LUKE 10:27 - Edisana ñwed Abasi Ibom

²⁷ Enye ɔbɔrɔ ete, Ma Jehovah Abasi fo ke ofuri esit fo, ye ke ofuri ukpɔŋ fo, ye ke ofuri odudu fo, ye ke ofuri ekikere fo; nyuŋ ma mbɔhiduŋ fo nte idem fo.

LUKE 10:27 Referans Kwoze

DEUTERONOMY 6:5

ma ndien Abasi fo ke ofuri esit fo, ye ke ofuri ukpɔŋ fo, ye ke ofuri odudu fo.

ŊWED MBON ROME 13:9

Koro uyo emi enɔde, ete, Kusin efibe, Kuwot owo, Kuyip inɔ, Kusin esit ke ŋkpɔ owo, ye ibet eŋwen ekededi eke odude, esine ke ikɔ kiet, emi etemede ete, Ma mbɔhiduŋ fo nte amade idem fo.

DEUTERONOMY 30:6

Ndien Jehovah Abasi fo eyenim esit fo mbobi, ye esit nditɔ fo, man afo ama Jehovah Abasi fo ke ofuri esit fo, ye ke ofuri ukpɔŋ fo, man afo odu uwem.

LEVITICUS 19:18

Kusio usiene, kunyuŋ ukɔk nditɔ obio mbufo ekikɔhɔ edi ma mbɔhiduŋ fo nte idem fo: ami ndi Jehovah.

JAMES 2:8

Edi edieke mbufo enimde ewuhɔ Edidem, nte ewetde ke Ŋwed Abasi ete, Ma mbɔhiduŋ fo nte amade idem fo, mbufo enam se ifɔnde;

DEUTERONOMY 10:12

Nso ŋkpɔ ndien, O Israel, ke Jehovah Abasi fo oyom ye afo, ke mibɔhɔke eribak Jehovah Abasi fo, nnyuŋ nsaŋa ke kpukpru usuŋ esie, nnyuŋ mma enye, nnyuŋ nnam ŋkpɔ Jehovah Abasi fo, ke ofuri esit fo, ye ke ofuri ukpɔŋ fo,

1 JOHN 3:18

Ŋkpri nditɔ mi, eyak nnyin ikuma ke ikɔ-inua ye ke edeme, edi eyak nnyin ima ke erinanam ye ke akpanikɔ.

MME HEBREW 8:10

Koro Jehovah ɔdɔhɔ ete, Emi edi ediomi eke ndinamde ye Ufɔk Israel, Ke mme usen oro ema ebe. Nyesin mbet Mi ke esit mmɔ, Nyenyuŋ ŋwet Mmɔ ke ɔwɔŋesit mmɔ ŋko; Ndien nyedi Abasi mmɔ, Mmɔ eyenyuŋ edi ikɔt Mi:

ŊWED MBON GALATIA 5:13

Nditɔ-ete, ekekot mbufo ete edidi nditɔ-isɔŋ; edi ekuda itie eyen-isɔŋ mbufo eyom ufaŋ enɔ obukidem, edi esaŋa utom enɔ kiet eken ke ima.

MATTHEW 19:19

Kudi ntiense nsu, Kpono usɔ ye uka, Nyuŋ ma mbɔhiduŋ fo nte idem fo.

DEUTERONOMY 6:4

O Israel, kop: Jehovah Abasi nnyin edi Jehovah kiet:

LUKE 10:26

Edi Jesus ete enye, Ewewet didie ke ibet? okot didie?