LUKE 1:47 - Edisana ñwed Abasi Ibom

⁴⁷ Spirit mi omonyuŋ adara ke Abasi Andinyaŋa mi.

LUKE 1:47 Referans Kwoze

ŊWED MME PSALM 35:9

Ndien ukpɔŋ mi eyedara Jehovah; erinyaŋa esie eyenem mi.

1ŊWED TIMOTHY 2:3

Emi edi se ifɔnde inyuŋ inemde Abasi andinyaŋa nnyin esit;

HABAKKUK 3:18

Ndien ami nyedara Jehovah, nyebre mbaŋa Abasi erinyaŋa mi.

TITUS 2:10

Ekubɔrɔ mmɔ ikɔ, ekunyuŋ efai ŋkpɔ eda, edi ewut idem nte mbon akpanikɔ ke kpukpru usuŋ; man mmɔ enam ukpep-ŋkpɔ Abasi Andinyaŋa nnyin enyene uku ke kpukpru usuŋ.

JUDE 1:25

kpa Enye emi edide Abasi kierakiet, Andinyaŋa nnyin, oto ke Jesus Christ Ɔbɔŋ nnyin; yak ubɔŋ, ye ubom, ye edikara, ye odudu enyene Enye, toto ke eritɔŋɔ, ye ke emi, ye ke nsinsi. Amen.

TITUS 2:13

inyuŋ itie ibet eti idori-enyin ye eriyarare Ubɔŋ Akwa Abasi ye Andinyaŋa nnyin Christ Jesus;

1ŊWED TIMOTHY 1:1

AMI Paul, emi ndide apostle Christ Jesus, nte ekemde ye uyo Abasi Andinyaŋa nnyin ye eke Christ Jesus idori-enyin nnyin, ŋwet ŋwed emi nnɔ esɔk Timothy, ata eyen mi ke mbuɔtidem;

LUKE 2:11

koro Andinyaŋa, emi edide Christ Ɔbɔŋ, amana ɔnɔ mbufo mfin ke obio David.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

TITUS 1:3

edi ke edikem ini Enye ama ayarare ikɔ Esie ke ukwɔrɔ-ikɔ emi ekayakde esin mi ke ubɔk, nte item Abasi Andinyaŋa nnyin edide;