LUKE 11:13 - Edisana ñwed Abasi Ibom

¹³ Mmɔdo edieke mbufo emi ediɔkde efiɔkde ndinɔ nditɔ mbufo nti enɔ, adaŋa didie akan oro ke Ete mbufo ke heaven ediyak Edisana Spirit ɔnɔ mmɔ eke ebeŋede Enye?

LUKE 11:13 Referans Kwoze

MATTHEW 7:11

Mmɔdo edieke mbufo emi ediɔkde efiɔkde ndinɔ nditɔ mbufo nti enɔ, adaŋa didie akan oro ke Ete mbufo emi odude ke heaven edimen nti ŋkpɔ ɔnɔ mmɔ emi ebeŋede Enye?

JOHN 4:10

Jesus ɔbɔrɔ enye ete, Edieke afo ɔkpɔfiɔkde enɔ Abasi, ye owo emi obupde fi ete, Nɔ Mi mmɔŋ ŋŋwɔŋ, afo ekpebeŋe Enye, ndien Enye ɔkpɔnɔ fi odu-uwem mmɔŋ.

ŊWED MBON ROME 8:32

Enye emi mikesinke ndinɔ Eyen Esiemɔ, edi ayakde Enye ɔnɔ ke ibuot nnyin kpukpru, Enye edikeme didie nditre ndinɔ nnyin kpukpru ŋkpɔ ndian ye Enye?

MME ŊKE 1:23

Mbufo ekabare ke nduari mi: sese, nyeŋwaŋa spirit mi nduɔk mbufo ke idem, nyenam mbufo efiɔk ikɔ mi.

UTOM MME APOSTLE 2:38

Edi Peter ɔbɔrɔ mmɔ ete, Mbufo ekabare esit, enyuŋ ena bpatism, kpukpru mbufo, ke enyiŋ Jesus Christ, man efen mme idiɔk-ŋkpɔ mbufo; ndien mbufo eyebɔ Edisana Spirit nte enɔ.

JOEL 2:28

Ndien ama ekem ke ini ŋkpɔ emi ebede, nyeŋwaŋa spirit mi nnɔ ofuri obukidem; ndien nditɔiren mbufo, ye nditɔ mbufo iban eyetiŋ prophecy, mbiowo mbufo eyedaba ndap, mkparawa mbufo eyekut ŋkukut.

EZEKIEL 36:27

Nyenyuŋ nda spirit mi nsin mbufo ke idem, nnyuŋ nnam mbufo esaŋa ke mme ewuhɔ mi, enyuŋ ekpeme ikpe mi enyuŋ enam.

ISAIAH 49:15

Nte ŋwan ekeme ndifre eyen-nsek esiemɔ, nnyuŋ ntre nditua eyen emi enye amande mbɔm? Idem mmɔ ekeme ndifre, edi ami ndifreke fi.

MATTHEW 6:14

Koro edieke mbufo edahadedo enɔ owo ke ndudue mmɔ, Ete mbufo ke heaven eyenyuŋ adahado ɔnɔ mbufo.

MATTHEW 6:32

Koro mme Gentile eyom kpukpru ŋkpɔ emi: koro Ete mbufo ke heaven ɔmɔfiɔk ete kpukpru ŋkpɔ emi enana mbufo.

LUKE 11:2

Edi Enye ɔdɔhɔ mmɔ ete, Ke ini mbufo ebɔŋde akam, edɔhɔ ete, Ete, yak ikpono enyiŋ Fo. Yak Ubɔŋ Fo edi.

MATTHEW 6:30

Edi edieke Abasi esinede mbiet iŋwaŋ nkpɔ ntem, kpa mbiet eke odude mfin, ndien mkpɔŋ emen esin ke usaŋ-uyo, nte Enye idisineke mbufo ŋkpɔ ikan, O mbufo nditɔ ekpri mbuɔtidem?

MATTHEW 5:45

man mbufo edi nditɔ Ete mbufo emi odude ke heaven; koro Enye anamde utin Esie asiaha ɔnɔ mme idiɔk owo ye nti owo, onyuŋ anamde edim edep ɔnɔ ndinen owo ye mme anam ukwaŋ-ido.

MATTHEW 5:16

Kpa ntre yak uŋwana mbufo ayama ke iso owo, man mmɔ ekut nti utom mbufo, enyuŋ etoro Ete mbufo emi odude ke Heaven.

ŊWED MME PSALM 51:5

Sese, ŋkamana ke ukwaŋ; eka mi okonyuŋ oyomo mi ke idiɔk.

ŊWED MBON ROME 7:18

Koro mmɔfiɔk nte baba eti ŋkpɔ kiet iduŋke mi ke idem, oro edi, ke obukidem mi: koro ndinyime ndinam eti ŋkpɔ odu ye ami, edi ndinanam iduhe.

ŊWED MBON ROME 5:17

Koro edieke okotode ke ndudue owo kiet ke mkpa ada ubɔŋ oto owo kiet oro, ŋwaŋwaediso ke mmɔ emi ebɔde uwak mfɔn ye uwak enɔ edinen ido eyeda ubɔŋ ke uwem oto owo kiet, Jesus Christ.

TITUS 3:3

Koro nnyin ke idem nnyin ima inana ibuot tutuko, ima itut-utɔŋ, inyuŋ idue; iduk ufin inɔ nsio-nsio idiɔk udɔŋ ye mbre; ima idu uwem inam ibak, inyuŋ ifibeufup; nnyin ikedi se owo esuade, nnyin ikonyuŋ isua kiet eken.

GENESIS 8:21

Ndien Jehovah okop edinem utebe oro, Jehovah onyun ɔdɔhɔ ke esit esiemɔ, ete, Ami nditɔŋɔke aba ntak nsuŋi isɔŋ mbaŋa owo; koro ekikere esit owo ɔdiɔkde toto ke uyen esie: ndinyuŋ ntɔŋɔke aba ntak nsobo kpukpru se idude uwem, nte ŋkanamde.

LUKE 11:12

mme edinɔde eyen ikpeyen, ke ini eyen ebeŋede enye nsen-unen?

LUKE 18:7

Nte Abasi idinyuŋ isioho usiene inɔ ndimek ikɔt Esie, emi esemede enɔ Enye uwem-eyo ye okoneyo, okposuk edi nte Enye emede anyan ime ke ikɔ mmɔ?