LUKE 10:41 - Edisana ñwed Abasi Ibom

⁴¹ Edi Ɔbɔŋ ɔbɔrɔ ete, Martha, Martha, afo ayak ediwak ŋkpɔ etimere fi ekikere, enyuŋ enɔ fi afanikɔŋ:

LUKE 10:41 Referans Kwoze

ŊWED MBON PHILIPPI 4:6

Ekutimere esit ke baba ŋkpɔ kiet, edi ke kpukpru ŋkpɔ, esaŋa ye akam ye mkpe-ubɔk ye ekɔm, esian Abasi se mbufo eyomde.

LUKE 21:34

Edi ekpeme idem mbufo, mbak uyuhɔ udia ye mmin ye ekikere uwem emi edinam esit mbufo odobi, ndien usen oro edibuat mbufo nte ekpɔ;

MARK 4:19

ye abiaŋa inyene, ye mme idiɔk itɔŋ ŋkpɔ eŋwen eduk ebaba ikɔ ewot; ntre ke ikɔ akabare anana mfri.

LUKE 12:22

Edi Enye ɔdɔhɔ mbet Esie ete, Mmɔdo ndɔhɔ mbufo nte, Ekutimere esit ebaŋa uwem mbufo, ete, ididia nso? mme ikpɔhidem mbufo, ete, idisine nso?

LUKE 8:14

Ndien mkpasip oro eduɔŋɔde ke ikɔt ŋkukim edi mmɔ emi ekopde, ndien, nte mmɔ ekade eke mmɔ, ekikere ye inyene ye inemesit uwem ebaba mmɔ ewot; ntre ke mmɔ iŋwumke mfri eke ɔfɔnde ama.

ECCLESIASTES 6:11

Koro enyenede ediwak ŋkpɔ eke esinde ikpikpu ŋkpɔ ewak, owo enyene nso udori?

LUKE 10:38

Edikem nte mmɔ esaŋade isaŋ, Jesus oduk ke obio-iŋwaŋ kiet; ŋwan emi ekerede Martha onyuŋ ada Enye oduk ke ufɔk.

LUKE 10:40

Edi utom eke Martha aŋwanade ndinam nnɔ isen efihe enye akaha; ndien enye edi edidɔhɔ ete, Ɔbɔŋ, nte ukereke emi eyen-eka mi ɔkpɔŋde utom ɔnɔ mi ikpɔŋ? dɔhɔ enye edi ediŋwam mi naŋa.

JOHN 11:1

EDI owo kiet ɔdɔŋɔ, kpa Lazarus owo Bethany, obio-iŋwaŋ emi Mary ye Martha eyen-eka esie edude do.

JOHN 11:5

Jesus amama Martha ye eyen-eka esie aŋwan ye Lazarus.

JOHN 12:2

Ntem ke mmɔ enam udia enɔ Enye do; Martha onyuŋ ada mbet, edi Lazarus edi kiet ke otu mmɔ emi etiede ye Enye.