LUKE 12:17 - Edisana ñwed Abasi Ibom

¹⁷ enye onyuŋ eneni ke esit esie ete, Ndinam nso ŋkpɔ? koro nnyeneke ebiet eke mbonde ŋkpɔ mi.

LUKE 12:17 Referans Kwoze

MATTHEW 5:42

Nɔ owo eke ebeŋede fi ŋkpɔ, kunyuŋ udaha ukpɔŋ owo eke oyomde ndibuɔt ŋkpɔ ke ubɔk fo.

ISAIAH 58:7

Nte idige ndibuŋ uyo fo nnɔ owo biɔŋ, afo eyenyuŋ ada mme ubuene eke ediyode edi ke ufɔk, ke afo okutde owo iferi, ndien ofuk enye, ndien mudibeke obukidem fo.

1 JOHN 3:16

Nnyin ida emi ifiɔk ima, koro Enye akayakde uwem Esie ɔnɔ kabaŋa nnyin: nnyin nde ikponyuŋ iyak uwem nnyin inɔ kabaŋa nditɔ-ete.

ŊWED MBON ROME 12:13

enɔ ikɔt Abasi se inanade mmɔ; ebine ndikama isen owo.

UTOM MME APOSTLE 16:30

ada mmɔ ɔwɔrɔ, ete mmɔ, Mme ete, nnyene ndinam nso man enyaŋa mi?

LUKE 19:17

Ndien ɔbɔŋ esie ɔdɔhɔ enye ete, Omotim anam, afo eti owo: sia afo akanamde akpanikɔ ke ekpri ŋkpɔ, di andikara obio duop.

LUKE 18:22

Edi ke ini Jesus okopde emi, ɔdɔhɔ enye ete, Ŋkpɔ kiet ke osuk anana fi kaŋa; nyam kpukpru se enyenede, deme nɔ mme ubuene, ndien enyenyene inyene ke heaven: nyuŋ di disaŋa ye Ami.

LUKE 16:9

Mmonyuŋ ndɔhɔ mbufo nte, eda mammon ukwaŋido ekɔ mme ufan enim enɔ idem mbufo; man kini oro ebede efep, mmɔ oro ekpada mbufo eduk ke nsinsi iduŋ.

1ŊWED TIMOTHY 6:17

Sɔŋɔ dɔhɔ mme enyene-ŋkpɔ ke eyo emi, ete mmɔ ekumenere idem, ekunyuŋ edori enyin ke se iyaŋade owo nte enyene, edi edori enyin ke Abasi, emi ɔnɔde nnyin kpukpru ŋkpɔ uwak-uwak, ete idara ke esit.

UTOM MME APOSTLE 2:37

Kadaŋemi mmɔ ekopde ikɔ emi, esit amia mmɔ, mmɔ enyuŋ edɔhɔ Peter ye mme apostle eken ete, Nditɔ-ete, inam didie?

LUKE 16:3

Ekem akama-ukpɔhɔre ɔdɔhɔ ke esit esie ete, Ndinam didie, koro ete ɔbɔde mi itie-akama-ukpɔhɔre? nnyeneke idem ndifuŋ isɔŋ; ndibeŋe ebeŋe edi mi ŋkpɔ but.

LUKE 12:33

Enyam se mbufo enyenede eda efɔn ido ye mme ubuene; enam ekpat-okuk eke midikanike enɔ idem mbufo; ebon inyene ke heaven eke midikpuhu mbufo, ke ɔtɔ inɔ misaŋake ikpere, uta-ŋkpɔ minyuŋ ibiatke.

LUKE 12:29

Mbufo ekunyuŋ eyom se mbufo edidiade, ye se mbufo ediŋwɔŋde, ekunyuŋ eyik ke ekikere esit mbufo.

LUKE 12:22

Edi Enye ɔdɔhɔ mbet Esie ete, Mmɔdo ndɔhɔ mbufo nte, Ekutimere esit ebaŋa uwem mbufo, ete, ididia nso? mme ikpɔhidem mbufo, ete, idisine nso?

LUKE 11:41

Ekam eda mme ŋkpɔ eke edude ke esit mmɔ enɔ mme ubuene, ndien sese, kpukpru ŋkpɔ esana enɔ mbufo.

LUKE 10:25

Ndien sese, ɔfiɔk-ibet kiet adaha ke enyɔŋ edidomo Enye ete, Andikpep, ndinam nso man nnyene nsinsi uwem?

LUKE 3:11

Enye ɔbɔrɔ mmɔ ete, Yak owo eke enyenede ɔfɔŋidem iba ada kiet ɔnɔ owo eke minyeneke; yak owo eke enyenede udia onyuŋ anam kpa ntre.

ECCLESIASTES 11:2

Da ubak nɔ itiaba, nɔ itiaita ŋko: koro afo mufiɔkke idiɔk-ŋkpɔ eke edidude ke ererimbot.

MATTHEW 16:7

Edi mmɔ eneni ke otu idem mmɔ ete, Nnyin idaha uyo idi.

LUKE 12:16

Edi Enye otop ŋke ɔnɔ mmɔ ete, Iŋwaŋ owo inyene kiet ɔfɔn ŋkpɔ eti-eti;

LUKE 12:18

Ndien enye ɔdɔhɔ ete, Nyenam emi: nyewuri mme ufɔk-ubon-udia mi, nnyuŋ mbɔp se ikponde ikan; do ke ndibon kpukpru mfri ye inyene mi.