48 Koro Enye ekesede usuhɔre-itie ofin-aŋwan Esie. Koro, sese, ɔtɔŋɔde ke emi kpukpru emana eyedɔhɔ ete, Ɔfɔfɔn ɔnɔ mi.
Koro Jehovah okoŋde, ndien enye ese mbon nsukidem; edi etie nsan-nsan ɔdiɔŋɔ mbon iseri.
Ndien kpukpru mme idut eyenyuŋ ebat ete ke ɔfɔn ye mbufo: koro mbufo eyedi isɔŋ inemesit, Jehovah mme udim ɔdɔhɔ.
Ndien enye akaŋa akaŋa onyuŋ ɔdɔhɔ ete, Jehovah mme udim, edieke afo edisede ukut eyen fo aŋwan, onyuŋ etide mi, munyuŋ ufreke eyen fo aŋwan, edi ama ɔnɔ eyen fo aŋwan eyen-eren, nyeda enye nnɔ Jehovah kpukpru usen uwem esie, ndien akaraŋ iditukke enye ibuot.
Ekem nte Enye etiŋde mme ikɔ oro, ŋwan kiet ke otu mbio-obio emenere uyo, ɔdɔhɔ Enye ete, Ɔfɔfɔn ɔnɔ idibi eke akamamde Fi, ye eba eke Afo akawapde.
Emi eketide nnyin ke itie ukut nnyin: koro ima esie odude ke nsinsi.
onyuŋ ofiori ke ɔkpɔsɔŋ uyo, ete, Ɔfɔfɔn ɔnɔ fi ke otu iban, onyuŋ ɔfɔfɔn ɔnɔ mfri idibi fo.
Ndien angel oduk etiene enye, onyuŋ ɔdɔhɔ ete, Mmɔkɔm fi, afo emi enyenede akwa mfɔn-iso, Jehovah odu ye afo.
Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.
Dɔhɔ ntem, ndien ye owo mi David, ete, Ntem ke Jehovah mme udim ɔdɔhɔ, ete, Ami ŋkosio fi ke nna-erɔŋ emi afo etienede ŋkpri ufene, man afo edi etubom ikɔt mi Israel:
Anam ubuene adaha ke ntɔŋ, onyuŋ emen mme anana ŋkpɔ ke ifum odori, ete inam mmɔ etie ye mbɔŋ, enye onyuŋ ɔnɔ mmɔ ebekpo ubɔŋ enyene: koro mme obubɔk ererimbot enyenede Jehovah, ndien enye amada ekondo odori mmɔ ke esit.
Ndien Leah ete, Iso ɔfɔn mi, koro iban eyedɔhɔ ete Iso ɔfɔn mi: ndien enye osio enye enyiŋ Asher.
Enye amakabare ese akam eyen ubuene, inyuŋ isinke akam mmɔ ke ndek.
Enyiŋ esie eyedu ke nsi nsi; enyiŋ esie eyebigi adaŋa ini nte utin ayamade: eyeda enye ediɔŋ idem mmɔ: kpukpru mme idut eyedɔhɔ ete ɔfɔn ye enye.
Onyuŋ ɔfɔfɔn ɔnɔ ŋwan emi onimde ke akpanikɔ; koro mme ŋkpɔ oro Jehovah eketiŋde ɔnɔ enye eyesu.
Koro Enye emi enyenede odudu ama anam ikpɔ ŋkpɔ ɔnɔ mi: Enyiŋ Esie onyuŋ edi Edisana.