LEVITICUS 26:6 - Edisana ñwed Abasi Ibom

⁶ Nyenyuŋ nnam isɔŋ ofure, mbufo eyenyuŋ esuhɔre ena, ndien baba ndutime ididuhe: nyenyuŋ nnam mme idiɔk unam etre ke isɔŋ; ndien ofut idisaŋake ke isɔŋ mbufo ibe.

LEVITICUS 26:6 Referans Kwoze

ISAIAH 35:9

Lion ididuhe do, idiɔk unam idinyuŋ idɔkke ke esit, idikwe enye do; edi mmɔ eke efakde mmɔ eyesaŋa do:

ZEPHANIAH 3:13

Ubak Israel emi ɔsuhɔde idinamke ukwaŋ-ŋkpɔ, idinyuŋ isuhe nsu: owo idinyuŋ ikwe edeme abiaŋa ke inua mmɔ: koro mmɔ eyedia ŋkpɔ enyuŋ esuhɔre ena, ndien baba owo kiet eke anamde mmɔ ndik ididuhe.

ŊWED MME PSALM 147:14

Enye onim mme adaŋa fo emem, ɔnɔ fi ata eti wheat ɔyuhɔ.

JEREMIAH 30:10

Jehovah onyuŋ ɔdɔhɔ, ete, Afo owo mi Jacob, kufehe ndik; Israel, kunyuŋ ukpa idem: koro sese, ami nyenyaŋa fi nsio ke anyan idut, nnyuŋ nsio ubon fo ke isɔŋ oro etaŋde mmɔ eka; ndien Jacob eyefiak, onyuŋ etie suŋ ke ifure, baba owo kiet idinyuŋ inamke enye edikhe.

HAGGAI 2:9

Jehovah mme udim ɔdɔhɔ, ete, Ubɔŋ ekperedem ufɔk eyekpon akan eke akpa: ndien ke ebiet emi ke ndinɔ emem, Jehovah mme udim ɔdɔhɔ.

HOSEA 2:18

Ndien ke usen oro ke ndidiomi ediomi ye unam-ikɔt, ye inuen enyɔŋ, ye ɔnyɔni isɔŋ, nnɔ mmɔ; nyenyuŋ mbuŋ utiga ye ofut ye ekɔŋ ke isɔŋ mfep, nnyuŋ nyak mmɔ ena ke isɔŋ ke ifure.

EZEKIEL 34:25

Nyenyuŋ nnam ediomi emem nnɔ mmɔ, nnyuŋ nnam mme idiɔk unam etre ke isɔŋ: ndien mmɔ eyeduŋ ke wilderness ke ifure, enyuŋ ede idap ke akai.

ŊWED MME PSALM 29:11

Jehovah enenɔ ikɔt esie odudu; Jehovah eyeda emem ɔdiɔŋ ikɔt esie.

EZEKIEL 14:15

Edieke nnamde mme idiɔk unam esaŋa ke isɔŋ ebe, ndien mmɔ ebiet enye, ndien anana owo, onyuŋ akabare edi ndobo: koro mme unam miyakke owo asaŋa ebe:

ŊWED JOB 11:19

Ndien afo eyesuhɔre ana, ndien baba owo kiet eke esinde fi ndik ididuhe; ndien ediwak owo eyekpe fi ubɔk.

EXODUS 23:29

Ndibinke mmɔ mfep ke iso fo ke isua kiet; mbak isɔŋ edikabare ndon, mme mme unam ikɔt edinyuŋ ewak ekan fi.

JOHN 14:27

Ŋkpɔŋ emem ye mbufo; nyak emem Mi nnɔ mbufo: idige nte ererimbot ɔnɔde ke ami nnɔ mbufo. Ekuyak esit etimere mbufo, ekunyuŋ eyak esit mbufo ekop ndik.

ZECHARIAH 9:10

Ndien nyesibe chariot mfep ke Ephraim, nsibe horse mfep ke Jerusalem, eyenyuŋ esibe utiga ekɔŋ efep: ndien enye eyetaŋa emem ɔnɔ mme idut, onyuŋ ada ubɔŋ ɔtɔŋɔde ke inyaŋ kiet tutu osim inyaŋ eken, onyuŋ ɔtɔŋɔde ke akpa tutu osim ke mme utit ererimbot.

MICAH 4:4

Ndien kpu-kpru mmɔ eyetie ke idak vine mmɔ ye ke idak fig mmɔ; ndien baba owo kiet eke edinamde mmɔ ndik ididuhe: koro edi inua Jehovah mme udim ɔdɔhɔ.

EZEKIEL 14:17

Mma nda ofut ntiene isɔŋ oro; nnyuŋ ndɔhɔ ofut, nte enye asaŋa ke isɔŋ ebe; ndien nsibe owo ye unam mfep ke esit:

EZEKIEL 5:17

Ndien nyedɔŋ biɔŋ ye mme idiɔk unam utom, nte enam mbufo, ndien mmɔ eyebɔ fi nditɔ; idiɔk udɔŋɔ ye iyip eyenyuŋ esaŋa fi ke ufɔt ebe; nyenyuŋ nda ofut ntiene fi. Edi ami Jehovah ndɔhɔ.

ŊWED MME PSALM 85:8

Nyekop se Abasi Jehovah edidɔhɔde: koro enye eyedɔhɔ emem-emem ye ikɔt esie, ye mbon-ima esie: edi kuyak mmɔ efiak edem ke ndisime.

ŊWED MME PSALM 4:8

Nyesuhɔre nna ke isɔŋ, nnyuŋ nde idap suŋ-ŋ koro edi afo, Jehovah, ikpɔŋ-ikpɔŋ anam mi ntie ke ifure.

