LUKE 1:25 - Edisana ñwed Abasi Ibom

²⁵ onyuŋ ɔdɔhɔ ete, Ntem ke Jehovah akanam ye ami ke usen emi Enye osukde enyin ese mi, ndimen but mi ke otu owo mfep.

LUKE 1:25 Referans Kwoze

ISAIAH 4:1

NDIEN ke usen oro iban itiaba eyemum erenowo kiet, ete, Nnyin iyedia udia idem-nnyin, inyuŋ isine edisine-ŋkpɔ idem nnyin, edi yak eda enyiŋ fo ikpɔŋ esio nnyin: men nnyin but ke idem fep.

MME HEBREW 11:11

Oto mbuɔtidem kpa Sarah ke idem esie ɔbɔ ukeme ndiyomo, ke ini enye ama ekebe ini uman, koro adade Enye emi ɔkɔŋwɔŋɔde uŋwɔŋɔ ɔnɔ enye ke anam-akpanikɔ:

LUKE 1:13

Edi angel ɔdɔhɔ enye ete, Kufehe ndik, Zechariah; koro ema ekop mkpe-ubɔk fo; ndien ŋwan fo Elizabeth eyeman eyen eren ɔnɔ fi, afo eyeyuŋ osio enye enyiŋ John.

1 SAMUEL 1:6

Ndien asua esie odutuhɔ enye ŋko, man esin enye ayat esit, koro Jehovah ekesiride enye idibi.

GENESIS 25:21

Ndien Isaac ekpe Jehovah ubɔk ɔnɔ Rebekah ŋwan esie, koro enye edide ada: ndien Jehovah onyime mkpe ubɔk esie, ndien Rebekah

JUDGES 11:37

Ndien enye ɔdɔhɔ ete esie, ete, Yak enam ŋkpɔ emi ye ami: yak mi ntie ɔfiɔŋ iba, man nsuhɔre nsaŋa ke ikpɔ obot, nnyuŋ ntua emi mmendidɔhɔ ebe, ami ye mme nsaŋa mi.

ISAIAH 25:8

Enye eyemen mkpa ke nsinsi; Ɔbɔŋ Jehovah onyuŋ ɔkwɔhɔre kpukpru iso mmɔŋ eyet efep; eyenyuŋ osio esuene ikɔt esiemɔ ke ofuri ererimbot efep: koro edi Jehovah ɔdɔhɔ.

LUKE 1:24

Ke mme usen oro ema ekebe, Elisabeth ŋwan esie oyomo, onyuŋ odibe ɔfiɔŋ ition;

2 SAMUEL 6:23

Ndien Michal eyen Saul aŋwan imanke eyen, tutu osim usen mkpa esie.