LEVITICUS 26:9 - Edisana ñwed Abasi Ibom

⁹ Ndien nyese mbufo, nnyuŋ nnam mbufo ewak, enyuŋ etɔt, nnyuŋ nnam ediomi mi ɔsɔŋ ada ye mbufo.

LEVITICUS 26:9 Referans Kwoze

ŊWED MME PSALM 107:38

Enye onyuŋ ɔdiɔŋ mmɔ ŋko, ndien mmɔ ewak eti-eti; inyuŋ iyakke ufene mmɔ ekabare ekpri.

EZEKIEL 16:62

Ndien ami nyewuk ediomi mi ye afo; ndien afo eyefiɔk ete ke ami ndi Jehovah:

NEHEMIAH 9:23

Afo onyuŋ anam nditɔ mmɔ ewak nte ntantafiɔŋ enyɔŋ, onyuŋ ada mmɔ oduk ke isɔŋ oro afo ɔkɔŋwɔŋɔde ɔnɔ mme ete mmɔ, ete ke mmɔ eyeduk ekeda.

ISAIAH 55:3

Mbufo ekpaŋ utɔŋ mbufo, enyuŋ edi etiene mi: ekop, ndien ukpɔŋ mbufo eyedu uwem; ndien nyenam nsinsi ediomi ye mbufo, kpa ŋkpɔ ima David eke edide akpanikɔ.

GENESIS 28:3

Laban eyen-ete uka. Ndien Abasi Ibom eyediɔŋ fi, eyenyuŋ anam fi ɔtɔt, onyuŋ awak, ndien afo eyekabare akamba otu owo;

JEREMIAH 33:3

Seme kot mi, ndien nyeyere fi, nnyuŋ ŋwut fi ikpɔ ye ata mkpɔsɔŋ ŋkpɔ eke afo mufiɔkke mmɔ.

DEUTERONOMY 28:11

Ndien Jehovah eyenam fi awak ke nti ŋkpɔ, ke mfri idibi fo, ye ke mfri iŋwaŋ fo, ke isɔŋ emi Jehovah ɔkɔŋwɔŋɔde ɔnɔ mme usɔ, ete eyenɔ fi.

LUKE 1:72

Nditua mme ete nnyin mbɔm, Ndinyuŋ nti edisana ediomi Esie,

ŊWED MME PSALM 89:3

Mmodiomi ediomi ye owo emi mmekde, mmɔŋwɔŋɔ nnɔ David owo mi.

DEUTERONOMY 28:4

Eyefɔfɔn ɔnɔ mfri idibi fo, ye mfri iŋwaŋ fo, ye mfri ufene fo, ye nditɔ enaŋ fo, ye nditɔ ŋkpri ufene fo.

EXODUS 6:4

Mma nnyuŋ nnam ediomi mi ye mmɔ ada, nte nyenɔ mmɔ isɔŋ Canaan, isɔŋ idaŋ mmɔ, emi mmɔ ekedaŋde ke esit.

EXODUS 2:25

Ndien Abasi ese nditɔ Israel, Abasi onyuŋ ɔfiɔk.

EXODUS 1:7

Ndien nditɔ Israel etɔt, enyuŋ esiaha, enyuŋ ewak, enyuŋ esɔŋ eti-eti; ndien mmɔ eyɔhɔ ke isɔŋ oro.

GENESIS 28:14

Ndien ubon fo eyedi nte ntan isɔŋ; afo eyenyuŋ asiaha ke nnasia, ye ke ufien, ye ke edere, ye ke usuk: ndien edito ke afo ye ubon fo kpukpru oruk ke ererimbot ekut ufɔn.

GENESIS 26:4

nyenyuŋ nnam ubon fo ɔtɔt nte ntantafiɔŋ ke enyɔŋ, nnyuŋ nnɔ ubon fo mme idut emi kpukpru: ndien ofuri ekondo eyekut mfɔn

GENESIS 17:20

Mmonyuŋ ŋkop nnɔ fi ke ikɔ Ishmael: sese mmɔŋ ndiɔŋ enye, nnyuŋ nnam enye ɔtɔt, nnyuŋ nnam enye awak eti-eti, enye eyebon mbɔŋ duopeba, nyenyuŋ nnam enye edi akamba idut.

GENESIS 6:18

Nyenyuŋ nnam ediomi mi ye afo ɔsɔŋɔ ada, ndien afo ediduk ke ubom oro, afo, ye nditɔ-iren fo ye ŋwan fo, ye iban nditɔ-iren fo ŋko.

