LEVITICUS 7:12 - Edisana ñwed Abasi Ibom

¹² Edieke enye awade enye ke ekɔm, yak enye ada obukpa uyo eke leaven miduhe, eke ebuakde aran, ɔkɔrɔ ke uwa ekɔm esie, ye mfefere uyo eke leaven miduhe, eyere aran, ye edikaŋ obukpa eti ndom-uyo eke ebuakde aran ke esit.

LEVITICUS 7:12 Referans Kwoze

NUMBERS 6:15

ke uwa emem, ye akpan uyo eke leaven miduhe, obukpa eti ndom-uyo eke abuahade aran, ye mfefere uyo eyere aran, eke leaven miduhe, ye inuak-udia mmɔ, ye ediŋwɔŋ uwa mmɔ.

LEVITICUS 2:4

Ndien adaŋemi afo edidade enɔ inuak-udia ke ŋkpɔ eke esaŋde ke usaŋ-uyo, ɔnɔ, edidi obukpa uyo eti ndom, eke leaven miduhe, mbuaha ye aran, mme mfefere uyo, eke leaven miduhe, eke eyetde aran.

1 PETER 2:5

eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.

MME HEBREW 13:15

Yak nnyin iwa uwa ekɔm inɔ Abasi kpukpru ini ke enyiŋ Jesus, kpa mfri mkpɔk-inua eke ekponode enyiŋ Esie.

ŊWED MBON EPHESUS 5:20

Enɔ Abasi Ete ekɔm kpukpru ini ebaŋa kpukpru ŋkpɔ, ke enyiŋ Ɔbɔŋ nnyin Jesus Christ.

ŊWED MBON ROME 1:21

koro okposuk edi nte mmɔ efiɔkde Abasi, mmɔ inɔŋɔ Enye ubɔŋ nte Abasi, inyuŋ inɔŋɔ Enye ekɔm; edi ekabare ekere ikpikpu ekikere, ndisime esit mmɔ onyuŋ akabare okim.

LUKE 17:18

Nte owo baba kiet iduhe ndifiak nditoro Abasi, ke mibɔhɔke esen owo emi?

LUKE 17:16

onyuŋ ɔduɔ okibi iso esie ke isɔŋ ke ukot Jesus, ɔkɔm Enye; ndien enye edi eyen Samaria.

HOSEA 14:2

Mbufo emen ikɔ mbufo efiak etiene Jehovah: edɔhɔ enye, ete, Men kpukpru idiɔk-ŋkpɔ fep, nyuŋ da eti: ndien nnyin iyenɔ fi uwa mkpɔk-inua nnyin.

ŊWED MME PSALM 116:17

Nyewa uwa ekɔm nnɔ fi, nnyuŋ nseme ŋkot enyiŋ Jehovah.

ŊWED MME PSALM 107:8

Yak owo ekɔm Jehovah ke ima esie, ye ke mme utibe ŋkpɔ emi enye anamde ye nditɔ owo.

JEREMIAH 33:11

ke eyekop uyom idara, ye uyom mbre, ye uyo ɔdɔ ŋwan, ye uyo ŋwan ndɔ, ye uyo mmɔ eke edɔhɔde, ete, “Mbufo etoro Jehovah mme udim: koro Jehovah ɔfɔnde; koro ima esie ebigide ke nsinsi”: ye eke mmɔ emi edade ekɔm edi ke ufɔk Jehovah. Koro ami nyeda nditɔ isɔŋ emi eketaŋde efep mfiak ndi, kpa nte akpa; ke edi Jehovah ɔdɔhɔ.

ŊWED MME PSALM 50:23

Owo eke awade uwa ekɔm eyekpono mi: ama onyuŋ edi owo eke otimde ndinim ido, nyewut enye erinyaŋa eke Abasi anyaŋade.

NEHEMIAH 12:43

Ndien ke usen oro mmɔ ewa ikpɔ uwa, enyuŋ edat esit: koro Abasi akanamde mmɔ edara akamba idara: iban nde, ye nditɔwɔŋ enyuŋ edara: ndien mmɔ ekop mkpo idara Jerusalem anyan ebiet.

2 CHRONICLES 33:16

Enye onyuŋ ɔdiɔŋ itie-uwa Jehovah, onyuŋ awa uwa emem ye ekɔm ke esit, onyuŋ owuk Judah, ete enam ŋkpɔ Jehovah Abasi Israel.

2 CHRONICLES 29:31

Ndien Hezekiah ɔbɔrɔ ete, Ke emi mbufo emeyɔhɔ ubɔk mbufo enɔ Jehovah, mbufo esaŋa ekpere, enyuŋ eda uwa emem ye uwa ekɔm eduk ke ufɔk Jehovah, Ndien mbon esop eda uwa emem, ye uwa ekɔm, edi; kpukpru owo eke esit mmɔ onyimede, enyuŋ eda edifɔp uwa edi.

LEVITICUS 22:29

Ndien adaŋemi mbufo ediwade uwa ekɔm Jehovah, ɔfɔn mbufo ewa ke ima esit mbufo.

LEVITICUS 7:15

Ndien yak eta unam uwa ekɔm uwa emem esie ke usen enɔ esie; okusuhɔ baba esisit, esiere.

LEVITICUS 6:16

Ndien Aaron ye nditɔ esie edia ubak eke ɔsuhɔde; yak edia enye ke edisana ebiet, ekusin leaven; ke okure efe esop ke edidia enye. Ekusin leaven esaŋ enye.

LEVITICUS 2:5

Ndien edieke enɔ fo edide inuak-udia (eke esaŋde) ke usaŋ-uyo ukwak, enye edidi eti ndom-uyo mbuaha ye aran, eke leaven miduhe.

AMOS 4:5

enyuŋ efɔp uwa ekɔm ye leaven, enyuŋ ekwɔrɔ uwa ima esit ebuk mmɔ; koro ntem ke mbufo ema, O nditɔ Israel. Uyo Ɔbɔŋ Jehovah edi emi.