JUDE 1:3 - Edisana ñwed Abasi Ibom

³ Ndima, ke ini nsinde ifik eti-eti ŋwet nnɔ mbufo mbaŋa erinyaŋa eke enyenede nnyin kpukpru, esit enyik mi ŋko ndiwet ŋkekpe ye mbufo nte, esɔŋɔ eŋwana kabaŋa ikɔ mbuɔtidem, emi ema ekeyak ini kiet ko esin nti ikɔt Abasi ke ubɔk.

JUDE 1:3 Referans Kwoze

1ŊWED TIMOTHY 6:12

Ŋwana eti eŋwan mbuɔtidem; sɔŋɔ mum nsinsi uwem kama, emi ekokotde fi edida enyene, afo okonyuŋ etiŋ eti ikɔ mbuɔtidem ke iso ediwak ntiense.

ŊWED MBON PHILIPPI 1:27

Ekam edu uwem ke otu mbio-obio mbufo nte odotde ye gospel Christ, man ye ndidide ndise mbufo ye mmonyuŋ ndige, nyekop mbaŋa itie mbufo, nte, mbufo esɔŋɔ eda enyene spirit kiet, ke enyuŋ eda esit kiet eŋwana eŋwan ebaŋa mbuɔtidem emi odude ke gospel;

JUDE 1:20

Edi ndima, mbufo ebɔp idem ke enyɔŋ edisana mbuɔtidem mbufo ekɔri, ebɔŋ akam ke Edisana Spirit; ntem ke edimum idem mbufo enim ke ima Abasi,

ERIYARARE 12:11

Mmɔ ema ekan enye oto ke iyip Eyen-erɔŋ, Onyuŋ oto ke se mmɔ etiŋde nte ntiense. Mmɔ imaŋa uwem mmɔ tutu osim mkpa.

TITUS 1:4

ŋwet nnɔ esɔk Titus, ata eyen mi ke mbuɔtidem eke nnyin edem mbiba ibuanade; mfɔn ye emem akpakam oto ke ubɔk Abasi Ete ye Christ Jesus Andinyaŋa nnyin osim fi.

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.

2 ŊWED TIMOTHY 1:13

Mum nti ikɔ eke okokopde mi ke inua kama tutu osim usen oro nte item uwem fo, ke mbuɔtidem ye ima eke odude ke Christ Jesus.

1ŊWED TIMOTHY 1:18

Uyo emi ke ŋkemen nnɔ fi, Timothy eyen mi, nte ekemde ye se ekebemde iso etiŋ ebaŋa fi, man oto do afo aŋwana eti eŋwan.

ŊWED MBON GALATIA 2:5

edi nnyin inyimeke uyo mmɔ, inyuŋ isukke ibuot inɔ mmɔ baba esisit, man akpanikɔ gospel osuk odu ye mbufo.

MME HEBREW 13:22

Nnɔ mbufo uyo, nditɔ-ete mi, nte, enyime ndibɔ item emi ntemede mbufo. Koro edi ibibio ŋwed ke nnɔ esɔk mbufo.

UTOM MME APOSTLE 9:22

Edi Saul ɔdɔdiɔŋ okop odudu akan, etiŋ ikɔ tutu ekikere oyo mme Jew emi eduŋde ke Damascus, eneŋere owut ete Jesus edi Christ.

ISAIAH 45:22

Mbufo kpukpru mme idut ererimbot, ekabare ese mi, ndien eyenyaŋa mbufo: koro ami ndide Abasi, ndien efen iduhe aba.

DEUTERONOMY 9:10

ndien Jehovah ɔnɔ mi itiat-ŋwed iba emi nnuen-ubɔk Abasi ekewetde; ndien kpukpru ikɔ oro Jehovah eketiede ke ufɔt ikaŋ ɔdɔhɔ ye mbufo ke usen esop oro, edu mmɔ ke esit.

1 ŊWED THESSALONICA 2:2

edi sia nnyin ima ikokut ukut ye esuene ke Philippi, nte mbufo efiɔkde, nnyin ida uko ke Abasi nnyin ikwɔrɔ gospel Abasi inɔ mbufo ke ufɔt ɔkpɔsɔŋ eŋwan.

1 ŊWED CORINTH 15:3

Koro mma mmen se ŋkɔbɔde nyak nnɔ mbufo ke akpaitie, nte, Christ ama akpa abaŋa mme idiɔk-ŋkpɔ nnyin, nte asaŋade ekekem ye se ŋwed Abasi ɔdɔhɔde; enyuŋ ebuk Enye;

UTOM MME APOSTLE 4:12

Erinyaŋa inyuŋ itoho ke baba owo kiet efen: koro enyiŋ baba kiet efen inyuŋ iduhe eke enɔde ke otu owo ke idak ikpa-enyɔŋ, eke enyenede ndida nnyana nnyin.

UTOM MME APOSTLE 18:28

Koro enye akande mme Jew aŋwa-aŋwa ke eneni, osioŋo ikɔ ke ŋwed Abasi, owut ete Jesus edi Christ.

UTOM MME APOSTLE 17:3

onyuŋ asian owut mmɔ, ete Christ enyene ndikpa nnyuŋ nset ke mkpa; onyuŋ ɔdɔhɔ mmɔ ete, Jesus, emi ŋkwɔrɔde nnɔ mbufo, edi Christ.

