LUKE 12:16 - Edisana ñwed Abasi Ibom

¹⁶ Edi Enye otop ŋke ɔnɔ mmɔ ete, Iŋwaŋ owo inyene kiet ɔfɔn ŋkpɔ eti-eti;

LUKE 12:16 Referans Kwoze

HOSEA 2:8

Ndien enye ikɔfiɔkke, ite ke edi ami ŋkɔnɔ enye ibokpot oro, ye obufa wine, ye aran, ndien mmɔ eda silver oro ŋkanamde awak ɔnɔ enye, ye gold, enam ŋkpɔ enɔ Baal.

ŊWED MME PSALM 73:12

Sese, mme mmɔ emi edi mme idiɔk owo, ndien mmɔ etie ke ifure kpukpru ini, mmɔ ekɔ inyene.

ŊWED MME PSALM 73:3

Koro ŋkefibede mbon iseri ufup, ŋkut ifure mme idiɔk owo.

ŊWED JOB 12:6

Mme tent mbon-ufik etie suŋ, ifure onyuŋ enyene mme ayat Abasi esit, ye owo eke obiomde Abasi ke ubɔk esie.

UTOM MME APOSTLE 14:17

Edi Enye iyakke ŋkpɔ-ntiense anana ɔnɔ Enye, ke emi Enye ɔfɔnde ido, onyuŋ ɔnɔde mbufo edim heaven ye ini eduek, onyuŋ ɔnɔde mbufo udia, anam esit mbufo ɔyɔhɔ ye idaresit.

MATTHEW 5:45

man mbufo edi nditɔ Ete mbufo emi odude ke heaven; koro Enye anamde utin Esie asiaha ɔnɔ mme idiɔk owo ye nti owo, onyuŋ anamde edim edep ɔnɔ ndinen owo ye mme anam ukwaŋ-ido.

EZEKIEL 16:49

Sese, emi ekedi idiɔk ido Sodom eyen-uka, iseri, ke uyuhɔ udia, ye ata ifure ekenyene enye ye nditɔ-iban esie, ndien enye isɔŋke eyen ukut ye ubuene ubɔk.

MATTHEW 13:8

Mmɔ eken eduɔŋɔ ke eti isɔŋ, enyuŋ efiari mfri, ndusuk eŋwum ikikie, ndusuk ikaata, ndusuk ikedip ye duop.

LUKE 12:15

Enye onyuŋ ɔdɔhɔ mmɔ ete, Etim ekpeme idem mbufo ke kpukpru oruk erisin esit ke ŋkpɔ owo: koro owo enyene se enyenyene, uwem esie isineke enye ke ubɔk.

LUKE 12:17

enye onyuŋ eneni ke esit esie ete, Ndinam nso ŋkpɔ? koro nnyeneke ebiet eke mbonde ŋkpɔ mi.

ŊWED JOB 24:23

Enye (Abasi) ɔnɔ enye ifure, ndien enye eberi edem; Enye onyuŋ etiŋ enyin ke usuŋ mmɔ.