JOSHUA 9:14 - Edisana ñwed Abasi Ibom

¹⁴ Ndien mbio oro ebɔ mmɔ udia, inyuŋ ibupke uyo Jehovah.

JOSHUA 9:14 Referans Kwoze

NUMBERS 27:21

Ndien enye edida ke iso Eleazar oku, emi edibupde ŋkpɔ ke ido Urim ke iso Jehovah enɔ enye: ndien mmɔ edida uyo esie ewɔrɔ, enyuŋ eda uyo esie eduk, enye, ye kpukpru nditɔ Israel ŋko, kpa ofuri esop.

JUDGES 1:1

EDIKEM adaŋemi Joshua ama akakpa, nditɔ Israel ebup Jehovah, ete, Anie edibem iso ɔdɔk akaŋwana ekɔŋ ye mme Canaanite ɔnɔ nnyin?

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.

EZRA 8:21

Ndien ŋkwɔrɔ utre-udia do ke mben akpa Ahava, man nnyin ituk idem nnyin ke iso Abasi nnyin, inyuŋ ibeŋe enye edinen usuŋ inɔ idem nnyin, ye nditɔ-wɔŋ nnyin, ye kpukpru inyene nnyin.

2 SAMUEL 5:19

Ndien David obup Jehovah, ete, Nte ndɔk ŋka ekɔŋ ye mme Philistine? Nte afo edida mmɔ esin mi ke ubɔk? Ndien Jehovah ɔdɔhɔ David, ete, Dɔk: koro mmenditreke ndida mme Philistine nsin fi ke ubɔk.

JUDGES 20:28

Phinehas eyen Eleazar, eyen Aaron, onyuŋ ada enye ke iso ke eyo oro,) Nte ntɔŋɔ ntak ŋwɔrɔ ŋka ekɔŋ ye nditɔ Benjamin eyen-ete mi, mme nyetre? Ndien Jehovah ɔbɔrɔ ete, Mbufo edɔk: koro mkpɔŋ ke ndida mmɔ nsin mbufo ke ubɔk.

2 SAMUEL 2:1

EDIKEM ke ŋkpɔ oro ebede, David obup Jehovah, ete, Mme nyedɔk ŋka ke obio Judah kiet? Ndien Jehovah ɔdɔhɔ enye, ete, Dɔk. Ndien David obup, ete, Ndidɔk ŋka mmɔŋ? Ndien enye ɔdɔhɔ ete,Ke Hebron.

JUDGES 20:18

Ekem mmɔ edaha ke enyɔŋ edɔk ke Beth-el, ekebup Abasi. Ndien nditɔ Israel edɔhɔ, ete, Mme anie owo nnyin edibem iso edɔk ekeŋwana ekɔŋ ye nditɔ Benjamin? Ndien Jehovah ɔdɔhɔ ete, Judah edibem iso.

1 SAMUEL 22:10

Ndien enye obup uyo Jehovah ɔnɔ enye, onyuŋ ɔnɔ enye udia, onyuŋ ɔnɔ enye ofut Goliath Philistine.

EXODUS 28:30

Ndien da Urim ye Thummim sin ke mbana-ikpanesit-ikpe; ndien mmɔ eyedoro Aaron ke esit, ke ini enye odukde ke iso Jehovah, ndien Aaron edibiom ikpe nditɔ Israel ke esit esie ke iso Jehovah kpukpru ini.

JOSHUA 9:13

Mme ikpa wine emi nnyin ikesinde iyɔhɔ, ekenyuŋ edi mbufa: ndien, sese, mmɔ emewaha: ɔfɔŋidem nnyin emi, ye ikpa-ukot nnyin enyuŋ ekabare ŋkani, oto koro usuŋ oyomde eti-eti.