JUDE 1:17

Edi ndima mi, mbufo eti ikɔ eke mme apostle Ɔbɔŋ nnyin Jesus Christ ekebemde iso etiŋ;

2 PETER 1:1

SIMON PETER, emi edide owo ye apostle Jesus Christ, ewet ŋwed emi ɔnɔ esɔk mmɔ emi ekɔbɔde utɔ ɔsɔŋ-urua mbuɔtidem eke ebietde eke nnyin, ke edinen ido Abasi nnyin ye Andinyaŋa Jesus Christ.

1 PETER 5:12

Ŋwet ŋwed emi ibio-ibio nnɔ esɔk mbufo ke ubɔk silvanus, emi ndade nte eyen-ete emi anamde akpanikɔ; man nsɔŋɔ mbufo esit, nnyuŋ ŋwut mbufo nte, emi edi ata mfɔn Abasi. Esɔŋɔ eda ke esit.

ŊWED MBON COLOSSAE 1:2

ewet enɔ esɔk ikɔt Abasi ye nditɔ-ete ke Christ emi enamde akpanikɔ, emi edude ke Colossae: mfɔn ye emem akpakam oto ke Abasi Ete mnnyin etiene mbufo.

ŊWED MBON PHILIPPI 1:1

PAUL ye Timothy, emi edide mme owo Christ Jesus, ewet ŋwed emi enɔ esɔk kpukpru ikɔt Abasi ke Christ Jesus emi edude ke Philippi, ye nyebiowo ye mme deacon:

ŊWED MBON EPHESUS 1:1

PAUL, emi edide apostle Christ Jesus oto ke uduak Abasi, ewet ɔnɔ esɔk ikɔt Abasi emi edude ke Ephesus, ye mbon akpanikɔ ke Christ Jesus.

ŊWED MBON GALATIA 6:11

Ese ikpɔ mbai ŋwed emi ŋwetde ke ubɔk mi nnɔ mbufo.

UTOM MME APOSTLE 28:28

Efiɔk emi ndien, ete, enɔ erinyaŋa Abasi emi esɔk mme Gentile: mmɔ eyenyuŋ ekpaŋ utɔŋ ekop.

UTOM MME APOSTLE 20:27

Koro mmeŋkefeheke ndikwɔrɔ ofuri uduak Abasi nnɔ mbufo.

JEREMIAH 9:3

Ndien mmɔ enuk utiga mmɔ, kpa edeme mmɔ etop nsu: idaha akpanikɔ inam uko ke isɔŋ; koro mmɔ edediɔŋ eka iso ke idiɔk ido, ndien ifiɔkke mi: ke edi Jehovah ɔdɔhɔ.

ISAIAH 45:17

Jehovah anyaŋa Israel nsinsi erinyaŋa: but ye esuene idinamke mmɔ ke nsinsi-nsinsi.

ŊWED MBON GALATIA 3:28

Jew ye Greek ikemeke ndidu, ofin ye eyen-isɔŋ ikemeke ndidu, erenowo ye ŋwan inyuŋ ikemeke ndidu; koro kpukpru mbufo edi kiet ke Christ Jesus.

NEHEMIAH 13:25

Ndien ntɔhɔ ye mmɔ, nnyuŋ nsua nnɔ mmɔ, nnyuŋ mmia ndusuk mmɔ, nnyuŋ ndibere mmɔ idet, nnyuŋ nnam mmɔ etomo Abasi, nte, Mbufo ekuda nditɔ-iban mbufo enɔ nditɔ-iren mmɔ, ekuŋyuŋ eda nditɔ-iban mmɔ enɔ nditɔ-iren mbufo, ye idem mbufo.

DEUTERONOMY 21:9

Ntem ke afo edisio iyip owo eke miduehe isop ke otu fo efep, ke ini afo anamde se inende ke iso Jehovah.

UTOM MME APOSTLE 6:7

Ndien ikɔ Abasi ɔdɔdiɔŋ asuana; ibat mbet onyuŋ ɔtɔt ke Jerusalem eti-eti; ediwak mme oku enyuŋ esuk ibuot enɔ akpanikɔ.

UTOM MME APOSTLE 9:13

Edi Ananias ɔbɔrɔ ete, Ɔbɔŋ, mmokop mbaŋa owo emi ke inua ediwak owo, adaŋa akwa ibak ke enye akanam nti ikɔt Fo ke Jerusalem;

MME HEBREW 6:9

Edi ndima, imonim ite ŋkpɔ efɔn ekan oro ye mbufo, eyenyuŋ ewɔrɔ erinyaŋa, okposuk edi nte itiŋde ntem.

2 PETER 2:21

Ɔkpɔfɔn ye mmɔ ndikpetre ndifiɔk usuŋ edinen ido akan ndifiɔk mma, ndien ndiwɔŋɔre ŋkpɔŋ edisana ibet eke enɔde mmɔ.

JUDE 1:1

JUDAS emi edide owo Jesus Christ, ye eyen-eka James ewet ŋwed emi ɔnɔ esɔk mmɔ emi ekekotde, emi Abasi Ete amade, emi enyuŋ ekpemede mmɔ enɔ Jesus Christ.