LEVITICUS 3:8 - Edisana ñwed Abasi Ibom

⁸ Ndien enye ada ubɔk esie odori enɔ esie ke ibuot, onyuŋ owot enye ke iso efe esop: ndien nditɔ Aaron esime iyip esie ke itie-uwa ekanade ekuk.

LEVITICUS 3:8 Referans Kwoze

LEVITICUS 1:5

Ndien yak enye owot enaŋ oro ke iso Jehovah: ndien nditɔ Aaron, mme oku, eda iyip esie edi, enyuŋ esime iyip oro ke itie-uwa emi ekperede enyin-usuŋ tent esop, ekanare ekuk.

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

ŊWED MBON EPHESUS 3:12

ke Enye ke nnyin inyuŋ inyene esit ndisaŋa ŋkpere Abasi ye uko, oto ke mbuɔtidem eke nnyin inyenede ye Enye.

ŊWED MBON EPHESUS 2:18

koro oto Enye ke nnyin ke edem mbiba inyene usuŋ eke isaŋade ke Spirit kiet itiene Ete.

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

2 ŊWED CORINTH 5:19

ete, ke Christ Abasi ke ananam ererimbot etie ke emem ye Enye, ke mibatke ndudue owo inɔ mmɔ; okonyuŋ emen ikɔ erikabare ntie ke emem ye Enye esin nnyin ke ubɔk ete ikwɔrɔ.

MATTHEW 3:17

ndien sese, uyo oto ke enyɔŋ ɔdɔhɔ ete, Emi edi edima Eyen Mi, emi esit enemde Mi eti-eti ye Enye.

ISAIAH 53:6

Kpukpru nnyin idiyo nte erɔŋ: kpukpru nnyin ikabare iduk ke usuŋ nnyin; ndien Jehovah ada idiɔk ido nnyin kpukpru odori enye ke idem.

LEVITICUS 4:24

ndien yak enye ada ubɔk esie odori okpo ebot oro ke ibuot, ndien owot enye ke ebiet emi ekam ewotde edifɔp uwa ke iso Jehovah; enye edi uwa idiɔk ido.

LEVITICUS 4:15

Ndien mbiowo esop eda ubɔk mmɔ edori abak enaŋ oro ke ibuot ke iso Jehovah: ndien yak owo owot enaŋ ke iso Jehovah.

LEVITICUS 4:4

Ndien yak enye ada abak eyen enaŋ oro edi ke enyin-usuŋ efe esop ke iso Jehovah; onyuŋ ada ubɔk esie odori abak enaŋ ke ibuot, ndien owot abak enaŋ ke iso Jehovah.

LEVITICUS 3:13

Onyuŋ ada ubɔk esie odori enye ke ibuot, ndien owot enye ke iso efe esop: ndien nditɔ Aaron esime iyip esie ke itie-uwa ekanade ekuk.

LEVITICUS 1:11

Ndien yak owot enye ke ŋkaŋ itie-uwa edem edere, ke iso Jehovah: ndien mme oku, nditɔ Aaron, eda iyip esie esime ke itie-uwa, ekenade ekuk.

LEVITICUS 1:4

Ndien yak enye ada ubɔk esie odori edifɔp uwa ke ibuot; ndien enye akabare edi se idinamde enye enem Jehovah esit, ndisio isop esie.