

⁵ Edi nyesian mbufo Enye emi ekpefehede; efehe Enye emi, ke ama owot; onyuŋ enyenede odudu ndiduɔk ke hell: mmɔsɔŋɔ ndɔhɔ mbufo nte, efehe Enye.

LUKE 12:5 Referans Kwoze

2 PETER 2:4

Koro edieke Abasi mikayakke mme angel emi ekeduede ebɔhɔ, edi otopde mmɔ ɔduɔk ke itie-ufen, onyuŋ esinde mmɔ ke ŋkim-ŋkim ukpe, ete, enim mmɔ etie do ebet ikpe;

MATTHEW 10:28

Ekunyuŋ efehe mmɔ emi ewotde ikpɔhidem, edi mikemeke ndiwot ukpɔŋ: edi ekam efehe Enye emi ekemede ndisobo ukpɔŋ ye ikpɔhidem ke hell.

ERIYARARE 14:7

ndien enye ɔdɔhɔ ke ɔkpɔsɔŋ uyo ete, Mbufo eteŋe Abasi, enyuŋ enɔ Enye ubɔŋ; koro ekem ini ikpe Esie; enyuŋ etuak ibuot enɔ Enye emi okobotde enyɔŋ ye isɔŋ ye inyaŋ ye idim mmɔŋ.

MME HEBREW 10:31

Edi ata ŋkpɔ ndik ndiduɔ nsine ke ubɔk Abasi emi odude uwem.

ŊWED MME PSALM 9:17

Mme idiɔk owo eyefiak edem eduk ke hell, kpukpru mme idut

MME ŊKE 14:26

Ɔkpɔsɔŋ iberedem odu ke uteŋe Jehovah: ndien nditɔ esie eyenyene ubɔhɔ.

ERIYARARE 20:14

Enyuŋ emen mkpa ye obio ekpo eduɔk ke akwa ŋkpɔdiɔhɔ ikaŋ. Emi edi udiana mkpa, kpa akwa ŋkpɔdiɔhɔ ikaŋ.

1 ŊWED THESSALONICA 4:6

Owo baba kiet okubiat ewuhɔ, otuk eyen-ete esie ke ŋkpɔ emi; koro Ɔbɔŋ eyesio usiene ke kpukpru idiɔk-ŋkpɔ emi, nte nnyin ikebemde iso idɔhɔ inyuŋ itim iteme mbufo.

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

ERIYARARE 15:4

Anie editre nditeŋe Fi, O Ɔbɔŋ, ndinyuŋ nnɔ enyiŋ Fo ubɔŋ? Koro Afo ikpɔŋ edi edisana; Kpukpru mme idut eyenyuŋ edi edituak ibuot ke iso Fo; Koro ndinen ikpe Fo ema eyarare ewut idem.

MATTHEW 5:22

Edi Ami ndɔhɔ mbufo nte, owo ekededi eke ayatde esit ye eyen-ete esie esesin idem ke ikpe; owo ekededi eke ɔdɔhɔde eyen-ete esie ete, Raca (ikpikpu owo), esesin idem ke ikpe Sanhedrin; owo ekededi eke ɔdɔhɔde ete, Afo ndisime, esesin idem ke ufen hell eke asakde ikaŋ.

JEREMIAH 5:22

Nte mbufo idibakke mi? Nte mbufo idinyekke ke iso mi, emi ŋkenimde ntan ke adaŋa inyaŋ ke nsinsi ewuhɔ, ndien inyaŋ idibehe enye; ndien odut esie okpot, edi ikanke; oyomo uyom, edi ikaŋake enye.

MATTHEW 25:46

Ekem mmɔ oro eyedaha ekoduk ke nsinsi ufen; edi ndinen owo eyeduk ke nsinsi uwem.

JEREMIAH 10:7

Anie midibakke fi, O Edidem mme idut? Koro odotde fi: koro baba kiet eke ebietde fi miduhe ke otu kpukpru mme ɔfiɔkŋkpɔ owo mme idut, ye ke kpukpru mme obio mmɔ.

MARK 13:23

Edi mbufo ekpeme: sese, mmebem iso ntiŋ kpukpru ŋkpɔ do nnɔ mbufo.

JEREMIAH 41:18

ebak mme Chaldean, koro efehede mmɔ, koro Ishmael eyen Nethaniah okowotde Gedaliah eyen Ahikam, emi edidem Babylon okonimde ke etubom isɔŋ.