LUKE 11:19 - Edisana ñwed Abasi Ibom

¹⁹ Edi edieke Ami ndade Beelzebub mbin mme demon nduɔk, nditɔ mbufo eda anie ebin mmɔ eduɔk? Mmɔdo mmɔ edidi mme ebierikpe enɔ mbufo.

LUKE 11:19 Referans Kwoze

LUKE 9:49

Edi John ɔbɔrɔ ete, Andikpep, nnyin ima ikut owo ebinde demon ɔduɔk ke enyiŋ Fo, inyuŋ ikpan enye, koro enye misaŋake ye nnyin itiene Fi.

ŊWED MBON ROME 3:19

Edi nnyin imɔfiɔk ite se ededi eke ibet etiŋde, ke etiŋ ɔnɔ mmɔ emi edude ke idak ibet; man inua ɔkibɔ kpukpru owo, ofuri ererimbot enyuŋ esine ke idak ubiom-ikpe Abasi:

LUKE 19:22

Ɔbɔŋ ɔdɔhɔ owo oro ete, Nyeda ikɔ-inua fo ŋkpe ikpe nnɔ fi, afo idiɔk owo. Ama ɔfiɔk ete ndi owo nsɔŋ-ido, emi ntaŋde se mmeŋkonimke, nnyuŋ ndɔkde se mme ŋkɔtɔhɔ;

ŊWED JOB 15:6

Inua fo anam ikpe otip fi, idige ami, kpa mkpɔk-inua fo enyuŋ etiŋ ebaŋa fi.

MATTHEW 4:24

Etop Esie onyuŋ asuana ke ofuri Syria; mmɔ enyuŋ eda kpukpru mbon udɔŋɔ esɔk Enye, kpa mmɔ eke nsio-nsio udɔŋɔ ye ndutuhɔ enamde mmɔ, ye mmɔ eke enyenede mme demon, ye mmɔ eke edɔŋɔde mbukpi ye akpa-ubeŋ; Enye onyuŋ anam mmɔ ekop nsɔŋidem.

MATTHEW 10:25

Ekem eyen ukpep-ŋkpɔ nditie nte andikpep enye, asaŋa-utom ndinyuŋ ntie nte ete-ufɔk esie. Edieke mmɔ ema ekot ete-ufɔk ete, Beelzebub, ŋwaŋwaediso ke mmɔ edikot nditɔ ufɔk esie ntre.

UTOM MME APOSTLE 19:13

Edi ndusuk nyoŋ Jew, emi edide mbia-idiɔŋ, eŋwana nditaŋa enyiŋ Ɔbɔŋ Jesus nnɔ mme mmɔ eke enyenede mme idiɔk spirit; ete, Mmada Jesus emi Paul ɔkwɔrɔde ŋwuk fi.