MME HEBREW 8:9

Idibietke ediomi oro ŋkodiomide ye mme ete mmɔ Ke usen oro ŋkomumde mmɔ ke ubɔk nda mmɔ ŋwɔrɔ ke isɔŋ Egypt; Koro mmɔ inyimeke ndisɔŋɔ nda ke ediomi Mi, Ndien Ami nsana mmɔ nyak; edi Jehovah ɔdɔhɔ.

NEHEMIAH 2:20

Ndien ami mbɔrɔ mmɔ ikɔ, nnyuŋ ndɔhɔ mmɔ, nte, Abasi enyɔŋ eyenɔ nnyin unen: ndien nnyin ikɔt esie iyedaha ke enyɔŋ, inyuŋ ibɔp: edi mbufo inyeneke udeme, ye itie, ye ŋkpɔ eriti ke Jerusalem.

2 NDIDEM 13:23

Ndien Jehovah ɔfɔn mfɔn ye mmɔ, onyuŋ atua mmɔ mbɔm, onyuŋ akabare ese mmɔ, abaŋa ediomi esie ye Abraham, ye Isaac, ye Jacob, inyuŋ inyimeke ndisobo mmɔ, inyuŋ imenke mmɔ kaŋa ke iso esie iduɔk.

GENESIS 1:28

Ndien Abasi ɔdiɔŋ mmɔ, Abasi onyuŋ ɔdɔhɔ mmɔ ete, Mbufo etɔt, enyuŋ ewak, enyuŋ eyɔhɔ ke isɔŋ, enyuŋ ekan enye: enyuŋ ekara iyak ke akamba mmɔŋ, ye inuen ke enyɔŋ, ye kpukpru nkpɔ uwem eke enyɔnide ke isɔŋ.

GENESIS 22:17

eyen fo kierakiet; nte nyediɔŋ fi akamba, nyenyuŋ nnam ubon fo ewak eti-eti nte ntantafiɔŋ enyɔŋ, ye nte ntan emi odude ke mben inyaŋ; ubon fo eyenyuŋ enyene enyin-usuŋ mme asua mmɔ:

GENESIS 48:4

ɔdiɔŋ mi. Onyuŋ ɔdɔhɔ mi ete, Sese, nyenam fi aka iso, nnyuŋ nnam fi awak, nnyuŋ nnam fi edi akamba otu owo; nnyuŋ nda isɔŋ emi nnɔ ubon fo eke editienede fi edem, ke nsinsi udeme.

LEVITICUS 26:15

ema enyuŋ esin mme ewuhɔ mi ke ndek, mme item mi ema enyuŋ efek mbufo ukpɔŋ, nte mbufo midinimke kpukpru mbet mi, edi ebiat ediomi mi:

DEUTERONOMY 7:13

ndien enye eyema fi, onyuŋ ɔdiɔŋ fi, onyuŋ anam fi ɔtɔt: onyuŋ ɔdiɔŋ mfri idibi fo, ye mfri isɔŋ fo, ye ibokpot fo, ye ɔbufa wine fo, ye aran fo, ye nditɔ enaŋ fo, ye nditɔ ŋkpri ufene fo, isɔŋ emi enye ɔkɔŋwɔŋɔde ɔnɔ mme usɔ, ete iyenɔ fi.

EZEKIEL 36:9

Koro, sese, ami mmɔŋ ntiene mbufo, nnyuŋ ŋkabare nse mbufo, ndien eyefuŋ mbufo,

1 NDIDEM 3:8

Owo fo onyuŋ odu ke otu ikɔt fo emi afo ekemekde, kpa ekese owo, emi uwak mmɔ miyakke owo odomo,

JEREMIAH 23:3

Ndien ami nyetaŋ ufene mi emi esuhɔde ke kpukpru mme idut eke mbinde mmɔ nsin do, mbon, nyenyuŋ nda mmɔ mfiak ke ebiet nna mmɔ; ndien mmɔ eyetɔt enyuŋ ewak.

JEREMIAH 23:4

Ndien nyedori mme ɔbɔk eke edibɔkde mmɔ, ndien mmɔ idifeheke aba ndik, idem idinyuŋ ikpaha aba mmɔ, mmɔ idinyuŋ isopke: ke edi Jehovah ɔdɔhɔ.