LEVITICUS 26:4 - Edisana ñwed Abasi Ibom

⁴ ndien nyenɔ mbufo edim ke ekem ini, isɔŋ eyenyuŋ oduk ekese, mme eto iŋwaŋ eyenyuŋ esioŋo mfri mmɔ.

LEVITICUS 26:4 Referans Kwoze

ZECHARIAH 8:12

Koro mkpasip eyetɔt; vine eyenɔ mfri esie, isɔŋ eyenyuŋ ɔnɔ mbuŋwum esie, ikpa-enyɔŋ eyenyuŋ ɔnɔ mbara esie; ndien nyenam mbio emi esuhɔde eda kpukpru ŋkpɔ emi enyene.

ŊWED MME PSALM 67:6

Isɔŋ omoŋwum mbuŋwum esie; Abasi, kpa Abasi nnyin eyediɔŋ nnyin.

EZEKIEL 36:30

Nyenyuŋ nnam mfri eto ye mbuŋwum isɔŋ ewak: man mbufo ekukut aba but akaŋ ke otu mme idut.

ISAIAH 30:23

Ndien enye eyeda edim ɔnɔ mkpasip fo emi afo adade ɔtɔ ke iŋwaŋ; ye udia eke iŋwaŋ oŋwumde, enye eyenyuŋ esehe onyuŋ awak. Ufene fo eyedia udia ke akwa ebiet mbiet ke usen oro:

ŊWED JOB 5:10

Emi anamde edim edep ke iso isɔŋ, onyuŋ ɔdɔŋde mmɔŋ, ete asaŋa ke iso iŋwaŋ:

DEUTERONOMY 28:12

Jehovah eyesio usuŋ ebiet unim nti ŋkpɔ esie ɔnɔ fi, eke enyɔŋ, ndinɔ isɔŋ fo edim ke ekem ini, nnyuŋ ndiɔŋ kpukpru se ubɔk fo anamde: ndien afo eyenɔ ediwak mme idut ebuɔt, edi mmɔ idibuɔtke fi.

DEUTERONOMY 11:14

ndien nyenɔ edim isɔŋ mbufo ke ekem ini, akpa edim ye ekpere-edem, man afo obon ibokpot fo, ye obufa wine fo, ye aran fo.

LEVITICUS 25:21

ndien nyewuk ufɔn mi nte etiene mbufo ke ɔyɔhɔ isua itiɔkiet, ndien enye eyeŋwum se ikemde ye isua ita.

UTOM MME APOSTLE 14:17

Edi Enye iyakke ŋkpɔ-ntiense anana ɔnɔ Enye, ke emi Enye ɔfɔnde ido, onyuŋ ɔnɔde mbufo edim heaven ye ini eduek, onyuŋ ɔnɔde mbufo udia, anam esit mbufo ɔyɔhɔ ye idaresit.

MATTHEW 5:45

man mbufo edi nditɔ Ete mbufo emi odude ke heaven; koro Enye anamde utin Esie asiaha ɔnɔ mme idiɔk owo ye nti owo, onyuŋ anamde edim edep ɔnɔ ndinen owo ye mme anam ukwaŋ-ido.

ŊWED MME PSALM 85:12

Jehovah eyenyuŋ ɔnɔ se ifɔnde; ndien isɔŋ nnyin eyenɔ mbuŋwum esie.

ŊWED MME PSALM 68:9

Afo Abasi anam edim enɔ-ima edep: ama edi udeme fo, ke ini enye ɔkpɔtde, afo ɔsɔŋ enye idem.

ERIYARARE 11:6

Mmɔ oro enyene odudu ndisiri ikpa-enyɔŋ mbiɔŋɔ edim ndidep ke mme usen eke mmɔ etiŋde prophecy; mmɔ enyuŋ enyene odudu ke idim mmɔŋ, ndinam mmɔŋ akabare edi iyip, ndinyuŋ nda kpukpru idiɔk udɔŋɔ mmia isɔŋ ufen, adaŋa ini nte mmɔ emama.

JAMES 5:7

Eme ime ndien, nditɔ-ete tutu Ɔbɔŋ edi. Sese, ɔtɔ-iŋwaŋ etie ebet eti mbuŋwum isɔŋ, onyuŋ eme anyan ime, tutu enye okut akpa ye ukperedem edim.

JEREMIAH 14:22

Nte ikpikpu abasi mme idut ekededi odu eke ekemede ndinam edim edep? Nte ikpa-enyɔŋ edinɔ edim mmɔŋ? Nte idige afo edi enye, O Jehovah Abasi nnyin? Nnyin iyebet fi, ndien: koro afo anamde kpukpru ŋkpɔ emi.

ISAIAH 5:6

ndien nyebiat enye mma: owo idisepke enye, idinyuŋ idiɔŋke; edi akpap ye ŋkukim eyetibe; nyenyuŋ ŋwuk obubit enyɔŋ, nte edim okudep ke esit:

ŊWED MME PSALM 104:13

Enye osio mmɔŋ ke ubet esie ebit ikpɔ obot: mfri utom fo ɔyuhɔ isɔŋ.

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

LEVITICUS 25:19

Ndien isɔŋ eyeŋwum mfri esie, mbufo edia eyuhɔ, enyuŋ eduŋ ke esit ke ifure.

DEUTERONOMY 11:13

Ndien ama ekem, edieke mbufo edikopde kpukpru mbet mi, emi ami mbetde mbufo mfin emi, enyuŋ ema Jehovah Abasi mbufo, enyuŋ enam ŋkpɔ esie ke ofuri esit mbufo ye ke ofuri ukpɔŋ mbufo,

ŊWED MME PSALM 67:7

Abasi eyediɔŋ nnyin; ndien kpukpru mme idut ererimbot eyebak enye.

ŊWED MME PSALM 85:13

Edinen ido eyesaŋa enye ke iso; eyenyuŋ esin nnyin ke usuŋ ikpat esie.

JOEL 2:22

O mme unam ikɔt, mbufo ekufehe, koro mbiet wilderness afiaride: koro eto osioŋo mfri esie, eto fig ye vine enɔ odudu mmɔ.