LUKE 1:17 - Edisana ñwed Abasi Ibom

¹⁷ Ndien enye eyeda spirit ye odudu Elijah ebem Enye (Messiah) iso, man enye akabare esit mme ete ɔnɔ nditɔ, onyuŋ akabare mbon nsɔŋibuot anam mmɔ esaŋa ke ɔniɔŋ ndinen owo; onyuŋ anam mmɔ emi ekenimde enɔ Ɔbɔŋ ebeŋe idem ebet Enye.

LUKE 1:17 Referans Kwoze

MATTHEW 11:14

Ndien edieke mbufo enyimede ndikop, emi edi Elijah emi enyenede ndidi.

LUKE 1:76

Edi afo, eyen mi, eyekere prophet Andikoŋ-ŋkan: Koro afo eyebem Ɔbɔŋ iso ndidiɔŋ usuŋ Esie;

JOHN 3:28

Mbufo ke idem mbufo edi ntiense enɔ mi, ete, mmɔdɔhɔ nte, ami ndige Christ, edi edɔŋ mi mbem Enye iso.

ŊWED MME PSALM 78:8

ndien ekutie nte mme ete mmɔ, emana nsɔŋ-ibuot ye emiom, emana eke mi-timke esit mmɔ; ndien spirit mmɔ isɔŋɔke ida ye Abasi.

1 CHRONICLES 29:18

O Jehovah Abasi Abraham, ye eke Isaac, ye eke Israel, mme ete nnyin, nim emi ke nsinsi ke se ekikere esit ikɔt fo ebotde, nyuŋ nam esit mmɔ enen ye afo:

ERIYARARE 20:4

Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

ŊWED MBON COLOSSAE 1:12

mbufo ekpekam ekɔm Ete, emi akanamde nnyin idot ndibuana ke udeme nti owo ke uŋwana:

ŊWED MME PSALM 111:10

Uteŋe Jehovah edi eritɔŋɔ ifiɔk: kpukpru mmɔ eke enamde mmɔ enyene eti ibuot. Itoro esie ebigi ke nsinsi.

2 ŊWED TIMOTHY 2:21

Edieke owo adianarede idem ye mbio idiɔk ndutiŋ, enye eyedi ŋkpɔ-utom emi enyenede ukpono, ŋkpɔ-utom emi Abasi anamde asana, emi Ete ufɔk ekemede ndida nnam ŋkpɔ, emi ebeŋede enye enim enɔ kpukpru oruk eti utom.

ISAIAH 29:24

Ndien mmɔ eke ekeduede ke spirit eyewɔrɔ ɔniɔŋ, mme osuk-uyo eyenyuŋ ekpep item.

ŊWED MBON ROME 9:23

man oto do Enye akpayarare uwak ubɔŋ Esie ke idem mme eso mbɔm, emi Enye ekebemde iso onim ɔnɔ ubɔŋ;

UTOM MME APOSTLE 10:33

Mmɔdo idaha oro ndɔŋ ebine fi; ndien omotim anam emi ama edi. Mmɔdo ke emi kpukpru nnyin idu mi ke iso Abasi, man ikop kpukpru se Jehovah ɔdɔhɔde fi etiŋ.

JOHN 1:34

Ami mma nnyuŋ ŋkut, nnyuŋ ntie ntiense nte, Emi edi Eyen Abasi.

JOHN 1:13

emi mimanake oto ke iyip, mme ke erinyime obukidem, mme ke erinyime owo, edi emana oto Abasi.

LUKE 1:16

enye eyenyuŋ anam ediwak nditɔ Israel ekabare etiene Jehovah Abasi mmɔ.

MATTHEW 14:4

Koro John ɔkɔdɔhɔ enye ete, inenke afo ndida enye ndɔ.

AMOS 4:12

Mmɔdo ntem ke ndinam ye afo, O Israel: koro nyenam emi ye afo: tim idem man osobo ye Abasi fo, O Israel.

ŊWED MME PSALM 10:17

O Jehovah, afo omokop se mbon ukut eyomde: eyesɔŋ mmɔ esit, eyekpaŋ utɔŋ fo;

2 CHRONICLES 29:36

Ndien Hezekiah ye kpukpru owo edara, koro Abasi okotimde kpukpru owo: koro ŋkpɔ oro edide ŋwara-ŋwara.

1 NDIDEM 21:20

Ndien Ahab ɔdɔhɔ Elijah, ete, Nte afo omokut mi, O usua mi? Ndien enye ete, Mmokut: koro afo amanyam idem fo ndinam idiɔk ke iso Jehovah.

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

1 JOHN 2:28

Mmɔdo, ŋkpri nditɔ, eduŋ ke Enye ke emi, man, edieke Enye ediwɔrɔde owut idem, nnyin ikpenyene uko, ikunyuŋ inyene but ke iso Esie, ke adaŋemi Enye edidide.

MATTHEW 3:4

John oro esine edisine-ŋkpɔ eke edade idet camel enam, onyuŋ ɔbɔbɔ mbɔbɔ ikpa-unam ke isin; udia esie onyuŋ edi ŋkukuŋpkɔyɔriyɔ ye aranɔkwɔk-ikɔt.

2 NDIDEM 1:16

Ndien enye ɔdɔhɔ enye, Ntem ke Jehovah ɔdɔhɔ ete, Koro afo ɔkɔdɔŋde mme isuŋ-utom ekebup Baal-zebub abasi Ekron, ndi koro Abasi miduhe ke Israel eke ekpebupde uyo esie? Mmɔdo mudutoho ke bed emi afo ɔkɔdɔkde, usuhɔre, edi udutreke ndikpa.

1 NDIDEM 18:18

Ndien enye ɔbɔrɔ ete, Idige ami ndutuhɔ Israel; edi afo, ye ufɔk usɔ (enam), koro mbufo ekpɔŋde mbet Jehovah, koro afo onyuŋ etienede Baalim.

1 SAMUEL 7:5

Ndien Samuel ɔdɔhɔ ete, Mbufo ebon ofuri Israel ke Mizpah, man ŋkpe Jehovah ubɔk nnɔ mbufo.

MATTHEW 3:3

Emi edi owo emi prophet Isaiah eketiŋde abaŋa enye, ete, Uyo andifiori ke desert, ete, Mbufo ediɔŋ usuŋ Jehovah, eneŋere ɔkpɔusuŋ Esie.