LUKE 11:52 - Edisana ñwed Abasi Ibom

⁵² Eyedɔdiɔk ɔnɔ mbufo mme ɔfiɔk-ibet! koro mbufo ememen ukpɔhɔre ifiɔk efep: mbufo ikodukke ke idem mbufo, mbufo enyuŋ ebiɔŋɔ mmɔ eke eyomde ndiduk.

LUKE 11:52 Referans Kwoze

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.

MALACHI 2:7

Koro mkpɔk-inua oku ekpekpeme ifiɔk, owo ekpenyuŋ ebup mkpɔk-inua esie ewuhɔ: koro enye edide isuŋ-utom Jehovah mme udim.

UTOM MME APOSTLE 5:40

Ndien mmɔ enyime ndikop uyo esie: enyuŋ ekot mme apostle edi, enyuŋ emia mmɔ, enyuŋ ewuk mmɔ ete, ekutiŋ ikɔ ke enyiŋ Jesus, enyuŋ eyak mmɔ enyɔŋɔ.

MATTHEW 22:35

Ndien owo kiet ke otu mmɔ, emi edide ɔfiɔk-ibet, odomo Enye, obup Enye mbume, ete,

LUKE 11:53

Ndien ke ini Enye otode do ɔwɔrɔ mme scribe ye mme Pharisee etɔŋɔ ndiyire Enye, ndinyuŋ mfaha Enye ke mbume mbaŋa ediwak ŋkpɔ;