JOSHUA 7:6 - Edisana ñwed Abasi Ibom

⁶ Ndien Joshua awai ɔfɔŋidem esiemɔ, onyuŋ ɔduɔ ke isɔŋ okubi iso esie ke iso Jehovah, tutu osim ke mbubreyo, enye ye mbiowo Israel, mmɔ enyuŋ eda ntɔŋ eduɔk ke ibuot mmɔ.

JOSHUA 7:6 Referans Kwoze

GENESIS 37:29

Ekem, Reuben afiak aka ke obube oro; edi, sese, Joseph iduhe ke obube; ndien enye

GENESIS 37:34

Ndien Jacob awak edisine-ŋkpɔ esie, onyuŋ esine ɔfɔŋ-ikpo ke idem, onyuŋ atua eyen esie anyan ini.

ŊWED ESEME 2:10

Mbiowo adiaha Zion etie ke isɔŋ, edop uyo: mmɔ emen ntan eduɔk ke ibuot mmɔ; emebɔbɔ ɔfɔŋ-ikpo ke idem: nditɔ iban Jerusalem etuk ibuot mmɔ ese isɔŋ.

2 SAMUEL 13:31

Ndien edidem adaha ke enyɔŋ, awai edisine-ŋkpɔ esie, onyuŋ ɔsuhɔre ana ke isɔŋ; kpukpru ikɔt esie enyuŋ ewai edisine ŋkpɔ mmɔ eda do.

NUMBERS 14:6

Ndien Joshua eyen Nun, ye Caleb eyen Jephunneh, emi edude ke otu mbon uyep isɔŋ, ewai edisine-ŋkpɔ mmɔ:

ERIYARARE 18:19

Mmɔ enyuŋ ewobi ntɔŋ eduɔk ke ibuot, esio mkpo, etuaŋa enyuŋ efuhɔ, ete, Mbɔm, mbɔm, akwa obio, emi akanamde kpukpru mme enyene ubom ke akpa eforo oto ke eriduɔk inyene esie! ke hour kiet ema enam enye odu ke ndobo.

UTOM MME APOSTLE 14:14

Edi ke ini mme apostle, Barnabas ye Paul, ekopde, mmɔ ewai ɔfɔŋidem mmɔ, ebumere eduk ke otu mbio-obio, efiori ete,

ŊWED JOB 2:12

Ndien mmɔ eda nsan-nsan emenere enyin mmɔ, edi idiɔŋɔke enye, ndien mmɔ emenere uyo mmɔ etua eyet; ndien kpukpru mmɔ ewak ekura mmɔ, enyuŋ eduɔk ntan ke ibuot mmɔ, ese enyɔŋ.

ŊWED JOB 1:20

Ndien Job adaha ke enyɔŋ, awai ekura esie, onyuŋ okporo ibuot esie, ndien ɔduɔ ke isɔŋ, atuak ibuot.

ESTHER 4:1

EKEM ke ini Mordecai edifiɔkde kpukpru se enamde, Mordecai awai edisine-ŋkpɔ esie, onyuŋ esine ɔfɔŋ-ikpo ye ntɔŋ ke idem, ndien ɔwɔrɔ aka ke ufɔt obio, onyuŋ, eseme akamba ye edidoro eseme:

2 SAMUEL 12:16

Ndien David ekpe Abasi ubɔk ɔnɔ eyen oro; David onyuŋ etre udia ŋko, onyuŋ oduk, ɔsuhɔre ana ke isɔŋ ke ofuri okoneyo.

2 SAMUEL 1:12

Ntre ke mmɔ eseme, enyuŋ etua eyet, enyuŋ etre udia, tutu osim ke mbubreyo, ebaŋa Saul, ye Jonathan eyen esie, ye ikɔt Jehovah, ye ufɔk Israel; koro mmɔ eduɔŋɔde ke ofut.

1 SAMUEL 4:12

Ekem eyen Benjamin kiet oto ke udim-ekɔŋ ɔsɔp itɔk okosim ke Shiloh ke usen oro, ye ŋwaha ɔfɔŋ-idem, ntan onyuŋ odoro enye ke ibuot.

