LEVITICUS 16:3 - Edisana ñwed Abasi Ibom

³ Ntem ke Aaron ediduk ke edisana ebiet oro; akama abak enaŋ ke uwa idiɔk ido, ye okukim ke edifɔp uwa.

LEVITICUS 16:3 Referans Kwoze

LEVITICUS 4:3

edi eke oku emi eyerede aran, abiatde mbet, esin mbio-obio edue isop, yak enye ada ndien abak eyen enaŋ eke ɔfɔnde ama, abaŋa ndudue emi enye eduede, ɔsɔk Jehovah ke uwa idiɔk ido.

MME HEBREW 9:7

edi akwa oku ikpɔŋ-ikpɔŋ akam esiduk ke udiana Ataya ini kiet ke isua; idukke ke misaŋake ye iyip, eke enye awade abaŋa idem esie ye ndudue mbio-obio:

LEVITICUS 8:18

Ndien enye ada okukim edifɔp uwa edi; ndien Aaron ye nditɔ esie eda ubɔk mmɔ edori okukim ke ibuot.

LEVITICUS 1:10

Ndien enɔ esie ama oto ke ŋkpri ufene, mme ke erɔŋ, mme ke ebot, ke eke edifɔp uwa, yak enye ada ayara eke ɔfɔnde ama ɔsɔk.

MME HEBREW 9:12

Enye inyuŋ idaha iyip ebot ye enaŋ isaŋa ibe iduk, edi ada iyip Esiemɔ oduk ke Edisana ebiet ini kiet kpɔt, ke Enye ama ɔkɔbɔ nsinsi ufak ɔnɔ owo.

LEVITICUS 9:3

Nnyuŋ dɔhɔ nditɔ Israel, ete, mbufo eda okpo ebot ke eke uwa idiɔk ido, ye eyen enaŋ ye eyen erɔŋ isua kiet eke efɔnde ema, ke edifɔp uwa; ye abak ayara enaŋ ŋko,

LEVITICUS 8:14

Ndien enye ada enaŋ uwa idiɔk ido edi; ndien Aaron ye nditɔ esie eda ubɔk edori enaŋ uwa idiɔk ido ke ibuot.

LEVITICUS 1:3

Enɔ esie ama edi edifɔp uwa enaŋ, yak enye ada ayara eke ɔfɔnde ama ɔsɔk: yak ada enye edi ke enyin-usuŋ tent esop, man edi se idinamde enye enem Jehovah esit.

LEVITICUS 4:1

NDIEN Jehovah ɔdɔhɔ Moses ete, Dɔhɔ nditɔ Israel, ete,

LEVITICUS 16:6

Ndien yak Aaron ada abak enaŋ uwa idiɔk ido emi edide eke idem esie, ediwa, onyuŋ osio isop idem esie, ye eke ufɔk esiemɔ.

LEVITICUS 9:2

enye onyuŋ ɔdɔhɔ Aaron ete, Da eyen enaŋ eyen ufene ke idem fo ke uwa idiɔk ido, ye okukim eke ɔfɔnde ama, ke edifɔp uwa, ndien da mmɔ di ke iso Jehovah.