LUKE 1:29 - Edisana ñwed Abasi Ibom

²⁹ Edi ikɔ oro otimere Mary esit eti-eti, enye onyuŋ ekere ke esit esie se oruk ekɔm oro ɔkpɔwɔrɔde.

LUKE 1:29 Referans Kwoze

UTOM MME APOSTLE 10:17

Edi nte esit otimerede Peter abaŋa se ŋkukut oro enye okutde ɔwɔrɔde, sese, mme isuŋutom Cornelius ekeyom ufɔk Simon; enyuŋ eda ke enyin-usuŋ,

UTOM MME APOSTLE 10:4

Edi ke ini enye owukde enyin ese angel, ndik anam enye, enye onyuŋ ɔdɔhɔ ete, Nso, Ɔbɔŋ? Edi angel ɔdɔhɔ enye ete, Mkpe-ubɔk fo ye ŋkpɔ-mfɔn eke ɔnɔde mme ubuene ema edɔk edi ke iso Abasi, nte ŋkpɔ eke Enye adade eti fi.

LUKE 1:12

Ke ini Zechariah okutde, esit otimere enye, ndik onyuŋ anam enye.

LUKE 2:51

Ekem Enye asaŋa ye mmɔ ɔsuhɔre edi ke Nasareth, onyuŋ osuk ibuot ɔnɔ mmɔ; edi eka Esie omum kpukpru mme ikɔ oro akama ke esit esie.

LUKE 2:19

Edi Mary omum kpukpru ŋkpɔ emi akama, onyuŋ ekere mmɔ ke esit esie.

LUKE 1:66

Ndien kpukpru owo eke ekopde emum mbuk oro ekama ke esit, ete, Nso oruk owo ke eyen emi edidi? Koro ubɔk Jehovah ododu ye enye.

MATTHEW 16:7

Edi mmɔ eneni ke otu idem mmɔ ete, Nnyin idaha uyo idi.

LUKE 1:28

Ndien angel oduk etiene enye, onyuŋ ɔdɔhɔ ete, Mmɔkɔm fi, afo emi enyenede akwa mfɔn-iso, Jehovah odu ye afo.