1 CHRONICLES 22:9

Sese, eyen eyemana ɔnɔ fi eke edidide owo nduɔk-odudu; nyenyuŋ nnam enye ɔbɔhɔ kpukpru mme asua esie eke ekande enye ekuk, ɔduɔk odudu: koro enyiŋ esie eyekere Solomon, ndien nyenɔ Israel ifure ke eyo esie.

2 NDIDEM 2:24

Ndien enye akabare iso ese mmɔ, onyuŋ osuŋi mmɔ ke enyiŋ Jehovah. Ndien uman bear iba eto ke akai, ediwai nditɔ oro, owo aba ye iba, mbai-mbai.

ŊWED MBON ROME 5:1

MMƆDO sia ema ekeda mbuɔtidem enam ikpe etebe nnyin, nnyin imenyene emem ye Abasi oto ke Ɔbɔŋ nnyin Jesus Christ.

UTOM MME APOSTLE 12:6

Ke adaŋemi Herod oyomde ndida enye ŋwɔrɔ, ke idem okoneyo oro Peter ede idap ke ufɔt mbon-ekɔŋ iba, ekɔbi enye ke ŋkpɔkɔbi iba: mbon-ukpeme enyuŋ eda ke usuŋ ekpeme ufɔk-ŋkpɔkɔbi.

EZEKIEL 14:21

Koro ntem ke Ɔbɔŋ Jehovah ɔdɔhɔ, ete, Edidi ntem ke akpan-ikɔ, adaŋemi ndidade idiɔk ufen mi mbinaŋ, ofut, ye biɔŋ, ye idiɔk unam, ye idiɔk udɔŋɔ, ndɔŋ mmɔ utom ke Jerusalem, man nsibe owo ye unam ke esit mfep.

JEREMIAH 31:26

Ndo-ndo oro ami ndemere, ŋkut; idap mi onyuŋ enem mi esit.

ISAIAH 45:7

Mbot uŋwana, nnyuŋ mbot ekim: nnam emem, nnyuŋ mbot idiɔk: ami Jehovah nnam kpukpru ŋkpɔ emi.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

ŊWED MME PSALM 3:5

Ami ŋkɔsuhɔre nna, nnyuŋ nde idap; ndemere; koro Jehovah omumde mi akama.

MME ŊKE 6:22

ke ini anade ke isɔŋ, enye eye-kpeme fi; ndien ke edemerede, enye eyesioŋo nneme ye afo.

MME ŊKE 3:24

Ke adaŋemi afo anade ke isɔŋ udufeheke ndik: ndien ke ini afo ɔsuhɔrede ana, idap eyeniŋe fi.

ŊWED JOB 5:23

Koro afo eyeduk ediomi ye mme itiat isɔŋ, unam ikɔt eyenyuŋ etie ufan ye afo.

LEVITICUS 26:22

Nnyuŋ ndɔŋ mme unam ikɔt ke otu mbufo, eke edibɔde mbufo nditɔ, enyuŋ esobo ufene mbufo, enyuŋ enam mbufo ekpri; ndien ɔkpɔ-usuŋ mbufo eyedobo.

LEVITICUS 26:7

Mbufo eyenyuŋ ebine mme asua mbufo, ndien mmɔ eyeduɔŋɔ ke ofut ke iso mbufo.

LEVITICUS 26:25

Nyenyuŋ nda ofut eke edisiode usiene ediomi mi, ntiene mbufo: ndien adaŋemi mbufo ebonode ke obio mbufo, nyedɔŋ idiɔk udɔŋɔ utom ke otu mbufo; ndien mbufo eyesine mme asua mbufo ke ubɔk.

LEVITICUS 25:18

Mbufo enam ndien mme ewuhɔ mi, enyuŋ enim mbet mi, enyuŋ enam mmɔ: man mbufo eduŋ ke isɔŋ ke ifure.

LEVITICUS 25:19

Ndien isɔŋ eyeŋwum mfri esie, mbufo edia eyuhɔ, enyuŋ eduŋ ke esit ke ifure.

2 CHRONICLES 20:30

Ntre ke isɔŋ Jehoshaphat ana suŋ: Abasi esie okonyuŋ ɔnɔ enye nduɔk-odudu ke edem kpukpru.

ŊWED MME PSALM 144:14

man enaŋ nnyin ebiom mbiomo eti-eti; baba ŋkpɔ kiet okubiara, okunyuŋ osop; baba eseme okunyuŋ odu ke aŋwa nnyin.

ISAIAH 35:8

Ndien ɔkpɔ-usuŋ eyedu do, ye usuŋ, ndien enye eyekere usuŋ edinen owo; baba edidehe ŋkpɔ kiet idinyuŋ isaŋake ke esit ibe; ndien eyedi eke mmɔ; mbon isaŋ, idem mme anana ibuot, ididuehe.

EZEKIEL 34:27

Ndien eto ikɔt eyenɔ mfri esie, isɔŋ eyenyuŋ oŋwum ŋkpɔ esie, ndien mmɔ eyedu ke isɔŋ mmɔ ke ifure, eyenyuŋ efiɔk ete ke ami ndi Jehovah, ke ini ndibuŋde eto ɔkpɔnɔ mmɔ, nnyuŋ nsiode mmɔ ke ubɔk mmɔ emi enimde mmɔ ke ifin.

HOSEA 2:20

Nyenyuŋ mbem fi nnim nnɔ idem mi ke akpanikɔ: ndien afo eyefiɔk Jehovah.