LEVITICUS 23:2 - Edisana ñwed Abasi Ibom

² Ini emi Jehovah onimde, emi mbufo edikwɔrɔde ekot edisana esop, edi mme mmɔ emi, kpa ini mi.

LEVITICUS 23:2 Referans Kwoze

LEVITICUS 23:37

Mme mmɔ emi edi ini emi Jehovah odoride, emi mbufo edikwɔrɔde ekot edisana esop, man ewa uwa ikaŋ enɔ Jehovah, edifɔp uwa, ye inuak-udia, ye uwa emem, ye ediŋwɔŋ uwa, kpukpru ŋkpɔ ke usen mmɔ:

LEVITICUS 23:4

Mme mmɔ emi edi ini emi Jehovah onimde ke edisana esop, emi mbufo edikwɔrɔde ke ekem ini mmɔ.

JOEL 2:15

Mbufo efuri ukorowo ke Zion, enim utre-udia, ekwɔrɔ usɔrɔ.

HOSEA 2:11

Nyenyuŋ nnam ofuri idaresit esie etre, ye mme usɔrɔ esie, ye mbufa ɔfiɔŋ esie, ye mme sabbath esie, ye kpukpru ikpɔ usen esie.

ŊWED MME PSALM 81:3

Mbufo efuri ukorowo ke obufa ɔfiɔŋ, ke ɔyɔhɔ ɔfiɔŋ, ke usen usɔrɔ nnyin.

NUMBERS 29:39

Mbufo enam ŋkpɔ emi enɔ Jehovah ke ini emi edoride enɔ mbufo, ekɔrɔ ke mme akaŋa mbufo, ye ke uwa ima mbufo, ye ke edifɔp uwa mbufo, ye ke inuak-udia mbufo, ye ke ediŋwɔŋ uwa mbufo, ye ke mme uwa emem mbufo.

NUMBERS 10:10

Ndien ŋko ke usen idara mbufo, ye ke ini usɔrɔ mbufo, ye ke iso ɔfiɔŋ mbufo, mbufo eda ukorowo efuri ebaŋa edifɔp uwa mbufo, ye mme uwa emem mbufo: man mmɔ edi ŋkpɔ eriti mbufo ke iso Abasi mbufo. Ami ndi Jehovah Abasi mbufo.

JOHN 5:1

KE ŋkpɔ emi ema ekebe, usɔrɔ mme Jew edidu; ndien Jesus ɔdɔk aka Jerusalem.

NAHUM 1:15

Sese, ukot enye emi adade eti mbuk edi, emi ɔkwɔrɔde emem, edu ke ikpɔ obot! O Judah, nim ederi fo, sio mme akaŋa fo: koro oburobut owo miditɔŋɔke aba ntak isaŋa fi ke esit: emesibe enye efep ema.

JOEL 1:14

Mbufo enim utre-udia: ekwɔrɔ usɔrɔ; ebon mbiowo, kpukpru mme andiduŋ isɔŋ, edi ufɔk Jehovah Abasi mbufo, enyuŋ eseme enɔ Jehovah.

ŊWED ESEME 1:4

Ɔkpɔ-usuŋ Zion etuaŋa, koro baba owo kiet midige ke ederi: kpukpru inua otop esie emebiara, mme oku esie eseme, nditɔ-iban esie etie ke mfuhɔ, ŋkpɔ onyuŋ odoro enye.

ISAIAH 33:20

Se Zion obio ederi nnyin, enyin fo eyekut Jerusalem iduŋ ifure, tent eke midiwuhɔkede; ididibekede mme ɔkpɔhɔ esie ke nsinsi, baba uruk esie kiet idinyuŋ ikibeke.

2 CHRONICLES 30:5

Ndien mmɔ ewuk ewuhɔ, ete etɔt ofuri Israel ntɔt, ɔtɔŋɔde ke Beer-sheba, tutu osim ke Dan, ete, Yak mmɔ edi edinam passover enɔ Jehovah Abasi Israel ke Jerusalem: koro toto ke anyan ini mmɔ mikanamke enye nte ekewetde.

2 NDIDEM 10:20

Ekem Jehu ɔdɔhɔ ete, Mbufo enim usɔrɔ enɔ Baal. Ndien mmɔ ekwɔrɔ.

LEVITICUS 23:44

Ndien Moses emen mme ini emi Jehovah odoride, asiak ɔnɔ nditɔ Israel.

LEVITICUS 23:21

Ndien ke idem usen oro ke mbufo edikwɔrɔ ete edi edisana esop mbufo: ekunam baba ubɔk-utom kiet: enye edi nsinsi ewuhɔ ke kpukpru iduŋ mbufo, ke ofuri emana mbufo.

EXODUS 32:5

Ndien adaŋemi Aaron okutde, enye anam itie-uwa ke iso esie; ndien Aaron ɔtɔt ete, Mkpɔŋ edi usɔrɔ Jehovah.

ŊWED MBON COLOSSAE 2:1

KORO nyom mbufo efiɔk ɔkpɔsɔŋ eŋwan eke ŋwanade mbaŋa mbufo, ye mmɔ emi edude ke Laodicea, ye kpukpru owo emi mikekwe iso mi ke enyin:

ŊWED MBON COLOSSAE 2:16

Mmɔdo ekuyak baba owo kiet ekpe ikpe ɔnɔ mbufo ke se mbufo ediade, ye ke se mbufo eŋwɔŋde, ye ke ido eke mbufo enimde usɔrɔ ye obufa ɔfiɔŋ ye sabbath.

LEVITICUS 23:1

EKEM Jehovah ɔdɔhɔ Moses, ete, Dɔhɔ nditɔ Israel, ete mmɔ,

1 CHRONICLES 23:31

ndinyuŋ ŋwa kpukpru edifɔp uwa nnɔ Jehovah, ke mme sabbath, ye ke mbufa ɔfiɔŋ, ye ke ini eke ekedoride, nte ibat mmɔ, ye ido mmɔ edide kpukpru ini ke iso Jehovah:

EZEKIEL 44:24

Ndien ama edi ikpe, yak mmɔ eda ke itie ubiere-ikɔ; enyuŋ eda ikpe mi ekpe enye; enyuŋ enim ibet mi ye mme ewuhɔ mi ke kpukpru mme esop mi; enyuŋ enim mme sabbath mi ke edisana.

2 CHRONICLES 2:3

Ndien Solomon ɔdɔŋ ekedɔhɔ Huram, edidem Tyre, ete, kpa nte akanamde ye David ete mi, okonyuŋ ɔnɔde cedar esɔk enye, man ebɔp ufɔk eke oduŋde ke esit enɔ enye.

EZRA 3:5

ndien ke ini oro ama ekebe, mmɔ ewa edifɔp uwa kpukpru usen, ye eke mbufa ɔfiɔŋ, ye eke kpukpru mme usɔrɔ Jehovah oro ekenimde ke edisana, ye se kpukpru owo ewade enɔ Jehovah ke ima esit.