LUKE 10:21 - Edisana ñwed Abasi Ibom

²¹ Ke ini oro Jesus okop idaresit ke Edisana Spirit, onyuŋ ɔdɔhɔ ete, Mmɔkɔm Fi, O Ete, Ɔbɔŋ enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek-nditɔ. Edi ntre, Ete, koro enemde Fi ntem ke enyin.

LUKE 10:21 Referans Kwoze

2 ŊWED CORINTH 4:3

Edi edieke gospel nnyin odibede owo ndien, odibe mmɔ emi etatak;

ŊWED MBON EPHESUS 1:11

Ke Christ enyuŋ enam nnyin (mme Jew) idi udeme Abasi, sia Enye, emi adade ekikere esit Esie anam kpukpru ŋkpɔ ewɔrɔ, ekebemde iso aduak ndinim nnyin nnɔ emi;

ŊWED MBON EPHESUS 1:5

Ke ima Esie Enye ekebem iso ebiere onim ndida nnyin nsin ke ubon Esie nte nditɔ Esie oto ke Jesus Christ;

MARK 10:15

Ke akpanikɔ ke ndɔhɔ mbufo, Owo ekededi eke midibɔhɔ Obio Ubɔŋ Abasi nte ekpri eyen, ididukke duk ke esit.

MATTHEW 21:16

Nte omokop se mmɔ emi edɔhɔde? Edi Jesus ɔdɔhɔ mmɔ ete, Edi ntre; nte akanam mbufo ikotke se ewetde ete, Afo osio itoro eke ɔfɔnde ama ke inua nsek-nditɔ ye mme awap-eba?

MATTHEW 16:17

Jesus ɔbɔrɔ enye ete, Ɔfɔfɔn ɔnɔ fi Simon eyen Jonah, koro midige obuk ye iyip akayarare ŋkpɔ emi ɔnɔ fi, edi edi Ete Mi emi odude ke Heaven.

ŊWED MME PSALM 8:2

Afo osio odudu ke inua nditɔwɔŋ ye eke nsek nditɔ onim abaŋa mme asua fo, man afo odop inua usua ye eke osio-usiene.

LUKE 15:9

Ndien ama ɔfiɔhɔ, okot mufan ye mbɔhiduŋ esie edi, ete mmɔ, Edara ye ami, koro mma mfiɔhɔ okuk emi okosopde.

LUKE 15:5

Ndien ama okut enye, odori ke afara esie adat esit.

ZEPHANIAH 3:17

Jehovah Abasi fo odu ke ufɔt fo, ɔmɔsɔŋ; enye eyenyaŋa, eyedat esit abaŋa fi ke idara; enye eyedop uyo ke ima esie, eyebre abaŋa fi ke ikwɔ.

ISAIAH 66:1

NTEM ke Jehovah ɔdɔhɔ, ete, Enyɔŋ edi ebekpo mi, isɔŋ onyuŋ edi udorukot mi: nso ufɔk ke mbufo edibɔp enɔ mi? Nso ebiet ke mbufo edinim ke nduɔk-odudu mi ŋko?

ISAIAH 53:11

Enye eyekut se itode ke ukut ukpɔŋ eise ɔyuhɔ: edinen owo mi eyeda ifiɔk esie anam ikɔ asana ediwak owo; eyenyuŋ obiom mme idiɔk ido mmɔ.

ISAIAH 29:14

ami nyemana nnam mbio-obio emi utibe ŋkpɔ, kpa utibe ŋkpɔ ye ido eke edide utibe: ndien ifiɔk mme ɔfiɔk ŋkpɔ owo mmɔ eyetak, ɔniɔŋ mbon ɔniɔŋ mmɔ eyenyuŋ onime.

JOHN 11:41

Ntre ke mmɔ ekpat itiat esio. Edi Jesus emenere enyin Esie ke enyɔŋ, onyuŋ ɔdɔhɔ ete, Ete, mmɔkɔm Fi koro Afo okokopde uyo Mi.

ISAIAH 62:5

Koro kpa nte akparawa ɔdɔde eyen-aŋwan, kpa ntre ke nditɔ-iren fo edidɔ fi: ndien kpa nte ɔdɔ-ŋwan adatde esit abaŋa ŋwan ndɔ, kpa ntre ke Abasi fo edidat esit abaŋa fi.

ISAIAH 35:8

Ndien ɔkpɔ-usuŋ eyedu do, ye usuŋ, ndien enye eyekere usuŋ edinen owo; baba edidehe ŋkpɔ kiet idinyuŋ isaŋake ke esit ibe; ndien eyedi eke mmɔ; mbon isaŋ, idem mme anana ibuot, ididuehe.

ŊWED MME PSALM 25:14

Jehovah etie ufan ye mmɔ eke ebakde enye, ndien enye eyeteme mmɔ ediomi esie.

ŊWED MME PSALM 24:1

ISƆŊ ye se iyɔhɔde ke esit enyene Jehovah, ererimbot, ye mme andiduŋ enye.

MATTHEW 3:7

Edi ke ini enye okutde ediwak mme Pharisee ye mme Sadduccee edide edina baptism ke ubɔk esie, enye ete mmɔ, Mbufo nditɔ urukikɔt, anie eketeme mbufo efeŋe ebɔhɔ iyaresit eke edide?