LEVITICUS 8:8 - Edisana ñwed Abasi Ibom

⁸ Ndien ɔkɔŋɔ enye mbana-ikpanesit; onyuŋ esin URIM ye THUMMIM ke mbana-ikpanesit.

LEVITICUS 8:8 Referans Kwoze

EZRA 2:63

Ndien Tirshatha ɔdɔhɔ mmɔ, ete ekudia ata edisana ŋkpɔ tutu oku ada Urim ye Thummim adaha ada.

1 ŊWED THESSALONICA 5:8

Edi eyak nnyin, emi idide nditɔ uwemeyo, imum idem nnyin ikama, isine mbuɔtidem ye ima nte ŋkpɔ ikpanesit, inyuŋ iyara idori-enyin erinyaŋa nte ndun ibuot.

ŊWED MBON EPHESUS 6:14

Esɔŋɔ eda ndien: eda akpanikɔ ebɔbɔ ke isin, enyuŋ esine edinen ido nte ukwak ikpanesit,

ISAIAH 59:17

Ndien enye esine edinen ido ke idem nte edisine-ŋkpɔ, onyuŋ ayara ndun erinyaŋa ke ibuot: onyuŋ esine ɔfɔŋ-idem usiene ke edisine-ŋkpɔ, onyuŋ ada ufup ofuk idem nte ekura.

IKWƆ SOLOMON 8:6

Nim mi nte seal ke esit fo, ye nte seal ke ubɔk fo: koro ima ɔmɔsɔŋ nte mkpa; ufup onyuŋ ɔsɔŋ ubɔk nte udi: edemikaŋ esie esesak nte edemikaŋ Jehovah.

NUMBERS 27:21

Ndien enye edida ke iso Eleazar oku, emi edibupde ŋkpɔ ke ido Urim ke iso Jehovah enɔ enye: ndien mmɔ edida uyo esie ewɔrɔ, enyuŋ eda uyo esie eduk, enye, ye kpukpru nditɔ Israel ŋko, kpa ofuri esop.

DEUTERONOMY 33:8

Enye onyuŋ ɔdɔhɔ abaŋa Levi, ete, Akpanikɔ Fo ye uŋwana Fo eyedu ye owo emi Afo amade, emi Afo okodomode ke Massah, okonyuŋ ɔtɔhɔde ye enye ke ikɔ mmɔŋ Meribah:

1 SAMUEL 2:28

Ŋkonyuŋ mmek enye ŋko ke otu kpukpru mme esien Israel, nnim ke oku mi, man enye ɔfɔp uwa ke itie uwa mi, onyuŋ ɔfɔp incense, onyuŋ esine ephod ke iso mi. Ŋkonyuŋ nda kpukpru mme uwa ikaŋ nditɔ Israel nnɔ ufɔk usɔ.

1 SAMUEL 28:6

Ndien adaŋemi Saul obupde Jehovah, Jehovah ibɔrɔke enye ke ndap, ye ke Urim, ye ke mme prophet.

NEHEMIAH 7:65

Ndien Tirshatha ɔdɔhɔ mmɔ, ete ekudia ata edisana ŋkpɔ, tutu oku adaha ada akama Urim ye Thummin.

EXODUS 29:1

NDIEN ŋkpɔ emi ke afo edinam ye mmɔ ndinam mmɔ esana, man eda oku mi: da abak enaŋ kiet, ye okukim erɔŋ iba eke efɔŋde ema,