LUKE 1:46 - Edisana ñwed Abasi Ibom

⁴⁶ Ndien Mary ɔdɔhɔ ete, Ukpɔŋ mi ke okpono Jehovah,

LUKE 1:46 Referans Kwoze

ŊWED MME PSALM 35:9

Ndien ukpɔŋ mi eyedara Jehovah; erinyaŋa esie eyenem mi.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

1 ŊWED CORINTH 1:31

man osu, nte ewetde ete, Owo eke oburede mbure, yak obure ke Ɔbɔŋ.

ŊWED MBON PHILIPPI 4:4

Edat esit ke Ɔbɔŋ kpukpru ini; nyetɔŋɔ ntak ndɔhɔ, Edat esit.

ŊWED MBON ROME 5:11

Itreke do ikpɔŋ, edi nnyin imonyuŋ ibure mbure ke Abasi, oto ke Ɔbɔŋ nnyin Jesus Christ, emi edide Enye akada nnyin oduk ke emem ye Abasi ke emi.

ISAIAH 45:25

Ikpe eyesana ofuri ubon Israel, mmɔ eyenyuŋ ebure ke Jehovah.

1 PETER 1:8

Akanam mbufo ikwe Enye, edi emama Enye. Okposuk edi nte mbufo mikwe Enye ke emi, mbufo ebuɔt idem ye Enye, enyuŋ esɔŋɔ edara ye idaresit eke ayaŋade owo nditiŋ onyuŋ ɔyɔhɔde ye ubɔŋ;

ŊWED MBON PHILIPPI 3:3

Koro nnyin idi mme ana mbobi, kpa nnyin emi ituakde ibuot inɔ Abasi ke Spirit, inyuŋ iburede mbure ke Christ Jesus minyuŋ iberike idem ke obukidem.

2 ŊWED CORINTH 2:14

Edi ekɔm enyene Abasi, emi adade nnyin asaŋa ubɔŋ-ubɔŋ ke Christ kpukpru ini, onyuŋ adade nnyin anam owo ekop ufik ifiɔk Esie ke kpukpru ebiet.

1 ŊWED THESSALONICA 5:23

Abasi emem ke Idem Esie akpakam anam mbufo esana ofuri-ofuri, onyuŋ ekpeme mbufo ofuri-ofuri ke spirit ye ukpɔŋ ye ikpɔhidem, anam mbufo ekunyene ndo ke ini Ɔbɔŋ nnyin Jesus Christ edidide.