LEVITICUS 11:10 - Edisana ñwed Abasi Ibom

¹⁰ Edi kpukpru se minyeneke mba ye ikpɔk ke inyaŋ, ye ke idim, ke otu kpukpru se isaŋade ke mmɔŋ, ye ke otu kpukpru mme odu uwem eke edude ke mmɔŋ, mbufo ese mmɔ ke edidehe:

LEVITICUS 11:10 Referans Kwoze

MME ŊKE 29:27

Nti owo ese oburobut owo ke mbubiam: idiɔk owo onyuŋ ese owo edinen ido ke mbubiam.

LEVITICUS 7:18

Ndien edieke editade unam uwa emem esie ke ɔyɔhɔ usen ita, enye idinemke (Jehovah), idinyuŋ ibatke enye inɔ andiwa; enye eyedi ŋkpɔ ndek, ndien ukpɔŋ eke editade enye edida ufen esie.

MME ŊKE 13:20

Owo eke asaŋade ye mme enyene-ibuot eyenyene ibuot: edi nsaŋa mbon ndisime eyediɔŋ ɔdiɔk.

DEUTERONOMY 14:3

Kuta baba ndek-ndek ŋkpɔ kiet.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

GENESIS 1:20

Ndien Abasi ɔdɔhɔ, ete, Yak mmɔŋ ɔyɔhɔ udim-udim unam eke edude uwem, yak inuen enyuŋ efefe ekpɔŋ isɔŋ ke iso ikpa-enyɔŋ.

LEVITICUS 11:9

Mme mmɔ emi edi se mbufo editade ke kpukpru se idude ke mmɔŋ: kpukpru se inyenede mba ye ikpɔk ke mmɔŋ, ke inyaŋ, ye ke idim, mmɔ ke mbufo edita.

LEVITICUS 11:11

mbufo ese mmɔ ke ŋkpɔ ndek; ekuta unam mmɔ, edi ese okpo mmɔ ke ŋkpɔ ndek.

DEUTERONOMY 14:10

edi ekuta baba kiet eke minyeneke mba ye ikpɔk; mbufo ese enye ke ŋkpɔ ndek.