LEVITICUS 26:13 - Edisana ñwed Abasi Ibom

¹³ Ami ndi Jehovah Abasi mbufo, ami ŋkosio mbufo ke isɔŋ Egypt mfep, man mbufo ekudi ifin mmɔ: ŋkonyuŋ mbuŋ eto ɔkpɔnɔ mbufo, nnyuŋ nnam mbufo eneŋere esaŋa.

LEVITICUS 26:13 Referans Kwoze

EZEKIEL 34:27

Ndien eto ikɔt eyenɔ mfri esie, isɔŋ eyenyuŋ oŋwum ŋkpɔ esie, ndien mmɔ eyedu ke isɔŋ mmɔ ke ifure, eyenyuŋ efiɔk ete ke ami ndi Jehovah, ke ini ndibuŋde eto ɔkpɔnɔ mmɔ, nnyuŋ nsiode mmɔ ke ubɔk mmɔ emi enimde mmɔ ke ifin.

ŊWED MME PSALM 116:16

Mbɔk, O Jehovah, ami ndi owo fo; eyen ofin aŋwan fo: afo amatat mi uruk.

LEVITICUS 25:38

Ami ndi Jehovah Abasi mbufo, emi ŋkosiode mbufo ke isɔŋ Egypt mfep, man nnɔ mbufo isɔŋ Canaan, nnyuŋ ndi Abasi mbufo.

EXODUS 20:2

Jehovah Abasi fo, emi ŋkosiode fi ke isɔŋ Egypt, ke ufɔk ufin mfep.

JEREMIAH 2:20

Koro ŋkobuŋde fi ɔkpɔnɔ tutu ko, ŋkonyuŋ ŋkibide fi ŋkpɔkɔbi: ndien afo ɔdɔhɔ ete Ndinamke ŋkpɔ; koro afo ɔsuhɔrede ana nte akpara ke enyɔŋ kpukpru edikoŋ obot, ye ke idak kpukpru awawa eto.

LEVITICUS 25:55

Koro nditɔ Israel edide ikɔt mi; mmɔ edi ikɔt mi, emi ŋkadade ke isɔŋ Egypt ŋwɔrɔ: ami ndi Jehovah Abasi mbufo.

ISAIAH 51:23

edi nda enye nsin ke ubɔk mmɔ emi etuhɔde fi: emi ekedɔhɔde ukpɔŋ fo, ete, Nuhɔ, man nnyin isaŋa ibe: ndien afo ama onim edem fo nte isɔŋ, ye nte efak ɔnɔ mmɔ eke esaŋade ebe.

LEVITICUS 25:42

Koro mmɔ edide ikɔt mi emi ŋkosiode ke isɔŋ Egypt mfep: kunyam mmɔ nte enyamde ofin.

EXODUS 6:7

nyenyuŋ nda mbufo nnim ke ikɔt mi, nnyuŋ ndi Abasi mbufo; mbufo eyenyuŋ efiɔk ete ke ami ndi Jehovah Abasi mbufo, emi nsiode mbufo ke idak mbiomɔ Egypt mfep.

EZEKIEL 30:18

Usen eyekim ke Tehaphnehes ŋko, ke ini mbuŋde ɔkpɔnɔ Egypt do: ndien iseri odudu esie eyetre ke esit: ama edi enye, idiɔk enyɔŋ eyefuk enye, eyenyuŋ etaŋ nditɔ-iban esie enyɔŋɔ.

HOSEA 11:4

Nda mme oruk owo, kpa mme idut ima, ndudi mmɔ; ami nnyuŋ ntie ye mmɔ nte mmɔ eke edororede ɔkpɔnɔ ke mbaŋ mfep, nnyuŋ nnyan udia nnɔ enye adia.

EXODUS 14:8

Ntre ke Jehovah ɔsɔŋ Pharaoh edidem Egypt esit, ndien enye ebine nditɔ Israel: ndien nditɔ Israel ewɔŋɔ ke edimenere ubɔk.

ISAIAH 9:3

Afo amanam idut ɔtɔt, amanam idaresit esie okpon: mmɔ edat esit ke iso fo, kpa nte edatde esit ke ini ukpeŋe, kpa nte ebrede ke ini mmɔ edemede mbume.

JEREMIAH 28:2

Ntem ke Jehovah mme udim, Abasi Israel, ɔdɔhɔ, ete, Mmobuŋ ɔkpɔnɔ edidem Babylon:

JEREMIAH 28:4

Jehovah onyuŋ ɔdɔhɔ, ete, Ami nyeda Jeconiah eyen Jehoiakim edidem Judah, ye ofuri Judah emi eketaŋde efep enyɔŋ ke Babylon, mfiak ndi ke ebiet emi: Koro nyebuŋ ɔkpɔnɔ edidem Babylon.

NAHUM 1:13

Ndien ke emi ke ndibuŋ fi ɔkpɔnɔ esie ke idem mfep, nnyuŋ ŋkibi uruk fo.