LUKE 12:18 - Edisana ñwed Abasi Ibom

¹⁸ Ndien enye ɔdɔhɔ ete, Nyenam emi: nyewuri mme ufɔk-ubon-udia mi, nnyuŋ mbɔp se ikponde ikan; do ke ndibon kpukpru mfri ye inyene mi.

LUKE 12:18 Referans Kwoze

JAMES 3:15

Emi idige eti ibuot eke otode ke enyɔŋ, edi oto isɔŋ, oto obukidem, oto mme demon.

JAMES 4:15

Mbufo ekpekam edɔhɔ ete, Ke Ɔbɔŋ onyimede, iyedu uwem, inam ŋkpɔ emi mme ŋkpɔ oro.

LUKE 18:6

Edi Ɔbɔŋ ɔdɔhɔ ete, ekop se ukwaŋ ebierikpe ɔdɔhɔde.

LUKE 12:21

Ntem ke etie ye owo eke ɔkɔde inyene ɔnɔ idem esie, edi minyeneke inyene ke ŋkaŋ Abasi.

LUKE 18:4

Edi enye inyimeke ke ndusuk ini: edi ekem enye ɔdɔhɔ ke esit esie ete, okposuk edi nte mmembakke Abasi, mmonyuŋ ŋkereke owo,

ŊWED MME PSALM 17:14

da ubɔk fo. O Jehovah, (nam mi mbɔhɔ) owo, kpa ererimbot emi udeme mmɔ odude ke uwem emi, afo eyenyuŋ ada nti ŋkpɔ fo ɔyɔhɔ mmɔ ke idibi: nditɔ eyeyuhɔ mmɔ; ndien mmɔ eyenim nsuhɔ mmɔ enɔ nditɔwɔŋ mmo.

MATTHEW 6:26

Ese mme inuen enyɔŋ, ete mmɔ itɔhɔ-tɔ inyuŋ idɔkke-dɔk, inyuŋ ibonke inim ke ubet; ndien Ete mbufo emi odude ke heaven ɔbɔk mmɔ. Nte mbufo ikponke ikan mmɔ?

LUKE 12:17

enye onyuŋ eneni ke esit esie ete, Ndinam nso ŋkpɔ? koro nnyeneke ebiet eke mbonde ŋkpɔ mi.

LUKE 12:19

Ndien nyedɔhɔ ukpɔŋ mi nte, Ukpɔŋ mi, omobon ediwak ŋkpɔ nte edikemde ediwak isua; da nduɔk-odudu, dia nyuŋ ŋwɔŋ, nyuŋ dat esit.

LUKE 12:24

Ese mme inuen enyɔŋ, ete, mmɔ itɔhɔ tɔ, inyuŋ idɔkke dɔk; inyeneke ubet ubon-ŋkpɔ ye ufɔk ibokpot; ndien Abasi ɔbɔk mmɔ; mbufo emekpon ekan mme inuen adaŋa didie!

JAMES 4:13

Da mbufo, emi edɔhɔde ete, Mfin mme mkpɔŋ iyeka ke obio emi ikadaŋ do isua kiet, inyam urua, idia udori: kpa ke ini mbufo mifiɔkke se iditibede mkpɔŋ.