JUDE 1:12 - Edisana ñwed Abasi Ibom

¹² Mmɔ edi ndibe-ndibe itiat ke itie usɔrɔ-ima mbufo, ke ini mmɔ ediade udia ye mbufo; inamke mmɔ ndik ndibɔk idem mmɔ. Mmɔ edi idiɔk enyɔŋ eke misioŋoke edim, eke ofim onyuŋ ɔkpɔride ada ebe; mmɔ ebiet eto ndaeyo eke minyeneke mfri, eke ama akpa ama, owobere ɔduɔ;

JUDE 1:12 Referans Kwoze

MATTHEW 15:13

Edi Enye ɔbɔrɔ ete, Kpukpru se etɔde, eke midige Ete Mi ke heaven ɔkɔtɔ, eyedibere. Esana mmɔ eyak: mmɔ edi nnan mme ada-usuŋ.

EZEKIEL 34:8

Ɔbɔŋ Jehovah ɔdɔhɔ, ete, Ma uwem mi, koro ufene mi ekabarede edi mbume, ufene mi enyuŋ ekabare edi udia kpukpru mme unam ikɔt, koro owo eke ekpemede miduhe, mme ɔbɔk-ufene mi minyuŋ ibineke ufene mi, mme ɔbɔk enyuŋ ebɔk idem mmɔ ndien ibɔkke ufene mi;

ŊWED MBON PHILIPPI 3:19

Nsobo eyedi utit mmɔ, idibi mmɔ edi abasi mmɔ, mmɔ eseŋ ke se isuenede mmɔ, mmɔ ekere ŋkpɔ isɔŋ emi.

ŊWED MBON EPHESUS 4:14

man nnyin ikudi aba nditɔwɔŋ, emi ukpep-ŋkpɔ etode ke nsio-nsio edem ebara nte ofim emen etop eduɔk, eda nnyin ediyo ke ŋkari owo eke efiɔkde nditibi usuŋ abiaŋa;

MME ŊKE 25:14

Obubit enyɔŋ ye ofum eke minyeneke edim, ebiet owo eke oburede ke enɔ abiaŋa.

LUKE 21:34

Edi ekpeme idem mbufo, mbak uyuhɔ udia ye mmin ye ekikere uwem emi edinam esit mbufo odobi, ndien usen oro edibuat mbufo nte ekpɔ;

LUKE 8:6

Mkpasip ndusuk eduɔŋɔ ke akwa itiat; ndien ke ini mmɔ etibede, eyemere, koro minyeneke mmɔŋ.

EZEKIEL 34:10

Ntem ke Ɔbɔŋ Jehovah ɔdɔhɔ ete, Sese, ami mmɔŋ nnam ikɔ ye mme ɔbɔk-ufene; nyenyuŋ nyom ufene mi ke ubɔk mmɔ, nnyuŋ nnam mmɔ etre ndibɔk ufene; mme ɔbɔk idinyuŋ ibɔkke aba idem mmɔ; ndien nyesio mmɔ ufene mi ke inua, ndien mmɔ ididige aba udia mmɔ.

EZEKIEL 34:2

tiŋ prophecy, nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ mme ɔbɔk erɔŋ, ete: Ɔdɔdiɔk ɔnɔ mme ɔbɔk-erɔŋ Israel emi ebɔkde idem mmɔ. Nte mme ɔbɔk ikpebɔkke ufene?

JAMES 5:5

Mbufo edu uwem, edia nti ŋkpɔ ke isɔŋ, enyuŋ ebine mbre; emebɔk esit mbufo ke usen afai.

1ŊWED TIMOTHY 5:6

Edi ebe-akpa eke ɔduɔde oduk ke mbre amakpa ke eyo uwem.

LUKE 16:19

Owo inyene kiet okodu emi esinede eti ididuot ɔfɔŋ-idem ye eti ɔfɔŋ linen, onyuŋ adiade edinem udia kpukpru usen.

LUKE 12:45

Edi edieke asaŋutom oro edidɔhɔde ke esit esie ete, Ete-ufɔk mi ebigi eridi, edinyuŋ ɔtɔŋɔde ndimia ifin iren ye ifin iban eken, ndinyuŋ ndia ŋkpɔ, nnyuŋ ŋŋwɔŋ mmin nyuhɔ;

MARK 4:6

koro ntan mituŋɔke; ekem ke ini utin asiahade, ɔfɔp mmɔ; ndien sia minyeneke oruŋ eyemere.

MATTHEW 13:6

enyuŋ etibe idaha oro, koro ntan mituŋɔke: edi ke ini utin asiahade, ɔfɔp mmɔ; ndien sia minyeneke oruŋ, eyemere.

HOSEA 6:4

Ndinam nso ye afo, O Ephraim? O Judah, ndinam nso ye afo? Ŋkɔm ima (Abasi) mbufo ebiet ntuhube usenubɔk, ye mbara emi abakde adaha.

EZEKIEL 34:18

Nte mbufo enim ke ekpri akan mbufo emi mbufo etade eti mbiet, ndien mbufo eda ukot mbufo edigi mbiet mbufo eke ɔsuhɔde? Mbufo enyuŋ eŋwɔŋ edideŋi mmɔŋ, ndien etimere se isuhɔde ke ukot mbufo.

EZEKIEL 17:9

Dɔhɔ, ete, Ntem ke Ɔbɔŋ Jehovah ɔdɔhɔ, ete, Nte enye edikut unen? Nte owo ididibekede enye oruŋ, idinyuŋ isibeke mfri esie ifep, man enye asat? Ofuri nsehe ikɔŋ esie eyesat, idinyuŋ idige akamba ubɔk ye ediwak owo edidibere enye ke oruŋ esie efep.

ŊWED MME PSALM 1:3

Ndien enye ebiet eto eke etɔde ke mben akpa mmɔŋ, eke osioŋode mfri esie ke ekem ini; ikɔŋ esie inyuŋ ikeŋeke; ndien kpukpru se enye anamde ɔwɔrɔ usuŋ.

2 CHRONICLES 7:20

ndien nyedibere mmɔ mfep ke isɔŋ emi ŋkɔnɔde mmɔ; nyenyuŋ mmen ufɔk emi nnamde nnɔ enyiŋ mi, ke iso mi mfep nduɔk, nnyuŋ nnam enye akabare edi ikwɔ ye ufiet ke otu kpukpru mme idut.

ŊWED MME PSALM 37:2

Koro eyewara ndisibe mmɔ nte mbiet, mmɔ eyenyuŋ ekeŋe nte awawa ikɔŋ.

MME HEBREW 13:9

Ekuyak nsio-nsio esen ukpepŋkpɔ osio mbufo ke itie mbufo. Ɔfɔn esit enyene nsɔŋ-nda ke mfɔn Abasi, okuda ke nsio-nsio oruk udia; koro ido oro ikodorike mmɔ emi esaŋade esit.

LEVITICUS 14:43

Ndien edieke udɔŋɔ oro ɔtɔŋɔde ntak asiaha ke ufɔk, ke ema esioŋo itiat oro efep, enyuŋ ekwat ufɔk, enyuŋ etop, ema;

ŊWED JOB 8:17

Enye omum ŋkam esie ke ibombom, ese ufɔk itiat.