LUKE 12:2 - Edisana ñwed Abasi Ibom

² Edi ŋkpɔ iduhe eke efukde fuk, eke midiyarakere; ŋkpɔ inyuŋ iduhe eke edipde dip, eke owo midifiɔkke.

LUKE 12:2 Referans Kwoze

MARK 4:22

Koro baba ŋkpɔ kiet idibeke, ibɔhɔke man akpayarare; baba ŋkpɔ kiet inyuŋ ifuhɔke ina, ibɔhɔke man ɔkpɔwɔrɔ ke uŋwana.

LUKE 8:17

Koro baba ŋkpɔ kiet idibeke eke midiyarakere; inyuŋ ifukke baba ŋkpɔ kiet eke midiwɔrɔke ina ke aŋwa owo efiɔk.

2 ŊWED CORINTH 5:10

Koro kpukpru nnyin inyene ndiwɔrɔ nyarare ke iso itie-ikpe Christ; man owo kiet kiet ɔbɔ utip eke ekemde ye se enye akanamde ke ikpɔhidem, ye ŋkpɔ oro edide eti, ye onyuŋ edide idiɔk.

ECCLESIASTES 12:14

Koro Abasi eyekot kpukpru ŋkpɔ emi enamde edi ikpe, ɔkɔrɔ ke kpukpru ndibe-ndibe ŋkpɔ, edide eti, eyuŋ edide mme idiɔk.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

ŊWED MBON ROME 2:16

ke usen eke Abasi edibierede ndibe ŋkpɔ owo ke ubɔk Jesus Christ, nte gospel mi owutde.

JEREMIAH 16:17

Koro enyin mi esuk ese kpukpru usuŋ mmɔ: mmɔ idikemeke ndidibe iso mi, idiɔk ido mmɔ idinyuŋ ikemeke ndidibe enyin mi.

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.