JUDGES 21:2

Edikem kpukpru owo edi ke Bethel, enyuŋ etie do ke iso Abasi, tutu osim mbubreyo, enyuŋ emenere uyo mmɔ etua akamba eyet;

JUDGES 20:26

Ndien kpukpru nditɔ Israel ye kpukpru owo edɔk eka Beth-el eketua eyet, enyuŋ etie do ke iso Jehovah, enyuŋ etre udia ke usen oro, tutu osim mbubreyo: mmɔ enyuŋ ewa edifɔp uwa ye uwa emem ke iso Jehovah.

JUDGES 20:23

Nditɔ Israel enyuŋ edɔk eketua eyet ke iso Jehovah, ete, Nte ntɔŋɔ ntak ŋka ekɔŋ ye Benjamin eyen-ete mi? Ndien Jehovah ɔdɔhɔ ete, Mbufo edɔk eka ekɔŋ ye enye.

NUMBERS 16:45

Edi mmɔ eduɔ ke isɔŋ ekubi iso mmɔ.

NUMBERS 16:22

Ndien mmɔ eduɔ ke isɔŋ ekubi iso mmɔ ete, O Abasi, Abasi spirit kpukpru owo, nte afo eyeyat esit ye ofuri esop, koro owo kiet eduede?

JOSHUA 7:7

Ndien Joshua ɔdɔhɔ ete, O Jehovah ɔbɔŋ, nsinam afo adade mbio emi ebe Jordan, onyuŋ adade nnyin esin mme Amorite ke ubɔk, man esobo nnyin? Nnyin ikpekam ima nditie ke edem Jordan oko!

2 SAMUEL 1:11

Ndien David, ye kpukpru owo emi edude ye enye, emum edisine-ŋkpɔ mmɔ ewai.

2 NDIDEM 22:11

Edikem adaŋemi edidem okopde ikɔ ŋwed ibet oro, enye awai edisine-ŋkpɔ esie.

2 CHRONICLES 34:19

Edidem adaŋemi edidem okopde ikɔ ŋwed ewuhɔ oro, enye awai edisine-ŋkpɔ esiemɔ.

ŊWED JOB 42:6

Mmɔdo nsuade idem mi, nnyuŋ ntiede ke obu ye ntɔŋ ntua mkpɔfiɔk.

JUDGES 11:35

Edikem adaŋemi enye okutde eyen oro, enye awai ɔfɔŋidem esie, onyuŋ ɔdɔhɔ ete, Ah, eyen mi, afo anam mi nsuhɔre eti-eti, afo onyuŋ odu ke otu mme mmɔ emi edutuhɔde mi: koro mma ŋkubɔre inua mi nnɔ Jehovah, ndien ndikwe nte mfiakde edem.

2 SAMUEL 1:2

edikem ke ɔyɔhɔ usen ita sese, owo kiet oto ke na-ekɔŋ emi Saul odude, edi ndien edisine-ŋkpɔ esie ewaha, ntɔŋ onyuŋ odoro enye ke ibuot: edikem ke adaŋemi enye osimde David, enye ɔduɔ ke isɔŋ atuak ibuot.

2 SAMUEL 13:19

Ndien Tamar ada ntan ŋko ɔduɔk ke ibuot esie, onyuŋ awai ediye edisine-ŋkpɔ oro enye esinede, onyuŋ odori ubɔk esie ke ibuot, asaŋa atua.

EZRA 10:1

EKEM adaŋemi Ezra akanamde mkpeubɔk, okonyuŋ ayararede, atua eyet, onyuŋ ɔduɔ ke isɔŋ ke iso ufɔk Abasi, ata akwa otu iren-owo, ye iban, ye nditɔwɔŋ emi etode ke Israel, esop idem ke ɔtɔ esie: koro kpukpru owo etuade eyet eti-eti.

NEHEMIAH 9:1

EKEM ke ɔyɔhɔ usen edip ye inaŋ ke ɔfiɔŋ emi, nditɔ Israel esop idem etre udia, esine ɔfɔŋ-ikpo, ntan onyuŋ odoro mmɔ ke idem.

ESTHER 4:3

Ndien ke kpukpru mme province, ke ebiet emi uyo edidem ye ewuhɔ esie esimde, akamba eseme odu ke otu mme Jew, ye utre udia, ye eyet, ye ntuaŋa; ndien ediwak owo ena ke ɔfɔŋ-ikpo ye ntɔŋ.